Uswelulo 13:5 - UPANGANO UPYA

⁵ Nayo yapiwa unnomo wa kuvwanga amaswi makulu, aya misuli kuli Leesa. Yapiwa maka ya kuomba imilimo yaakwe imyezi amakumi yani na ili.

Uswelulo 13:5 Referans Kwoze

Uswelulo 12:6

Umwanachi wilye awitukila un-nyika, kuno kuli pano Leesa wateyanya ukuti alyisiwe kweneko amanda ielfu ni myanda ili na makumi sita.

Uswelulo 12:14

Mwanachi wilye wapiwa amapa yaili aya mango yiyi inkulu, kuti awuluke apite undusanga, kuno wateyanyiwe pano alulyisiwa uku mpinda ni mpiinda na pakasi ya mpinda, ukutali ni chizoka chiyo.

2 Tesalonike 2:4

Untu wa kupingula, wino aluukusha apa lwakwe uku ifintu fyoshi fino filwitwa iLeesa nanti ukufukamilwa; nunkola kwene alwikala un-ng'anda-nkulu-iyi-Leesa nu kuulanga apa lwakwe unkola, kunti ali Leesa.

Uswelulo 13:7

Yapiwa kaili ukulwa isumo na aswepe nu kuyapota; yapiwa uposi pa nko zyonsi ni mipanda ni mivwango na antu yoshi.

Uswelulo 11:7

Pano yacha yamala usyuta wao, palutumbuka ichinyama cha nkango ukufuma uku azimu, chiluchita isumo nayo nu kuyapota nu kuyumola.

2 Tesalonike 2:3

Umwi atamusosha nanti uku nsila imwi, kuno utalwisa fika na lino kutane kutangule ukuloleka, aloleke untu wa kutanduka, umwana wa ononi.

2 Tesalonike 2:8

Apano aluswelulwa untalamanu, wino uMwene Yesu alumola uku mpu wa un-nnomo wakwe, nu kumonona apa kusweluka kwa kwisa kwakwe.