Uswelulo 1:5 - UPANGANO UPYA

⁵ Na fino fifumile kuli Yesu Klisto, shuta wa kutailwa, wiyele kuli yano yafwa, unnâsi wa yene ya kuno kusi. Wino watukunda nu kutukulula ku maifyo uku wasi waakwe

Uswelulo 1:5 Referans Kwoze

Aeblania 9:14

ali utalusile nkani uwasi wi Klisto, wino kuli Mweso wa manda ti, waufimile upuma waakwe kuli Leesa, awe uwila uno usi nuipe, ulutufula imyeso itu ni milimo ya nfwa, kuti tumpepe Leesa wa upuma?

1 Yoane 1:7

Leelo ndi tulupita um-mwengelela, ndi fino wene ali um-mwengelela, angi tuminkana swe akola na akola; nu wasi wi Yesu uMwana wakwe, watufula amaifyo itu yoshi.

Uswelulo 17:14

Ayano yalulwa nu Mwana-nfwele; leelo uMwana-nfwele aluyapota, kuno wene uMwene wa aene, na kaili Nnâsi wa alâsi, na yao yano yali ponga nawe, ayano yisilwe nu kusololwa, ayakutailwa.”

Akolosai 1:18

Nawe alu untwe wa mwili, ukuli kuti, uwi kanisa. Ali wa ntangulo, uwiyele ukufuma uku yaafwa, ukuti akolelele ifintu vyonsi.

1 Petlo 1:19

leelo uku wasi wa mpangila, ndi kuti uwa mwana-nfwele wino asi ni ndeme nanti lyala, ali wi Klisto.

Milimo 26:23

Fino chilungime Klisto aluchula na fino unkola alutangula atutuluke uku yafwi, aluma imbila ya maswi ya mwengelela uku antu yaakwe nu ku yakulukuwa.”

Uswelulo 19:16

Nawe ali nizina lyandikwe uku mwenda waakwe na pa lupamba lwakwe: Unnâsi wa yalâsi, Mwene wa ene.

1 Yoane 4:10

Alalu uli lukundo, asi kuti sweswe twalile twakunda Leesa, leelo fino unkola u wino watukunda sweswe, nga watuma umwanakwe ukuwa Kapulikanya uku maifyo itu.

Yoane 18:37

Nga Pilato wannena, waati: “Chene! We mwene?” Yesu wannena, waati: “Wewe wataka, fino nene Mwene. Nemwi navilwe uku nnandu wa ifintu vi, nu ku ifintu vi ichileka nizile kuno ukunzi, ukuti ngimikile ichumi. Untu wensi uwa chumi akulupulika iswi lyane.”

Uswelulo 3:14

“Na kuli malaika wikongani lya ku Laodikea andika, uti: Wino ali Amina, Syuta wa kutailwa nu wa chumi, uwa ntangulo apa vilengwa na Leesa, wavwanga ifintu vi, waati:

Uswelulo 7:14

Nene nannena, nati: “Mwene wane, wewe umanyile.” Wanena, waati: “Yao ali yano yafumile um-machulo yalye amakulu; nayo iyafula imyenda yao nu kuiswefya um-wazi wa Mwana-nfwele.

Mateo 28:18

Nga Yesu awiisa kuno yali, afwaanga nayo, ayanena aati: “Napiwa amaka yooshi umwiyulu na paasi.

1 Timoteo 6:15

Kuno Wene, pano amanda yaakwe yafika, alukulanga unkola wino watensiwa, uwa-maka wenga kwene, uMwene wa yene, Unnâsi wa yalâsi,

Aefeso 2:4

Leelo Leesa wino ali ni nkumbu tupu, uku lukundo lwakwe ulukulu, luno watukunda,

Aefeso 5:2

mupitae undukundo, ndi fino Klisto nawe wamukunda mwemwe, na kaili waufimile uku nnandu witu ukuwa uwila ni chipelo kuli Leesa, ukuwa ununkilo wa manukato.

Milimo 20:28

Muyisunge imyenzo yino mwe yakola, nufyo onsi, uno Mweso Nswefu wamuchita muwe yangalizi, kuti mulyisye ikongani li Leesa, lino wakazile uku wazi waakwe unkola.

Agalatia 2:20

Nakonkomilwe ponga na Klisto, leelo nene mpuma, leelo asi nene kaili, leelo Klisto umpuma muli nene; nu upuma uno ndi nao li kwene um-mwili, ndi nao umusumilo wa Mwana wi Leesa, wino wankunda, waufima upuma wakwe uku nnandu wane.

Uswelulo 11:15

Apano malaika wa saba uma ipenga. Kwawa maswi makulu umwiyulu, angi yaluti: “Uwene wansi iuwa uwene wa Mwene witu na Klisto wakwe, uwino wannâsa manda ti na ti.”

1 Timoteo 6:13

Nakupa kuli Leesa, wino akulupa ifintu vyonsi upuma, na pali Klisto Yesu, wino wimike usyuta uzipe ulye apa maaso yi Pontio Pilato,

1 Kolinto 6:11

Na pali mwemwe mwali antu ya fiyo kwene; leelo mwafulwa, kaili mwaswefiwa, mwalilwe ichumi ukwizina lya Mwene witu Yesu Klisto, nu ku Mweso wi Leesa witu.

Yoane 15:9

Ndi fino Tata wankunda, ifino nene kwene namukunda; wikalini undukundo lwane.

Yoane 13:1

Ngi nkolelo ya wanda ukulu uwa Pasaka, Yesu wamanile fino amanda yaakwe iyasila akufuma kuno ukushi ukuya kuli Tata, nawe wakunda antu yaakwe kimo ukushi, wayakunda chimwi.

Aloma 8:37

Leelo ifintu fyoshi fiyo tulufipota nu kuluta uku nkola wino watukunda.

Yoane 13:34

“Ichilangaso chipya namupa: mukundane; ndi fino namukunda mwemwe, nemwe kwene ifino mukundane.

Yoane 3:32

Fino wawine nu kufipulika ifino alulanda, leelo kusi umwi wino alupulika amaswi yaakwe.

Yoane 3:11

uMwenemo, umwenemo, ndukunena: fino lili lino tulimanile, tukululivwanga, na lino twalola tukululilanda, nu kulanda kwitu mutalukusumila.

Mateo 20:28

Ndi kuti fino uMwaana-ntu atishile ukwisa wombelwa, leelo ukuombela nu kufima upuma waakwe uku kulula antu tupu.”

Yoane 3:16

Kuno yiyo Leesa wakundile aya munsi, ichaleka wafima uMwana waakwe wafilwe wenga, ukuti chila ntu wino wamsumila, atalowa, leelo awe nupuma wa manda ti.

Aloma 3:25

Wino Leesa watamwika awe ikapulikanya, uku nsila ya usumilo, um-wazi wakwe, ukuti alangizye ichumi chakwe, kuno wasulikanya uku chelelezi chi Leesa amaifyo yoshi yano yachisilwe inkolelo.

Aeblania 10:29

Mwalola uli? Chitannungime uputusi unkulunkani untu wilye, wino wannyata uMwana wi Leesa, nu kwelengula uwasi wa Upangano uno wafusilwe kuli weneo, ukuwa ichintu cha chaka chaka, nu kumchitila intumpu Mweso wa nkumbu?

Uswelulo 2:13

Manyile pano utesi ali pa chisumbi-cha-ukulu ichi Shetani; newe walemasha nkani isina lyane; utachili ukane usumilo wane, nanti pa manda yi Antipa, shuta wane wa kutailwa, wino wumosilwe pali mwemwe, pano Shetani atesi.

Uswelulo 11:3

Nene ndutuma yasyuta yane yaili, nayo yalulauzya manda ielfu yonga ni myanda ili na makumi sita, nakuno angi yazwite amasaka.

Uswelulo 19:11

Apano nalola umwiyulu muyuzilwe, nga lolini, falasi ntiswe, na wino aikowile, yatangi uWakutailwa nu Wachumi. Wene uku chumi aluputula imilandu nu kulwa isumo uku chumi.