Milimo 6:7 - UPANGANO UPYA

⁷ Ngiswi li Leesa lilimba n alondeshi yavulisya um-Yelusalemu, apalinji na yakapela tupu yachindika usumilo uo.

Milimo 6:7 Referans Kwoze

Milimo 19:20

Ndi fiyo ifino iswi lya Mwene lilimba nkani, liwa na maka.

Milimo 12:24

Leelo iswi lya Mwene likula nu kulimba kwinji.

Akolosai 1:6

lino lizile kuno muli; Ndi fino lili un-nsi yoshi, nu kusêka ivisêke nu kukula, ndi fino lilukula kuno muli kwene, fuma uwanda uno mwapulike nu kuzimanyikisya nkani inkumbu zyi Leesa un-chumi.

Aeblania 5:9

Nawe pano wamalila ifintu fyoshi, wapa ufyusi wa manda yoshi uku yantu yoshi yano yalumsumila.

Aloma 16:26

Leelo li kwene yamanyika, nu ku Maandiko ya malau yamanyika na antu ya nsi zyonsi, ndi fino Leesa wa manda ti watasile, ukuti yalemasye usumilo.

Aloma 1:5

Wino muli wenewe twapokelile inkumbu nutume, kuti antu yoshi yachindike uku usumilo uku nnandu wishina lyaakwe;

Milimo 14:22

Angi yalukomya alondeshi imyenzo, nu kuyasunda ikale um-usumilo uo na fino tulungime ukwingila um-wene-wi-Leesa uku nzila ya machulo tupu.

Aeblania 11:8

Uku usumilo Ablahamu pano wisilwe, witaile ukutina aye ukunji kulye, kuno alusana upyani, ampita atamanya na kuno aile,

2 Timoteo 2:9

Nene kuli lyenelyo nachuziwa nu kunyepwa wa ntu njipe. Leelo iswi lyi Leesa lisunyepwa.

2 Tesalonike 1:8

un-chenje cha moto nu kulandula ichilandusi kuli yano yatamanyile Leesa, na kuli yano yatachindike iswi-sipe ilya Mwene witu Yesu.

Milimo 21:20

Nayo pano yapulika yatensya Leesa, yannena, yaati: “Wachitu, walola fino aYudea yano yazumila yali amaelfu tupu, nayo yoshi yali nunte uku ntambi.

Milimo 13:8

Leelo Elima unnozi wiyo, izina lyaakwe ndi lyasenulwa—apazyana nayo, asita ukuti azozye unnâsi wiyo, ukuti ate usumilo wa mweso wakwe.

Yoane 12:42

Leelo nunjakulu kwene mwali antu tupu yano yansumile, leelo uku nndandu wa aFaliseo, yatachi lasile, kuti yatawingwa un-ng'anda yi Leesa.

Luka 2:34

Simeoni ayapepelela, anena Malia nyina, ati: “Lola, wi wawikilwa kupona nu kukatusha ainji umwi Islaeli, nu kuwa chilangisho chino chilupashanyiwa.

Mateo 19:30

“Leelo ali tupu aya ntangulo yaluwa aya chisila, na yano aya chisila yaluuwa aya ntangulo.

Milimo 2:47

Nga yatensya Leesa, yakundikwa na antu yoshi. uMwene aungilisha manda yoshi antu kuno yali, yano yafyusiwanga.

Milimo 6:1

Nga manda yalye pano alondeshi yatampa ukuvula, aYudea ya chiGliki yasumbikila aEblania, kuno anachi yao yano afwilwa, yalatilwa um-wankanyo wa manda yoshi.

Agalatia 1:23

Leelo yapulike sile, fino wino watuzunyanga apa ntangulo, amanda ya alusunda usumilo ulye, uno wononanga inkolelo.

Agalatia 6:10

Ichino ndi fino tuli nu wasa, tuchite ivizipe uku yantu yoshi, nkani uku yantu yano yazumila.

Yuda 1:3

Yakundikwa, pano nachisile unte ukumwandikila amaswi ya ufyusi nao uwitu swensi, nawine fino chindungime ukumwandikila nu kumusunda, ukuti mulwile usumilo uno yapilwe aswefiwa iila lyonga mpela.

Yuda 1:20

Leelo mwemwi yakundikwa, muukule apa usumilo wino uno waswepesha, nu kupepa muli Mweso Nswefu,