Milimo 5:42 - UPANGANO UPYA

⁴² Nga manda yoshi un-ng'anda-nkulu-iyi-Leesa num-mang'anda yao, yatatile ukusambilizya nu kusunda iswi-sipe lyi Yesu, fino i Klisto.

Milimo 5:42 Referans Kwoze

Milimo 2:46

Nga manda yoshi uku mweso onga yakonkowezya un-ng'anda-nkulu-iyi-Leesa, nu kukunyola unkate um-mang'anda yao, nu kulya ichakulya chao uku kuchimba ni myenzo na pe.

Milimo 20:20

Vino ntafisile ukumulandila chimwi chino chimuzipile, leelo namusambilizya nga apatiswe num-mang'anda.

2 Timoteo 4:2

sunda iswi pano paile na pano pataile kwene, katukila nu kukalipila, nu kusunda uku chelelezi chonsi na masambilizyo.

Milimo 8:35

Nga Filipo nawe avwanga, atangwila uku lyandiko liyo kwene, amsunda iswi-zipe ili Yesu.

Luka 21:37

Nga wasambilishanga unsanya onsi un-ng'anda-nkulu-iyi-Leesa, nusiku apita ukuyulala uku mwamba uno yakuluti Mizeituni.

Milimo 17:3

Aswelula nu kulolola fino chilungime Klisto ukuchula nu kututuluka uku yafwi, na fino Yesu wi wino ndumupa amaswi yaakwe, ali Klisto.

Milimo 9:20

Atampa liyo kwene ukusunda amaswi yi Yesu un-ng'anda shao ishi Leesa, fino Yesu uMwana wi Leesa.

Milimo 4:29

Ichino kasalaka Mwene, lola ukofya kwao, upe aomvi yako ukuvwanga uku chiposye chonsi iswi lyako.

Agalatia 6:14

Leelo nemwi ntalusita ukuutensya, siku manye uku nsalaba wa Mwene witu Yesu Klisto, kuno kuli wiyo insi yafwilile kuli nene, nene kwene ukunsi.

1 Kolinto 2:2

Kuno nakasime kuti ntamanye chimwi kuno muli siku Yesu Klisto, nawe wakonkomilwe.

Milimo 17:18

Yamwi apa ya-Epikuleo na Astoiki aya mano yakomengana nawe, yamwi yaati: “Chene! ummankala wi alusita ukulanda chani?” Yamwi yaati: “Aluloleka fino ikuma wa mbila ya maleza aeni.” Kuno wasundanga amaswi ya pali Yesu nu kututuluka.

Milimo 11:20

Leelo yamwi pali yeneyo yali antu ya ku Kiplo ni Kilene, nga wene pano yafika uku Antiokia, yavwanga na aGliki, angi yalusunda iswi-zipe lya Mwene Yesu.

Milimo 8:5

Filipo apita ukuya un-nsi wa yaSamalia, ayasunda Klisto.

Milimo 4:20

Kuno swemwi tutangi tute ukulanda ifintu fino twavilola nu kupulika.”

Luka 22:53

Manda yoshi nali ponga nemwe un-ng'anda-nkulu-iyi-Leesa, mutakatwishe amakasa mundeme. Leelo kasalaka insaa ino na amaka ya chanda yamufikila.”

Milimo 13:32

Neswe tulumsunda iswi-zipe lya ulanyo ulye kwene, uno yatata yapilwe.

Agalatia 1:16

Pano wawine fino chizifile ukuswelula uMwanakwe muli nene, ukuti nsunde akulukuwa amaswi yaakwe, liyo kwene ntavwanzile na antu ya mwili nu wasi.