Milimo 3:25 - UPANGANO UPYA

²⁵ Mwemwi mwawa yana ya malau na kaili aya Upangano ulye, uno Leesa walaine na yaso, anena Ablaamu fino um-mpanda waakwe antu yoshi aya kuno ukunzi yalupepelelwa.

Milimo 3:25 Referans Kwoze

Milimo 2:39

Kuno ulanyo u uwa kuli mwemwe nu ku ana ino, na antu yoshi aya kutali; na kuli yoshi yano yalwitwa nu Mwene Leesa witu yize kunali.”

Agalatia 3:8

Ni Lyandiko lilye fino lyawine fuma kali, fino Leesa aluyalila ichumi akulukuwa uku Usumilo, lyasunzile Ablaamu iswi-zipe fuma kali, ukuti: Muli wewe mipanda yoshi ilupepelelwa.

Uswelulo 7:9

Apa chisila cha ifintu fiyo nafindamila, nalola iumba ikulu, lino pasi untu angalisolozya, antu ya misangano yoshi, ninko zyonsi, ni mipanda ni mivwango yimilile apa nkolelo ya chisumbi chilye cha ukulu, na pa nkolelo ya Mwana-nfwele, yazwite imyenda mitiswe, yali na makambalala ya mikoma um-makasa yao.

Agalatia 3:16

Ichino ulayo wavwanzilwe kuli Ablaamu nu ku mpanda wakwe. Ataluti: Uku mipanda, ungati yavula; leelo fino ali wenga: Uku mpanda wako, ali Klisto.

Aloma 4:13

Kuno ulanyo ulye uwa kuti aluwa upyani wa nsi, wapilwe Ablaamu ponga nu mpanda wakwe, kusi ku Ntambi leelo ku chumi chino walilwe uku usumilo.

Agalatia 3:29

Nga ndi mwemwe yi Klisto, ichino mwawa mpanda wi Ablaamu, na apyani ukuyana nu ulayo.

Uswelulo 14:6

Apano nalola malaika unji aluluka umwiyulu apakasi, ali niswi-zipe lya manda ti. Asunde iswi li kuli yano yatenzi un-nsi na antu yoshi ninko zyonsi ni mivwango yoshi ni mipanda yoshi.

Uswelulo 5:9

Nayo yalundanga umwimbo mpya, angi yaluti: “Chikuile wewe ukutola ichitabu chiyo nu kusapula utumanyililo twakwe; kuno wafyuzilwe, wakalila Leesa uku wazi wako, antu ya nko zyonsi ni mivwango ni mipanda yoshi na antu tupu.

Aloma 15:8

Kuno ndutaka ukuti, Klisto wali umuofi wa kuchitwa ichibalu, ku nnandu wa chumi chi Leesa, ukuti akomye ulanyo uno walainye yatata itu.

Milimo 13:26

“Yachane, ana yikwata li Ablaamu, nemwe yano mwachindika Leesa, iswi lya ufyusi lyatumilwe ukwiza kuno tuli sweswe.

Luka 1:72

Ukuti akumbukile yatata yitu nu kwielengasha Upangano waakwe uswepe.