Milimo 3:15 - UPANGANO UPYA

¹⁵ Mumola Katungulula wa Upuma, uwino Leesa wamtutulwile ukiu yafwi, neswe tuli yasyuta yaakwe.

Milimo 3:15 Referans Kwoze

Milimo 2:24

Wino Leesa wamtutulwile asapula ichoze cha kuwaya kwa nfwa, kuno atali uwa kulemwa nayo.

Uswelulo 21:6

Waanena, waati: “Ichiombeka. Nene Alfa na Omega. Intangulo ni chisila. Nene namnwesya uwa lusala uwila kufuma kuli kafukoka wa manzi ya upuma.

Milimo 2:32

Yesu wiyo Leesa wantutulwile, neswe swensi swe yasyuta yaakwe.

Aeblania 2:10

Kuno chanjile Wenewe, wino uku nnandu waakwe na kuli wenewe ifintu fyoshi vilipo, alete ana inji yafikilile ukulu, kuyanya katungulula unkulu wa ufyusi wao uku nsila ya machulo.

1 Kolinto 15:45

Ifino chaandikwe: Untu wa ntangulo, Adamu, wawa umweso mpuma; Adamu wa chisila umweso wakupa upuma.

Yoane 5:26

Ndi kuti fino Tata ali kafumo ka upuma, ifiyo kwene ifino wapile nu Mwana ukuwa kafumo ka upuma;

Yoane 1:4

Unkasi munali umuno mwali upuma, nao upuma wali umwengelela uku yantu.

Uswelulo 22:17

Nu Mweso na Nawinga. yaluti: “Nguna!” Na wino alupulika, ati: “Nguna!” Na wino ali nu nsala awize, na wino alusita atola amasi ya upuma uwila.

1 Yoane 5:20

Neswe tumanyile fino Mwana wi Leesa wata wisa, nawe watupa mano kuti tummanye uWa-Chumi. Neswe tuli muli wenewe uWa-Chumi, muli Yesu Klisto Mwanakwe. Wiyo ali Leesa wa chumi nupuma wa manda ti.

Aeblania 5:9

Nawe pano wamalila ifintu fyoshi, wapa ufyusi wa manda yoshi uku yantu yoshi yano yalumsumila.

Yoane 17:2

Ndi fino wampile amaka uku yantu yoshi, ukuti yoshi yano wampa, ayape upuma wa manda ti.

Yoane 14:6

Yesu wannena, waati: “Nene ndi nsila, ni chumi, nu upuma; untu atalwisa kuli Tata, ngi atapitile kuli nene.

Yoane 4:14

Leelo wino wanwa amasi yano nampa nene, atalulola ulusala manda yoshi. Leelo amasi yao yano nampa, yaluwa munali wi kafukoka wa mansi yano yalufukoka nu kumpa upuma wa manda ti.”

Yoane 4:10

Yesu wannena, waati: “Ngi umanyile uwila wi Leesa, na kaili ngi umanyile wino aluti: Mpa, nwe! newe wali unndombe, nawe wali akupe amasi ya upuma.”

Uswelulo 22:1

Apano wasya wandanga uluzi lwa manzi ya upuma, luno lulumesa kunti bilauli, lwafuma un-chisumbicha-ukulu ichi Leesa, ni cha Mwana-nfwele.

Yoane 10:28

Nene ndusipa upuma wa manda ti, sitalulowa nanti uche, kusi untu nanti umwi wino angasisompola um-makasa yane.

Aefeso 1:20

yano waomvile muli Klisto, pano wamtutulwile uku afwi, amwika ukwikasa lyaakwe ilya kwi lunji um-mikalo ya mwiyulu.

Milimo 5:31

Untu wi Leesa wankusha ukwikasa lyaakwe ilya kwilunji, awe Katungulula na Kafyusha, ape aIslaeli ukuvipela nu kwelelwa amaifyo.

Milimo 1:22

ukufuma ulubatizyo lwi Yoane, nu kufika wanda ulye uno wasenzilwe kuno tuli ukuya umwiyulu, chilingine umwi pali yeneyo awe isyuta wa kututuluka kwakwe ponga neswe.”

Luka 24:48

Nemwe muli yashuta ya ifintu fi.

Milimo 4:2

Yalakalika nkani kuno yalusambilizya antu, nu kusunda muli Yesu ukututuluka kwa yafwi.

Aeblania 12:2

Tulolekeshange kuli Yesu, Katungulula na Kafikilisha wa usumilo witu, wino uku kuchimba kuno kwawikwa inkolelo yaakwe, wautwikile nsalaba nanti kulola insoni, nawe atensikwikasa lyi lunji ilya chisumbi-cha-ukulu ichi Leesa.