Milimo 18:7 - UPANGANO UPYA

⁷ Atina kweneko, aya un-ng'anda ya ntu umwi, izina lyaakwe i Titio Yusto, wachindika Leesa, wino ing'anda yaakwe yali lwato wenga ni ng'anda yi Leesa.

Milimo 18:7 Referans Kwoze

Milimo 16:14

Umwanachi wenga izina lyaakwe i Lidia, kakazya wa myenda ya zambalau, uwa umunzi wa Tiatila, wene fino wachindika Leesa, atupulikisya. Nawe uwino uMwene wayuzile umweso wakwe, akôzya amaswi yano Paulo wavwanzile.

Akolosai 4:11

Na Yesu wino yakuluti i Yusto; yao yatatu sile aYudea, yano yali aomvi ponga nene uku nnandu wa Wene-wi-Leesa, nayo kunondi yantekezya.

Milimo 17:4

Yamwi pali yeneyo yazumila, yalemana na Paulo na Silasi, na aGliki yano yachindika Leesa ainji kwene, na yanachi ayikolo a izina yatali yache.

Milimo 13:42

Nga pano yafumanga yayalomba, kuti kuche yasome kaili amaswi ya wanda wa Sabato unina.

Milimo 10:22

Yaati: “Koloneli unkulu wa yasalifi, untu wa chumi, wa chopo kuli Leesa; wino antu yoshi um-Yudea yamchindika; wanenilwe na malaika nswepe ukutuma antu kunuli, uye uku ng'anda ukwakwe, ukuti akapulikisye amaswi kunuli.”

Milimo 10:2

untu unchindamu, wa chopo kuli Leesa na ya ng'anda umwakwe yoshi, nawe wali nuwila tupu uku yantu, wapepanga Leesa manda yoshi.

Yoane 9:31

Tumanile fino Leesa atakupulika aya amaifyo, leelo untu wino akupepa Leesa ningo nu kuchita fino akasime, wiyo akulupulikwa.

Milimo 13:43

Nga pano yano yali un-ng'anda yi Leesa yasansantika, aYudea na alondeshi yao, yano yachindika Leesa, yalondekana na Paulo na Balanaba, yano pano yavwanga nayo, yayachinchizya, kuti yalande un-nkumbu zyi Leesa.

Milimo 13:50

Leelo aYudea yatuwanya anachi yachindamu yano yachindika Leesa, na ikolo ya nzi, yasongelekanya antu, kuti yachuzye Paulo na Balanaba, yayaatisya muli lwato wao.