Milimo 14:3 - UPANGANO UPYA

³ Nga ikala kweneko amanda tupu, angi yaluvwanga uku chiposye uku maka ya Mwene, wino wimikile iswi lyaakwe ilya nkumbu zyaakwe, nu kuyapa ivilangizyo ni vipezya-mano viombeke uku makasa yao.

Milimo 14:3 Referans Kwoze

Aeblania 2:4

Leesa nawe kwene akulwimikila ponga nayo uku vilangisho ni vipesha-mano na maka tupu na tupu nu ku wankanyo wa Mweso Nswefu, ndi fino wakasime unkola.

Milimo 20:32

Leelo apa kasalaka, namuwika um-makasa yi Leesa nu kwiswi lya nkumbu zyaakwe, lino lingamukuzya nu kumupa upyani ponga na yoshi aswefiwa.

Milimo 20:24

Leelo ntalulanga um-mweso uwikalo wane, kuno chisi chimwi, ndi fino ngamalila insila yane, leelo icha ningo ukumalila ulwendo lwane nuomfi wane, uno napokelile uku Mwene Yesu, ukwimikila iswi-sipe ilya nkumbu shi Leesa.

1 Tesalonike 2:2

Uku Filipi kuno twatangwile, yatuumile nu kutulyanya ifiipe, ndi fino mumanyile, leelo Leesa witu watupa imyeso ya kuyumila imbila yi iswisipe lyi Leesa nanti kopa nu kuilwila nkani.

Aloma 1:16

Kuno ntalulola insoni ukwiswi-sipe; kuno amaka yi Leesa, yano yaluleta ufyusi kuli wensi wino wasumila, intangula uku aYudea na ku aGliki kwene.

Malko 16:20

Nayo yao yapita yasunda konsi konsi, uMwene angaluomba ponga nayo, nu kukomya iswi liyo ku vilangizyo fino vyalondekine nalyo.]

Milimo 5:32

Neswe tuli yasyuta ya ifintu vi ponga nu Mweso Nswefu wino Leesa wapa antu yoshi yano yanchindike.”

Milimo 2:22

“Mwe yatata ya mwiIslaeli, pulikisyini amaswi ya: Yesu wa ku Nazaleti, untu wino walangiziwe kuno muli na Leesa uku maka ni vipezya-mano ni vilangizyo, fino Leesa wachisile ukwikasa lyaakwe pano muli, ndi fino mwe yakola mumanyile.

Milimo 13:46

Leelo Paulo na Balanaba yavwanga uku chiposye, yaati: “Chalingine kuti iswi li Leesa litane lilandwe kuno muli; leelo kuno mwalitenkela ukutali, nu kuulola fino mutaine nupuma wa manda ti, lolini, twaseleukila uku akulukuwa.

Yoane 4:48

Nga Yesu wannena, waati: “Ngi mutawine ifilangisho ni fipezya-mano, mutangi musumile nanti uche?”

Milimo 4:31

Nga walangi yapepa Leesa, apantu pano yakonganile patentema; yoshi yazyula uMweso Nswefu, yavwanga iswi li Leesa uku chiposye.