Milimo 13:15 - UPANGANO UPYA

¹⁵ Nga pano yasoma Ntambi ni chitabu cha malau, ayikolo ya ng'anda yi Leesa yatuma untu kuno yali, ayanena, ati: “Yachitu, ngi muli niswi lya kuzipila antu ya, vwangini.”

Milimo 13:15 Referans Kwoze

Aeblania 13:22

Leelo ndumukonkomesha yachane, mutontelane niswi li ilya kusokesha; kuno namwandikila uku maswi mache sile.

Milimo 15:21

Kuno fuma kali Mose ali na antu yano yalusunda ifintu vyaakwe, um-mizi yoshi akulusomwa, manda yoshi ayi Leesa um-mang'anda yao iyi Leesa.”

Malko 5:22

Awiza wikolo wenga uwa ng'anda yi Leesa, isina lyaakwe Yailo, nga pano wannola, wapona pa mulu yaakwe.

1 Kolinto 14:3

Leelo wino alusunda, aluvwanga na antu amaswi ya kuyakuzya, nu kuyasungula, nu kuyakomya imyenzo.

Aloma 12:8

Wino alusokezya un-kusokezya kwakwe, na wino ali nu wila; afime ukumweeso untiswe; kaangalila ukunte, na wino alukumbukila, akumbukile uku kuchimba.

Milimo 22:1

“Mwe yachane na yatata, pulikini leelo ukuuvwangila kwane apa maaso yino kasalaka.”

Milimo 18:17

Nga yoshi yalema Sostino unkulu wa ng'anda yi Leesa, yamuma umwitengo. Leelo Galio atalangile nanti umweso.

Milimo 13:27

Kuno yano yatenzi uku Yelusalemu na ikolo yao yatamanyile wiyo, leelo amaswi ya malau yano yalusomwa chila wanda wa Sabato, yayafikilizya uku kumputwila ukufwa.

Milimo 20:2

Nga pano wapita mwenemo ayateka imyenzo uku maswi tupu, nga aya uku uGliki.

Milimo 18:8

Nga Klispo unkulu wa ng'anda yi Leesa azumila uMwene ponga na yoshi aya ng'anda umwakwe. Akolinto ainji pano yapulika, yazumila, yabatiziwa.

Milimo 15:7

Nga pano yapazyana, Petlo akatuka, ayanena, ati: “Yachane, umwemwe mumanyile fino fuma amanda ya ntangulo, Leesa wansolwile pali mwemwe, ukuti akulukuwa yapulike iswi-zipe uku nnomo wane nu kulizumila.

Milimo 7:2

Nawe ati: “Yachane na yatata yane, pulikisyini. Leesa wa ukulu wauswelwile kuli tata witu Ablaamu, pano wali uku Mesopotamia, pano achili awikale uku Alani.

Milimo 2:37

Pano yapulika ifintu fi, fyayatota imyenzo, yanena Petlo ni mitume inina, yaati: “Tuchite uli yachitu?”

Milimo 2:29

“Yatata yachane, muntekelele, mtane munene apatiswe ivya pali tata-kulu witu Daudi, fino wafwile azyikwa nilindi lyaakwe lilipo pa ukumwitu nilelo kwene.

Milimo 2:4

Yoshi yazyula uMweeso Nswefu, yatampa ukuvwanga uku mivwango minina, ndi fino Mweso Nswefu wayapile ukuvwanga.

Milimo 1:16

“Yachane, chilungime kuti Ilyandiko lifikilile, lino lyavwanzilwe kali nu Mweso Nswefu, uku nnomo wi Daudi uku maswi yi Yuda, wino wakolelile yao yano yannemile Yesu;

Luka 16:16

“Intambi na malau fyalipo fika na pali Yoane; ukufuma liyo Iswi-sipe ilya wene-wi-Leesa lilusundwa, na chila ntu aluwingisha uku maka.

Milimo 4:36

Nga Yosefu wino imitume yamtemile i Balanaba (alikuti: mwana wa utekano) um-Levi, akafumo kakwe untu wa ku Kiplo.

2 Kolinto 3:14

Leelo amelengusi yao yanwainikwe. Kuno ni leelo kwene li, pano yalusoma upangano wa kali, yatakukûla ichikuwalo, kuno chakûlwa muli Klisto sile.

1 Tesalonike 2:3

Kuno kusokesha kwitu kusi kwa kumulofya nanti ukumufisha, nanti uchenjesi.