Mateo 9:35 - UPANGANO UPYA

³⁵ Yesu nawe walilaanga um-misi yooshi nutusi, angi alusambilisha un-ng'anda shao ishi Leesa, nu kusuunda iswi-isiifu lya weene, nu kuposha indwaala shooshi ni mboombo shooshi.

Mateo 9:35 Referans Kwoze

Milimo 10:38

Amaswi yi Yesu wa ku Nazaleti, fino Leesa wampakile amafuta uku Mweso Nswefu na maka; nawe walîlanga ku na ku, angi aluomba imilimo mizipe, nu kupozya yoshi yano yaluchuziwa na chiwa; kuno Leesa wali ponga nawe.

Malko 6:56

Na konsi kuno wayile, wingila un-tuzi, nanti imizi nanti ivyalo yaleta alwale uku sokoni, yampapata yamwemye nanti sempele lya mwenda wakwe. Na yoshi yano yamwemizye, yapola.

Mateo 11:5

Apofu yalulola, aya matenda yalupita na ya ntana yaluswefiwa, yachipuuli yalupulika, nafwi yalututululwa, napiina yalusuundwa iswii-isiifu.

Luka 13:22

Nawe wapitananga um-misi nu ntusi, angalusambilisha pano wayanga uku Yelusalemu.

Milimo 2:22

“Mwe yatata ya mwiIslaeli, pulikisyini amaswi ya: Yesu wa ku Nazaleti, untu wino walangiziwe kuno muli na Leesa uku maka ni vipezya-mano ni vilangizyo, fino Leesa wachisile ukwikasa lyaakwe pano muli, ndi fino mwe yakola mumanyile.

Malko 6:6

Chaleka wasunguka uku kuntasumila kwao. Nga alila-lila um-misi yio asambilisya.

Mateo 11:1

Nga chaali lino Yesu wamala kuyakomelesha alondeshi yaakwe ikumi na yaili, atina kweeneko, apita ukuyusambilisha nu kusuunda um-misi yao.

Mateo 10:1

Nga awita alondeshi yaakwe ikumi na yaili, ayapa amaka uku fiwa ifiyiifu, yafwiinge nu kuposha indwaala shooshi ni mbombo shooshi

Malko 1:14

Nga lino Yoane wanyepelwe uku nyololo, Yesu waile uku Galilea angalusunda iswi-isifu ili Leesa,