Mateo 8:20 - UPANGANO UPYA

²⁰ Yesu annena, ati: “Yankusa yali na machele, ni fyuuni fya mwiyulu fili ni fisaanzo, leelo Mwana-ntu atakwiite naanti apa kusamila untwe waakwe.”

Mateo 8:20 Referans Kwoze

Luka 2:7

Wafyala umwana wiyele, wamswika imyenda ya chana, yanndalika umushuwa cha kulyila ing'ombe, kuno yatawine ukwa kulala un-ng'anda ya eni.

2 Kolinto 8:9

Kuno mwamanya inkumbu sha Mwene witu Yesu Kristo, wino wali umpina uku nnandu wino, nanti fino wali unsafi, ukuti mwemwe muwe yasafi uku upina wakwe.

Luka 2:16

Nga yapita suwa, yasana Malia na Yosefu nu mwana uncheche awisi un-chisandiko.

Luka 2:12

Ni chilangilisho kuli mwemwe ali chi: mwamnsana umwana uncheche aswikiwe imyenda ya chanche, awisi un-chisandiko cha kulyila ing'ombe.”

Luka 8:3

Na Yoana nka Kuza, wino wali kalolela wa fyuma fyi Yelodi, na Suzana nanina inji, yano yamwaswilishanga uku fyuma fyao.

Mateo 12:32

Nuntu weshi uwacha wafwaanga chimwi cha kupingula Mwaana-ntu, alweleelwa; leelo wino waacha wafwaanga chimwi cha kupingula Mweeso Nsweefu, atalwelelwa apa nsi ya kasalaka na yino ilwiisa.

Mateo 19:28

Yesu wayanena, waati: “Mwenemo ndumuneena, mweemwe yano mwandondela neene, un-nsi mpya, pano wacha wikala uMwaana-ntu apa chisuumbi-cha-ukulu waakwe, neemwe kweene mulwikala apa fisuumbi ikumi na fiyili’ muyaputwiile imilaandu iinko ikumi na shiyili sha Islaeli.

Mateo 17:9

Nga pano yatentenkanya um-mwaamba, Yesu ayakomenkesha ukuti: “Mutaneena untu umwi uku maswi ya malele yao, shiko lino uMwaana-ntu wacha watutuluka uku yafwi.”

Mateo 16:27

Kuno uMwana-ntu alwiisa um-ukulu wi isi poonga na yamalaika yaakwe, apano alupa chila untu kulingana ni milimo yaakwe.

Mateo 16:13

Nga pano Yesu waya uku mbali ya Kaisalia Filipi, atondosha alondeshi yaakwe, ati: “Yakulutaka uMwaana-ntu, yaati: Uwini?”

Mateo 12:40

Ndi fino Yona waali un-nda yi nyangumi amaanda yatatu, uusiku nu nsanya, ifino nu Mwana-ntu aluwa amaanda yatatu uushiku nu nsanya umweeso wa nsi.

Mateo 12:8

Kuno uMwaana-ntu aali uMweene wa waanda wa Sabato.”

Mateo 13:37

Wayaneena, waati: “Kapela wa mbesu nsiifu, uMwaana-ntu.

Malko 8:38

Kuno untu wensi uwacha wandolela insoni nene na maswi yane, apa luko lu ulwa upundu na maifyo, uMwana-ntu alunnolela insoni untu wiyo, pano wacha wiza um-ukulu wi Tata ponga na yamalaika yaswepe.”

Luka 9:58

Yesu wannena, waati: “Yankusa yali na machele, ni fyuni fya mwiyulu vili ni fisanso, leelo Mwana-ntu atakwite nanti apa kulalika untwe.”

Luka 12:8

“Nene namunena, nati: Wensi wino wacha wansumila apa antu, Mwana-ntu nawe alumsumila wiyo apa maaso yi yamalaika yi Leesa.

Luka 18:8

Ndumunena, aluyafwangila suwa. Leelo pano Mwana-ntu wacha wisa, alusana usumilo kuno ukushi?”

Luka 21:36

Ichino mwemwi mutachilala nanti limwi, angi mulupepa, ukuti mufyuke muli fiyo fyoshi, pano fyacha fyaloleka, nu kwimilila apa maaso ya Mwana-ntu.”

Yoane 1:51

Wannena, waati “Umwenemo, umwenemo, ndumunena: Mululola iyulu lyalepuka na yamalaika yi Leesa yalukwela nu kwika apa Mwana-ntu.”

Yoane 3:13

Kusi untu wino watana wakwela umwiyulu, siko wino wika ukufuma umwiyulu, ali Mwana-ntu.

Yoane 3:14

“Ndi fino Mose wimike insoka yiyi unnusanga, ifino nu Mwana-ntu kwene awimikwe.

Yoane 6:27

Mutachiombela unnimo ichulya chino chilusila, leelo ichulya chino chilwikala fika um-upuma wa manda ti, chino Mwana-ntu alumupa; kuno wene uwino watelwa akamanyililo na Tata ali Leesa.”

Yoane 6:53

Nga Yesu wayanena, waati: “Umwenemo, umwenemo, ndumunena: ngi mutalile umwili wa Mwana-ntu nu kunwa uwazi wakwe, mushi nu upuma mukashi yino.

Yoane 6:62

Chamuwa uli fwandi, pano mwalola uMwana-ntu wakwela kuno wali inkolelo?

Yoane 12:34

Ngiumba lyannena, lyaati: “Swemwi tumanile un-Ntambi fino Klisto aluwako manda ti, newe ulutuli kaili ukuti ale uMwana-ntu akatusiwe? uMwana-ntu wi, uwini?”

Yoane 13:31

Nga pano wafuma, Yesu ati: “Li kwene watensiwa uMwana-ntu, na Leesa watensiwa munali.

Milimo 7:56

Ati: “Lolini, nalola iyulu lyayulika nu Mwana-ntu awimilile ukwikasa lilunji ili Leesa.”