Mateo 7:15 - UPANGANO UPYA

¹⁵ “Chenjelelini malau yaufi, aantu yano yalumwisila yaswiite imikweela ya fweele, leelo unkashi, fwaandi, angi imiyiishi mikangu.

Mateo 7:15 Referans Kwoze

1 Yoane 4:1

Yakundikwa, mutazumila imyenzo yoshi, leelo mwezye imyenzo iyo, ngifumile kuli Leesa; kuno yakalauzya ainji aya ufi yatunka kuno ukunzi.

Mateo 24:11

Na malau tupu aya ufi yaluloleka nu kusosha ainji.

Akolosai 2:8

Mulole umwi atamuchita uzya uku mano yaakwe aya chaka chaka nu kuzosya kutupu, ndi fino antu yakululema intambi ya yanji, na masambilisho ya nsi fuma kali, nga asi ndi fino kuli Klisto.

Uswelulo 19:20

Inkala iyo yalemwa ponga na kalauzya wilye uwa ufi, wilye wino wachisile ivilangizyo vilye apa maaso yaakwe, fino kuli wenewe wazosya antu yalye, yano kuli wenewe yapokelile akamanyililo ka nkala iyo, na yano yafukamile ichilui chakwe. Yao yaili yasumbwa yachili apuma muli yemba wa moto, wino alwaka uku sanku.

Yuda 1:4

Kuno kuli antu yano ingila nanti kumanyika, antu yano fuma kali yaandikilwa uputushi u uwa milandu yao, atakati, yano yaluseleula inkumbu shi Leesa witu siwe unyamfi, nga yalumkana uMwisikulu wenga, Mwene witu, Yesu, Klisto.

2 Petlo 3:17

Ichino yakunde fino mwatangula ukumanya ifintu fiyo, mwisunge apa lwino, mutakweswa nu ononi wao aipe, mupone nu kuta ukwimisha kwino.

Luka 6:26

Akalanda kino mwemwe antu yoshi pano yacha yamutesha, kuni ifino isi yao yachitilanga amalau ya ufi ifintu ndi fiyo.

2 Timoteo 3:13

Leelo antu yaipe aya mazosyo yaluwapo nu kuipisya, angi yalulovya nu kulowana.

2 Timoteo 4:3

Kuno kulwiza amakati yano yalukana masambilizyo ya upuma. Nga yaluusitila yakasambilizya tupu kuyana fino yakunda, yano yalusambilizya ifintu fino viluya um-makutwi yao.

Afilipi 3:2

Chenjelelini yasimbwa, chenjelelini aomvi aipe, chenjelelini akuiputula.

Aefeso 4:14

kuti tutawa ana acheche kaili nu kusumbwa kuo na kuo, nu kusendwa nunza wonsi uwa masambilizyo ya antu, yano yalusenoka-senoka, uku uchenjezu wao, nu kulondela inzila zya mazosyo.

Agalatia 2:4

Nanti fino uku nnandu wa achitu wa achitu aya ufi, yano yingile ufisa, yano yingila uku uchenjezu, ukuti yanengule ukauwela witu, uno tuli nao muli Klisto Yesu, ukuti yatutele um-uzya.

Luka 12:15

Ayanena, ati: “Chenjelini mutawa nusuwa, kuno upuma wa ntu usi um-ifintu tupu fino ali nafyo.”

Uswelulo 16:13

Nalola imyenzo itatu iya viwa ikoline na chula ifumile umu nnomo wa chizoka chilye, numu nnomo wa nkala ilye numu nnomo wi kalauzya wilye uwa ufi.

Aefeso 5:6

Umwi atachimuzosya uku maswi ya uwelewele; kuno kuli vyenevyo ukali wi Leesa ukulwizila ana ya misalula.

Milimo 13:40

Ichino fiyo chenjelini mwemwe, vitamwizila fino vyandikwe na malau:

Yoane 10:12

Leelo untu fino yasêkela, asu nchemi, wino nfwele asi fyuma fyaakwe, ngi walola unjinsi ulwisa, asha infwele awituka, nu njinsi usilema nu kusisambasha.

Mateo 16:11

Chawa uli mutamanyile fino asi ku mikaate namuneniile? Leelo isungiini ni isasho sha aFaliseo na aSadukeo.”

Mateo 16:6

Yesu wayaneena, waati: “Lolini, muisunge ni nsasho sha aFaliseo na aSadukeo.”

Mateo 10:17

“Muchenjele unjaantu, kuno yalumutwaala um-mateengo, num-mang'anda yao iyi Leesa, yalumuuma.

Uswelulo 17:6

Nalola umwanachi wilye wakoleka uwazi wa aswefiwa, nu wazi wi yasyuta yi Yesu. Nene pano nannola, nazunguka lekasi.

Milimo 13:6

Yapita apakasi um-mânda yoshi, yafika uku Pafo, yazana unnozi umwi, kalauzya wa ufi, mYudea, izina lyaakwe i Ba-Yesu.

Mateo 7:14

Kuno unndyaango ufyenkanu ni isila ifyenkanu iyiile uku upuma, nayo yano yailondela, yali yache.

Uswelulo 20:10

Na wiwi Chiwa wino wayazosizye, wasumbilwa muli yemba wa mto ni sanku, muno muli nkala ilye na kalauzya wilye uwa ufi, nayo yaluchula unsanya nusiku, manda ti na ti.