Mateo 6:9 - UPANGANO UPYA

⁹ Ichino mwemwi musaalika fi: ‘Tata witu wino alu umwiyulu. Ishina lyaako liteshiiwe. Uweene waako wiise.

Mateo 6:9 Referans Kwoze

Uswelulo 4:11

“Chikuile wewe, Mwene witu na Leesa witu, ukupokela ukulu nu nchinzi na maka; kuno wewe uli wino waumvile ifintu vyonsi, nu ku kukunda kwako vyalipo, navyo vyalengwa.”

Aloma 8:15

Kuno mutapokelile umweso-wa-usha, uno uku-leta kaili ngofi; leelo mwapokelile uMweso wa kuchitwa ana, kuli weneo tulwita: Aba, kuli kuti: Tata.

Agalatia 4:6

Na kuno mwemwe mwawa yana, Leesa watumile Mweso wa Mwanakwe um-myeso itu, wino alulila, ati: “Aba;” alikuti: “Tata,”

Uswelulo 5:12

ukwiswi kulu angi yaluti: “Chikuile wewe Mwana-nfwele wino wafyuzilwe, ukupokelela uposi nusavi na mano na maka nu nchinzi nukulu nu pepelelo.”

Mateo 7:11

Ali ndi mweemwe muli yayiifu, mwamanya ukuyapa aana yiino ifiintu ifisiiifu, Cheene! So wino uwa mwiyulu atangayapa ifisiifu nkaani yao yano yalundoomba?

Mateo 26:29

Leelo ndumunena, ntalunwa kayili naanti uche, fuma li kweene amaasi ya aya nsabibu, shiko uwaanda wuuwu uno nduunwa amapya apoonga neemwe um-weene wi Taata.”

Mateo 23:9

Leelo mutachiita untu wa kuushi, Taata, kuno So wino ali weenga, uwa mwiyulu.

Mateo 5:16

Ifino nu mwengelela wino kweene uswefezye aantu, yalole imilimo yino imisiifu, yalumbaanye So wino wa mwiyulu.

Luka 15:18

Nampita nje kuli tata, nkannene, nti: Tata, nonona umwiyulu na pali wewe.

1 Petlo 1:17

Ngangi mulumwita we Tata, wino akuputula imilandu ya antu nanti usolosi, ukuyana nu nnimo wi chila wenga, muwe ni chopo apa manda ino ayakwikala kuno wa yeni.

1 Timoteo 6:16

wino wene wenga kwene atangi azanwa ninfwa, wikala um-mwengelela, uno utangi upalamilwe, kusi nanti untu wino watana wannola, nanti uwino angannola. Unchinzi na maka uli nawe fika na manda ti. Chiwe fiyo kwene.

Luka 15:21

“Umwana wiyo anena isi, ati: ‘Tata, nonona umwiyulu na pali wewe; ntaile ukwitwa mwanako kaili.’

Luka 2:14

“Utensho kuli Leesa umwiyulu, na kuno ukunsi uwelesho kuli yano yamsipila.”

Mateo 6:14

“Kuno ndi mwelela antu yano yamuifya, na So wino uwa mwiyulu alumwelela nemwe kwene.

Mateo 6:6

Leelo weemwi, pano ulusaalika, ingila un-ng'anda unkasi, na ndi wayaala undyaango waako, usaalike pali So uku ufiso; na So wino alulola uku ufiso, alukupa unnambu.

Mateo 5:48

Ichino neemwe muyaane, ndi fino So wino uwa mwiyulu wayaana.

Agalatia 1:1

Paulo, untume, asi wa antu, nanti ukutumwa nu ntu, leelo na Yesu Klisto, na Leesa Tata, wino wamtutulwile uku afwi.

Yoane 20:17

Yesu wannena, waati: “Utandema, kuno nchili mpite ukuya kuli Tata; leelo pita uku yachane, ukayanene fino: napita ukuya kuli Tata, nawe iSo wino, kuli Leesa wane, nawe iLeesa wino.”

Mateo 26:42

Waya kayili ilya uwili, waloomba waati: “Taata, ngi chitangi chiwele untoonto u untiine ngi ntanwiile, fino ukasi fiombeke.”

Aloma 1:7

Kuli yoshi yano yali uku Loma, akundikwe na Leesa, yano yisilwe ukuwa aswepe ya mweso: Inkumbu siwe nemwe nu welesho ukufuma kuli Leesa Tata witu nu ku Mwene Yesu Klisto.

Mateo 10:29

Cheene! utuuni tuwili tutakukalwa uku hela yoonga? Leelo naanti konga kataangi kapone naanti apaansi, angi So wino atamanyile.