Mateo 5:7 - UPANGANO UPYA

⁷ “Inkata yao yano yalukumbukila, kuno wene yalukumbukilwa.

Mateo 5:7 Referans Kwoze

Aefeso 4:32

Kaili mwazwilizyane mwe yakola na akola, aya kukumbukilwa, mwelelane ndi fino na Leesa muli Klisto wamwelela mwemwe.

Yakobo 2:13

Kuno uyanguzi usi ni nkumbu kuli wino atakulolela inkumbu; leelo inkumbu zikuutensya apa uyangusi.

Yakobo 3:17

Leelo amano yano yalufuma umwiyulu, kuluta fyonsi, yasipa kaili aya utekano aya utonsu, yali zuwa ukupulikisya amaswi ya antu, yafyula inkumbu ni visêke vizipe, yatakuwilila, yasi nufi.

Akolosai 3:12

Ichino fino mwasololwa na Leesa, aswefiwa yano mwakundikwa, muwe nu mweso wa nkumbu, wa untu, wa kuuchefya, wa kuvyalika, wa chelelezi.

Luka 6:35

Leelo mukunde yasiluembu yino, chitini ifisipe, nu kukopisha mutachelengula ukulipwa, ni chilambu chino chiluwa ichikulu, nemwe muluwa ana yi Wa-Mwiyulu; kuno wene unsipe kuli yano yatalumsamalisha nuku yaipe.

Aeblania 6:10

Kuno Leesa ataula ichumi, ukuti angalatila imilimo ino nu lukundo lulye, luno mwalangisha ukwisina lyaakwe, kuno mwaombile aswefiwa, na li kwene muchili muluyaombela.

Aeblania 4:16

Ichino tupalamile ichisumbi-cha-nkumbu uku chiposye, ukuti tukumbukilwe nu kulolelwa inkumbu sha kutwaswa pa kusita.

1 Petlo 2:10

Mwemwi mutali yantu yaakwe intangulo, leelo kasalaka mwemwe yantu yi Leesa; yano mutakumbukile limwi, leelo apa kasalaka mwakumbukilwa.

Malko 11:25

Nalino mulwimilila nu kusalika, mwelele ndi muli niswi nu ntu, ukuti na Tata wino uwa mwiyulu amwelele nemwe amaifyo yino. [

1 Timoteo 1:13

nanti fino apa ntaliko nali katukana, uwa kuzunya antu, napotenkinye. Leelo nakumbukilwa, kuno nachitanga fiyo um-upupani, nu kuntawa nu usumilo.

1 Kolinto 7:25

Asungu ntakwite ichilangaso cha Mwene kuli yeneyo. Leelo nalanda icha pa lwane, ne wino napiwe inkumbu zya Mwene ukuwa uwa kutailwa.

1 Timoteo 1:16

Leelo uku nnandu u nakumbukilwe, ukuti muli nene uwa ntangulo, Yesu Klisto alange icheleleshi chakwe choonsi, kuti mbwe ulangizyo kuli yano yalumzumila ichisila, yawe nupuma wa manda ti.

2 Kolinto 4:1

Ichino fino twapiwa uomvi uo, twakumbukilwa na Leesa, neswe tutalutonta.

Aloma 11:30

Kuno ndi fino nemwe kwene ilya kali mwa-tandike kuli Leesa, leelo kasalaka mwakumbukilwa uku kutanduka kwao,