Mateo 5:22 - UPANGANO UPYA

²² Leelo neemwi ndumuneena: fino uuntu ndi waloleela unniina ichilaakali, aputwilwe undaandu; nu ntu ndi watuka unnina, atwalwe apiteengo; nu ntu ndi waati: Chiwila, alutwalwa un-chilinkwe cha mooto.

Mateo 5:22 Referans Kwoze

1 Yoane 2:9

Wino aluvwanga fino ali um-mwengelela, nawe watuwa uwachakwe, achili un-chanda na li kwene.

Yakobo 3:6

Nu lulumi kwene umoto, ilye insi ya uipe. Ululumi luo lwawikwa pakasi ya fyai fitu, nalo lukulukowesya umwili onsi, lukuluwisya imikalo yitu yoshi, lwapembwa uku moto wa jenama.

Tito 3:2

Yatatuka untu umwi, yatawa nu luete, yatonte nu kulanga uvyalisu wao wonsi uku yantu yoshi.

Mateo 10:28

Mutachoopa yano yalumoola umwiili, yapootwa ukumoola umweeso; leelo moope wino angumola umwiili nu mweeso poonga un-chilinkwe cha moto.

Mateo 18:35

Ifino na Taata uwa mwiyulu alumuchita mweemwe, ngi mutalweleela um-myeeso yino, chila ntu nu nnina.”

1 Petlo 3:9

antu asi ni chilandusi, nanti ukusuwilisha intusi apa kutukwa, leelo alupepelela, kuno fiyo ifino mwitilwe, kuti mupyane upepelelo.

Aloma 12:10

Mukundane mwe yakola uku lukundo, uku nchinzi muchindikane.

1 Petlo 2:23

Wene pano watukilwe, atasuwilishe, pano wachusile ataofyanga, leelo waufimile kuli wino akuputula imilandu ku chumi.

Mateo 18:21

Nga Petlo aya kunli, annena, ati: “Mweene, uwachane anjifye amaila yaanga, neene mwelele? Naanti amaila saba?”

Yuda 1:9

Leelo Mikaeli, malaika unkulu, pano walwilile nu kufwangila umwili wi Mose, atesishe ukumfwangila Chiwa uputusi wa kumsoweka, leelo waatile: “uMwene akuchesele!”

1 Yoane 3:10

Uku chintu chi ana yi Leesa yamanyike, na ana yi Chiwa nayo kwene: untu wensi wino ataluchita ivya chumi, atafumile kuli Leesa, na wino atakunda uwachakwe.

Milimo 17:18

Yamwi apa ya-Epikuleo na Astoiki aya mano yakomengana nawe, yamwi yaati: “Chene! ummankala wi alusita ukulanda chani?” Yamwi yaati: “Aluloleka fino ikuma wa mbila ya maleza aeni.” Kuno wasundanga amaswi ya pali Yesu nu kututuluka.

1 Tesalonike 4:6

Umwi atachiilila unnina nanti uku njifya uku chintu chi, kuno uMwene uli kalifya wa chilandusi cha ifintu fi fyoshi, ndi fino twatangwile ukumunena nu kwimikila.

Malko 14:55

Nga yikolo iyakapela na kombe yoshi, yasita usyuta kuli Yesu, kuti yamumole, leelo waula.

Mateo 26:59

Nga yikolo iyakapela na amwitengo yooshi yashita usyuta wa ufi kuli Yesu, ukuti yamumoole.

Yoane 11:47

Apano ayikolo iyakapela na aFaliseo yakonganya itengo, yaati: “Twanchita uli? Kuno untu wi aluchita ivipezha-mano tupu.

Uswelulo 20:14

Infwa nu kwazimu visumbilwa muli yemba wilye uwa moto; iyo uli infwa ya uwili: yemba wiyo uwa moto.

Milimo 7:37

Mose wiyo wino wanenile aIslaeli, ati: ‘Leesa alumwimikila kalausha apa achino, ndi fino nene.’

Luka 12:5

Leelo nammulanga wino mungopa; opini wiyo wino ngi wumola untu, ali na maka aya kumsumbila un-chilinkwe cha moto; ali namunena, wiyo uwino mopini.

Mateo 5:44

Leelo neemwi ndumuneena, fino mukuunde asiluweembu yino kweene, muyalombela yano yamusunya.

Mateo 5:34

Leelo neemwi ndumuneena, fino utachilapa naanti wuche; naanti uku fya mwiyulu, kuno aali chisuumbi-cha-wene ichi Leesa.

Mateo 3:17

Nga lola, iswi ukufuma umwiyulu, lyaati: “Alawi uMwanaane, unkundikwa waane, wino wansiipila.”

1 Yoane 5:16

Untu ndi walola uwa chakwe aluchita iifyo lisi lya nfwa, apepe Leesa angampa upuma, kuli yao yano yaluchita iifyo lino lisi lya nfwa. Kuli iifyo lya nfwa. Ntaluti fino angapepa kuli liyo.

Yakobo 2:20

Leelo ulusita ukumanya we ntu wino usi na chimwi, fino usumilo ngi waula imilimo usuvyala?

Aeblania 12:25

Mulole mutachisula wino aluvwanga. Kuno ngi yatachili yafyuke yalye, yano yamsusile wenewe wino wayasokishe kuno ukunsi, nu kuluta nkani tutalufyuka sweswe, ngi twampambata wenewe wino alutusokesha ukufuma umwiyulu.

Aeblania 5:9

Nawe pano wamalila ifintu fyoshi, wapa ufyusi wa manda yoshi uku yantu yoshi yano yalumsumila.

1 Kolinto 6:10

Mutalowana! Apundu nanti ayakapepa-ya-myao, nanti ayakonona-ng'anda, nanti ayonsi yano yakukundana, nanti achizale, nanti aivi, nanti ayakakumbuka, nanti akolesi, nanti aya ntusi, nanti akulupoka-vya-antu, yoshi yao yatalupyana uwene-wi-Leesa.

1 Kolinto 6:6

Nga mulusongelelana mwe yatupu, na kaili pali yano yatasumile.

Milimo 5:27

Nga pano yayaleta, yayatwala umwitengo. Kapela-nkulu wayatondosya,

Yoane 15:25

Leelo kuti lifikilile lili lino lyandikwa un-Ntambi yao, ukuti: ‘Yantuwile chaka.”

Yoane 8:48

aYudea yannena, yaati: “Chene! usweswe tutafwanzile ningo fino twati: we unSamalia, newe uli ni chiwa?”

Yoane 7:20

Iumba lyaati: “Ala! Uli ni chiwa! Uwini weni alusita ukukumola?”

Malko 15:1

Walangi kulucha, ayikolo iyakapela yamba ponga nakombe na yakaandika, yamwitengo yoshi, yanyepa Yesu, yamsenda yamtwala kuli Pilato.

Mateo 25:41

Apano aluneena na yalye yano yali ukwikasa lyaakwe ilya kuli kamani, aati: ‘Tinini panondi, yano mwatipwilwa, yangini um-mooto wa maanda ti, uno wawikilwa Chiwa na yamalaika yaakwe.

Mateo 23:33

Mwe soka, yana ya fisoka, mulwituka uli uputushi wa Jenama?

Mateo 23:15

“Akalaanda kino yakaandika na aFaliseo, mwe yaufi, kuno mululila muli yeemba nu mbali ukushita untu wa kufyusiiwa, na pano wafyusiiwa, mulunchita awa umwaana wa Jenama amaila yayili nkaani ukuluta mweemwe, mwe yakola.

Mateo 17:5

Nga pano achili alufwaanga, lola, ipuufi litiswe lyayachitila ichisau, nga lolini, iswii lyafuma umwipufi liyo, lyaati: “Alawi uMwaanane wino nakuunda, wino wansipila neene; mpulikini wiyo.”

Mateo 12:24

Leelo aFaliseo, pano yapulika, yaati: “Untu wi ataluwiinga ifiwa, leelo uku maka yi Beelsebuli uwikolo wa fiwa.”

Mateo 10:17

“Muchenjele unjaantu, kuno yalumutwaala um-mateengo, num-mang'anda yao iyi Leesa, yalumuuma.

Luka 22:66

Nga pano kwacha, iumba lya akombe nayikolo yakapela, na yakaandika, yanndeta apitengo lyao, yaati:

Milimo 4:15

Yayanena ukufuma umwitengo, pano yavwanzyanya yonga.

Milimo 5:21

Nayo pano yapulika, un-ntondo-tondo yingila un-ng'anda-nkulu-iyi-Leesa, yatampa ukusambilisha. Nga Kapela-nkulu awisa, ponga na yano yali nawe, yakonganika antu ya mwitengo, nakombe yoshi ya ana ya Islaeli, yatuma antu uku ng'anda-ya-minyololo, kuti yayalete.

Milimo 6:12

Nga yasongelekanya antu, nakombe na yakaandika, yanjila yannema, yantwala umwitengo.

Milimo 6:15

Antu yoshi yano yateshi umwitengo liyo yankundwila maaso, yalola usyu waakwe ungati usyu wi malaika.

Milimo 22:30

Apa wanda wa uwili asita ukumanya icha chumi, uku chani wasitakiwa na aYudea; nga amsapula, asita ayikolo iyakapela nitengo lyonsi likongane. Nga aleta Paulo, amwika pano yali.

Milimo 23:1

Paulo akundwila amaso antu ya mwitengo, ati: “Yachane, inene ntenzi pali Leesa nu mweso uswefile ukufika ni leelo li.”

Milimo 24:20

Nanti antu ya kwene leka yavwange akola, ichintu uli chino yawine naifya, pano nimilile umwitengo.