Mateo 5:10 - UPANGANO UPYA

¹⁰ “Inkata yao yano yasuumwa uku fya chumi, kuno uweene-wa-mwiyulu uwao.

Mateo 5:10 Referans Kwoze

Yakobo 1:12

Inkata yaakwe untu wino aluzyansya um-mazosyo, kuno ngi wapota aluipokelela inkata ya upuma, yino Mwene walainye yano yamkunda.

2 Kolinto 4:17

Kuno uchusi witu uwa manda mache, uno ulusila suwa, ulutuchitila ukulu wa manda yoshi uno ulufulisha.

Mateo 5:3

“Inkata yao apina ya mweeso, kuna uweene-wa-mwiyulu uwao.

Luka 6:22

Inkata yino mwemwi lino antu yacha yamutuwa nu kumupalula, nu kumutuka nu kusula amashina yino wiswi iipe, ukwishina lya Mwana-ntu.

2 Timoteo 2:12

Ndi twatekumweeso, tululâsa ponga nawe kwene. Ngi twantaluka unkola, nawe kwene alututaluka sweswe.

Afilipi 1:28

Leelo mutachopa anisi yino, ukwiswi lyonsi; kuno yali akamanyililo ka kulowa kwao, leelo kuli mwemwe kamanyililo ka ufyusi, uwo uno ulufuma kuli Leesa.

Luka 21:12

Leelo pano fichili filoleke ifintu fiyo, yalumulema nu kumusunya, yalumutwala un-ng'anda shi Leesa nu kumutwala uku minyololo; mulutwalwa apa ene na pa alâsi ukwishina lyane.

Yoane 15:20

Mwiyusye iswi lili lino namunenile, ukuti: ‘Unzya atalusile umwene wakwe.’ Ngi yanzunyile nene, nemwe kwene yalumusunya; ngi yalemile iswi lyane, yalulema ni lino kwene.

Uswelulo 2:10

Utachopa machulo yano yankusana. Lolini, chiwa wiyo alumutela yamwi um-minyololo, kuti mwesiwe; nemwe mulusunyiwa amanda ikumi. Uwe nfumi wa chumi fika nu kufwa, nene ndukupa Inkata ya Upuma.

2 Timoteo 3:11

Nu lukundo nu nte; nu kuzunywa kwane nu chuzi, ifintu fino vyanzanile uku Antiokia, uku Ikonio nu ku Listela. Un-zunyo onsi uno nachulanga, uMwene wantuzile muli fiyo vyonsi.

Mateo 25:34

Apano uMwene aluneena yaalye yano yali ukwikasa lyaakwe ilya kwilunji: ‘Nguni, yano mwapepelelwa na Taata, pyanini uweene uno mwawikilwe kali ukufuma ukulengwa kwaasi.

Malko 10:30

leelo angapiwa maila umwanda: li kwene apa kasalaka, ing'anda nanina ayonsi na aziche na nyina na ana ni vyalo ponga nu kuzunywa, nun-nsi yino ilwiza upuma wa manda ti.

Luka 6:20

Ainuluka walolekesha alondeshi yaakwe, wati: “Inkata yino mwemwe mwe yapina, kuno uwene-wi-Leesa uwino.

Mateo 10:23

Leelo pano yamuwiinga un-nsi u, mwitukile uku wuniina; kuno umweenemo ndumuneena, mutaluyimala imii yooshi iya Islaeli, kufika na lino uMwana-ntu alwisa.

1 Yoane 3:12

Asi wi Kaini wino wali nu njipe, wumola uwachakwe. Nawe wamumolile chani? Kuno imilimo yaakwe yalile yaipa, ni ya wachakwe yali iya chumi.

Milimo 8:1

Ngu wanda uo kwene, ikongani lino lyali um-Yelusalemu lisunyika; yoshi yasambala un-nsi ya Yudea ni Samalia, kusyala imitume.

Milimo 5:40

Yasumila amaswi yaakwe; nga pano yita imitume, yayuma nga yayasunda yatachivwanga ukwishina li Yesu, apa chisila yayata, yapite.

Mateo 19:14

Leelo Yesu afwaanga, ati: “Lekini aanche yanoono yise kunondi; mutachi yalesha, kuno yano yakoliine na yao, uweene-wa-mwiyulu uwao.”

Malko 10:14

Leelo Yesu pano walola, atuwa nkani, ayanena, ati: “Lekini anche yanono yize kunondi. Mutachi yalesya, kuno anche ndi ya uwene-wi-Leesa uwao.

Luka 22:29

Ichino nene namuwikila uwene, ndi fino Tata wambwikila nene.

Yakobo 5:11

Lolini tuluti inkata yao yano yapembelanga. Mwapulika ukusimpatizya kwi Yobu, mwalola umalililo wa Mwene, fino Mwene wavula inkumbu nu kukumbukila.