Mateo 3:7 - UPANGANO UPYA

⁷ Leelo pano wawine ayinji um-aFaliseo na aSadukeo yalwisilu ulubatisho lwakwe, wayanenile, waati: “Mwe ana ya soka, uwini wino atamusokesha ukwituka ichilakali chino chilwiisa?

Mateo 3:7 Referans Kwoze

Mateo 12:34

Mwe yaana ya soka, mungafwaanga uli ivizipe ndi mwaipa? Kuno unnomo ukuvwanga fino fili um-mweeso.

1 Tesalonike 1:10

Nu kulolela uMwanakwe ukufuma umwiyulu, wino watutulwile ukufuma uku afwi, nawe ali Yesu, ukututula um-ukali uno ulwisa.

Aloma 1:18

Kuno chilakali chi Leesa chalangisiwa ukufuma umwiyulu apa kutanduka konsi ni fiipe fya antu, yano yakulupasha ichumi uku fiipe.

Mateo 23:33

Mwe soka, yana ya fisoka, mulwituka uli uputushi wa Jenama?

Aloma 5:9

Kuluta nkani, ndi li kwene twalilwa ichumi um-wazi wakwe, kuluta nkani tulufyusiwa ni chilakali uku nkola.

Mateo 22:23

Uwaanda ulye yamwi apa aSadukeo, antu yano yakuluti, kuushi ukututuluka kwa yafwi, yaaya kunalii, yantondosha,

Mateo 16:6

Yesu wayaneena, waati: “Lolini, muisunge ni nsasho sha aFaliseo na aSadukeo.”

1 Yoane 3:10

Uku chintu chi ana yi Leesa yamanyike, na ana yi Chiwa nayo kwene: untu wensi wino ataluchita ivya chumi, atafumile kuli Leesa, na wino atakunda uwachakwe.

Yoane 9:40

Apa aFaliseo yamwi yano yalipo ponga nawe yapulika ifintu fiyo, yannena, yaati: “Chene! neswe kwene swe yapofu?”

Aeblania 11:7

Uku usumilo Noa, pano Leesa wamsokishe um-maswi ya ifintu fino fichili viloleke, fino walile wachindika Leesa, wapangile isafina, kwa kuti afyushe ing'anda yaakwe. Ichino waputwila aya kuno tikunsi, wawa mpyani wa chumi chino chikusanwa um-usumilo.

Milimo 26:5

Yamanyikisye nkani ukufuma uku ntangulo, ngi yakasime ukungimikila, fino nali mFaliseo uku kulondela ningo ntambi ya dini itu.

Milimo 20:31

Ichino mutachilala, welengulini fino imyaka itatu usiku nu nsanya, ntatile ukusokezya chila ntu uku monsozi.

Milimo 15:5

Leelo yamwi amwiumba lya aFaliseo yano yazumila, yakatuka nukuti: “Chilingine yachitwe ichibalu nu kuyanena yaleme intambi yi Mose.”

Milimo 5:17

Akatuka Kapela-nkulu na yoshi yano yali ponga nawe—nayo ali iumfi lya aSadukeo—yafyula usuwa.

Yoane 8:44

Mwemwe yana yi Shetani, ni tama yi so wino isino mwakasama ukuchita. Wino wali umumosi fuma intangulo, atimilile icha chumi, kuno musi chumi um-nkola. Pano alufwanga intumpu, akuluufwangila apa lwakwe, kuno wene uwa ufi, ali isi wa ufi.

Yoane 1:24

Na yaya yano yatumilwe yafumile uku aFaliseo.

Luka 18:11

UnFaliseo wiwi awimilila nu kusalika um-mweso waakwe fi: ‘We Leesa, nakusamalisha, kuno nemwi ntakosile anji, yakapoka-fya-antu, aipe, apundu, nanti wiwi kalifya wikodi.

Luka 16:14

Nga aFaliseo yano yakunda impia, pano yapulika ifintu fiyo, yamsoweka.

Luka 7:30

Leelo aFaliseo na amanya-ntambi yakanile ukuchita fino Leesa wakasime kuti yachite, kuno yatabatishilwe nawe.

Malko 12:18

Nga aSadukeo, antu yano yakuluti: kusi ututuluko wa yantu, yaya kunali, yamtondosya, yaati:

Malko 12:13

Nga yantumile yamwi aFaliseo na yaYelodi, kuti yanneme uku maswi.

Malko 8:15

Ayasunda, ati: “Lolini, chenjelelini insasyo zya aFaliseo ni nsasyo zyi Yelodi.”

Mateo 22:34

Nga aFaliseo pano yapulika fino wayamyalasha aSadukeo, yakongaana apali poonga.

Mateo 22:15

Nga aFaliseo yaampita, yaya yamba ifyakuti yanneeme uku maswii.

Mateo 12:24

Leelo aFaliseo, pano yapulika, yaati: “Untu wi ataluwiinga ifiwa, leelo uku maka yi Beelsebuli uwikolo wa fiwa.”

Mateo 5:20

Kuno ndumuneena, fino ichumi chino, ndi chitalusila ichumi chi yakaandika na aFaliseo, mutalwingila nanti kache um-weene-wa-mwiyulu.

Aeblania 6:18

ukuti uku ifintu fiili fino fitangi fisenokefino muli fyenefyo Leesa atangi afwange ufitusungulwe uku maka sweswe yano twitukilila ukulema utailo ulye, uno uwisilwe apa nkolelo yitu,

Mateo 15:12

Apano alondeshi yaakwe yaya kunalii, yannena, yaati: “Umanyile fino aFaliseo pano yapulika iswii liili, yafwitokile?”

Mateo 16:1

Nga yiza aFaliseo na aSadukeo yamwesha, yanndomba ayalaange ichilangisho cha kufuma umwiyulu.