Mateo 26:55 - UPANGANO UPYA

⁵⁵ liyo kweene Yesu wanena amaumba, waati: “Cheene! umufuma ni mpaanga ni nonga kunti mufumile ukuyulema wino akulupoka fya antu, mwisilu ndema neene? Maanda yooshi naali un-ng'anda-nkulu-iyi-Leesa angi ndusambilisha, leelo mutandema.

Mateo 26:55 Referans Kwoze

Yoane 8:2

Nu ntondo pano kwacha awingila kaili un-ng'anda-nkulu-iyi-Leesa, na antu yoshi yaya kunali, nawe awikala angi aluyasambilisha.

Malko 12:35

Nga Yesu pano alusambilizya un-ng'anda-nkulu-iyi-Leesa, ayanena, ati: “Yakululanda uli yakaandika ukuti Klisto umwana wi Daudi?

Yoane 7:28

Chaleka Yesu wafumya niswi nkani un-ng'anda-nkulu-iyi-Leesa, asambilisha nu kulanda fi: “Inene mmanile, na kuno nfumile mukumanile. Leelo ntisile uku kukunda kwane, leelo wino wantumile, uwa Chumi, wino mutammanyile mwemwe.

Yoane 7:14

Nga chali apakasi ya fimulo Yesu wapisile aya awingila un-ng'anda-nkulu-iyi-Leesa, asambilisha.

Mateo 21:23

Nga pano wingila un-ng'anda-nkulu-iyi-Leesa, ayikolo iyakapela na akoombe ya yaantu yayiile kuno alii, pano alusambilisha, yannena, yaati: “Uku maka chi uluchita ifiintu fi? Na wino wakupiile amaka ya uwini?

Mateo 26:47

Nga pano achili alufwaanga, lolini, Yuda, weenga pali yaaya ikumi na yayili, wiisa poonga niumba ikulu yali ni mpaanga ni noonga, yafuma uku yikolo iyakapela na yikolo ya aantu.

Malko 10:1

Nga akatuka aya unmbali ya Yudea ni mbalama yi Yodani, amaumba tupu yakongana kaili kunali, ayasambilizya kaili fino wamanyilila.

Luka 4:20

Akupika ichitabu, asuwisisha umbofi, nga wikala; na antu yoshi yano yalimo un-ng'anda iyi Leesa, yankundwila amanso.

Luka 19:47

Nga wasambilishanga manda yoshi un-ng'anda yi Leesa. Leelo ayikolo iyakapela na yakaandika, ponga na ikolo ya antu yasitanga insila yakuti yamumole.

Luka 20:1

Walangi uwanda umwi pano wasambilishanga antu un-ng'anda-nkulu-iyi-Leesa, nu kusundi Iswi-sipe, ayikolo iyakapela na yakaandika yaile ponga nakombe.

Yoane 8:20

Amaswi yao wayatasile pano wasambilishanga un-ng'anda-nkulu-iyi-Leesa, uku wisho wa mpia; leelo kutali untu wa kunnema, kuno amanda yaakwe yalile yachili yafike.