Mateo 22:11 - UPANGANO UPYA

¹¹ Nga pano wingila wiiwi umweene, ukuti alole ayeeni yaakwe, walola umwenemo untu weenga wino ataswite umweenda wa wiinga.

Mateo 22:11 Referans Kwoze

Uswelulo 19:8

Nawe watapiwa ukuyemba umwenda untiswe ntelepwe uno wazipa nkani. Kuno umwenda ntelepwe uo, imilimo iya chumi iya aswefiwa.”

Aefeso 4:24

Muzwale uuntu upya uno waumvilwe ukoline na Leesa, uku chumi nu swefu wa kapanga.

2 Kolinto 5:3

Ngi twaswikwa, tutalusha tuloleke fino tuli tupu.

Aloma 13:14

Leelo Mwene Yesu Klisto awe umwenda wino wa kuzwala, nga mutachisoma ivya mwili nu kukatusya ivisitwa fyaakwe-o.

Uswelulo 16:15

“Lola ndwiza wa mwivi. Inkata yaakwe wino aluchesya nu kusunga imyenda yaakwe, kuti atapita tupu, antu yalole ivya nsoni zyaakwe.”

Uswelulo 3:18

nakupa iswi, ukale ukwane zaabu yino yengulwa um-moto, kuti uwe nsavi, ni myenda mitiswe uzwale, kuti insoni zya kwikala tupu zitachiloleka, nu nnembo wa maaso uwa kupakala, kuti ulole.

Uswelulo 2:23

Nene ndumola anakwe uku nfwa. Na makongani yoshi yalumanya fino Nene ndi Kalondola wa melengusi ni myeso. Nene ndumpa chila ntu kuyana ni milimo yaakwe.

Agalatia 3:27

Kuno mwemwe mwensi yano mwabatiziwa muli Klisto, mwawa muli Klisto.

1 Kolinto 4:5

Ichino mutachiputula unnandu wiswi limwi, pano amanda yakwe yachili yafika, ukufika na lino uMwene alwiza, wino alukozya ifintu vyonsi fino vyafisama un-chanda, na kaili uwino aluswelula apatiswe amelenguzi ya myenzo. Pao apano chila ntu alulola ichakuti autensezye kuli Leesa.

Aloma 3:22

fino ichumi chi Leesa uku nsila ya kusumila muli Yesu Klisto kuli yoshi yano yazumila; kuno chitaleunkine.

Mateo 13:30

Fitini fyooshi fikule kufika na pa kusakaata; na pa kusakaata nduunena alusakaata, nti: Mutangule mukonganike ifikoona, mufinyepe inyengele mukafyoche, leelo ingano yikonganikini un-ntanta yaane.’ ”

Mateo 3:12

Wino ulupe luli umwikasa lyaakwe, nawe aluswefya nkani ulwano lwakwe; nu kukonganika ingano yaakwe un-ntanta, leelo chileshe alumocha nu mooto untashima.”

Mateo 22:10

Aomfu yao yafuma yaya un-nsila inkulu, yakonganya yooshi yano yalola, ayiipe na asiipe; uwiinga washuula ayeeni.