Mateo 16:16 - UPANGANO UPYA

¹⁶ Simoni Petlo wannena, waati: “Wewe uli Klisto, umwaana wi Leesa uwa upuma!”

Mateo 16:16 Referans Kwoze

Mateo 14:33

Nayo yano yali um-waato, yamwinamila, yaati: “Ichuumi, weewe Mwaana wi Leesa.”

Yoane 11:27

Wannena, waati: “Endita Mwene, nche nasumila fino wewe uli Klisto, Mwana wi Leesa, wino alwisa kuno ukunsi.”

1 Yoane 4:15

Wensi wino alwimikila fino Yesu uMwana wi Leesa, Leesa atesi munali, nawe muli Leesa.

Mateo 27:54

Nga unkulu wa asalifi na yalye yano yali poonga yalunnolelela Yesu, pano yalola ichitentema cha nsi na fino fyaombeka, yoopa nkaani, nga yaati: “Umwenemo, wi wali umwana wi Leesa.”

1 Timoteo 4:10

Kuno tuluuchuzya nu kulemasya uku nnandu uo, kuno tumtaila Leesa wa upuma, uli Kafyusya wa yantu yoshi, nkani kuli yano yazumila.

Milimo 9:20

Atampa liyo kwene ukusunda amaswi yi Yesu un-ng'anda shao ishi Leesa, fino Yesu uMwana wi Leesa.

1 Tesalonike 1:9

Kuno akola yaluma imbila yitu, fino twingile kuno muli, na fino mwasenukile Leesa mwata imyao, kuti muombele Leesa wa upuma nu wa chumi.

Mateo 26:63

Leelo Yesu atusha. Kapela-nkulu wannena, waati: “Nakulafya kuli Leesa uwa upuma, utuneene ndi weewe uli Klisto umwaana wi Leesa.”

1 Yoane 5:5

Wino alupota ivya kunzi uwini, siku wino azumile fino Yesu uMwana wi Leesa.

Aeblania 10:31

Ichintu cha kusimya ukupona um-makasa yi Leesa wa upuma!

Aloma 1:4

Nu kumanyishwa uku maka yaakwe fino umwana wi Leesa, ukukolana nu mweso wa uswepe, uku kututuluka kwa yafwi, Yesu Klisto, Mwene witu.

Malko 14:61

Leelo atuzya, atavwanga chimwi. Kapela-nkulu wamtondosya kaili, waati: “Wewe uli Klisto, Mwana wa Mpepelelwa?”

Yoane 20:31

Leelo vi vyandikwe ukuti mumanye fino Yesu i Klisto, Mwana wi Leesa, nu kukuzumila, muwe nu upuma ukwizina lyaakwe.

Yoane 1:49

Natanieli wannena, waati: “Labi, wewe uli Mwana wi Leesa, we Mwene wa Islaeli.”

Aeblania 12:22

Leelo mwemwi mwaufikilila umwamba wa Sioni, nunsi wi Leesa wa upuma, Yelusalemu ya mwiyulu, na maumba yi yamalaika maelfu.

1 Timoteo 3:15

Leelo ngi nazimba, umanye fino chiine antu ukwikala uli un-ng'anda yi Leesa, yino ikongani li Leesa wa upuma; uli luzyiko ni chiimbili cha chumi.

1 Yoane 5:20

Neswe tumanyile fino Mwana wi Leesa wata wisa, nawe watupa mano kuti tummanye uWa-Chumi. Neswe tuli muli wenewe uWa-Chumi, muli Yesu Klisto Mwanakwe. Wiyo ali Leesa wa chumi nupuma wa manda ti.

2 Kolinto 6:16

Na kaili pali upulikano chi apa ng'anda-nkulu-iyi-Leesa ni filuwi? Kuno swemwi swe ng'anda-nkulu-iyi-Leesa wa upuma, ndi fino Leesa wafwasile, ukuti: “Ndwikala muno yali na muli yeneyo ndupitanga; nene nduwa Leesa wao, nayo yaluwa antu yane.

2 Kolinto 3:3

Mumanyike fino mwemwe mbaluwa yi Klisto ino twandike, ino itaandikwe uku wino, leelo uku Mweso wi Leesa wa upuma, asi pa fibao vya mafinga, leelo apa fibao vya myeso ya antu.

Milimo 14:15

yaati: “Yatata, uku chani muluchita chi? Neswe kwene sweswe yantu ndi mwemwe; tulumusunda iswi-zipe, ukuti musenuke nu kuta ifintu vi ivya uwelewele, museleukile kuli Leesa uwa upuma, wino walenzile iyulu ni nsi na yemba ni ifintu vyonsi fino vili mwenemo.

Mateo 4:3

Keesha wishile, waneena, waati: “Ndi we mwana wi Leesa, nena amafiinga ya yawe iishima.”

Milimo 8:36

Yawa yalupita un-nzila, yafika apa manzi, ntungwi wiyo waati: “Lola, amasi ya; ichani chino chilundesya ntabatiziwa?” [

Yoane 6:69

Neswe tusumile, kaili tumanile fino wewe uli Nswefu wi Leesa.”

Mateo 1:16

Yakobo wafiile Yosefu, nka Malia, wino wafiile Yesu wino yakuluuti i Klisto.

Mateo 16:15

Wayanena, waati: “Nemwe mukulutaka, umuti: Neene wiini?”

Luka 2:11

Kuno ilelo umunsi wi Daudi watafyalwa uku nndantu wino, Unkulushi, ali Klisto uMwene.

Yoane 6:57

Ndi fino Tata uwa upuma wantumile nene, nene ndi nupuma kuli Tata. Ifino na wino wandya, aluwa nupuma kuli nene.

Yoane 6:68

Nga Simoni Petlo wannena, waati: “Mwene, tuye kuli wini? Wewe uli na maswi ya upuma wa manda ti.

2 Kolinto 1:19

Kuno uMwana wi Leesa, Yesu Klisto, wino twamusundila-ko, nene na Silvano na Timoteo, kutali Ee na Awe, leelo muli wenewe muli “Endita.”

Aeblania 3:12

Lolini yachane, atachiwa-po umwi pali mwemwe nu mweso uipe nuwa kuntasumila, uku kuutalula kuli Leesa wa upuma.

Aeblania 9:14

ali utalusile nkani uwasi wi Klisto, wino kuli Mweso wa manda ti, waufimile upuma waakwe kuli Leesa, awe uwila uno usi nuipe, ulutufula imyeso itu ni milimo ya nfwa, kuti tumpepe Leesa wa upuma?

Uswelulo 7:2

Apano nalola malaika unji, alukwela ukufuma ku kafumandaka, angi ali na kamanyililo ki Leesa uwa upuma. Alaizya ukwiswi yalye yamalaika yani, yano yapilwe konona insi na yemba.

Milimo 8:37

Filipo annena, ati: “Ngi wazumila uku mweso wako onsi, chingawa.” Nawe ati: “Nazumila fino Yesu Klisto umwana wi Leesa.”]