Mateo 11:5 - UPANGANO UPYA

⁵ Apofu yalulola, aya matenda yalupita na ya ntana yaluswefiwa, yachipuuli yalupulika, nafwi yalututululwa, napiina yalusuundwa iswii-isiifu.

Mateo 11:5 Referans Kwoze

Luka 4:18

“Umweso wa Mwene uli ponga nene, kuno wampaka amafuta, ukuyumila apina imbila yi Iswi-sipe; wantuma ukuyumila imbila yano yanyepwa ukusapulwa kwao. Napofu ukupiwa ukulola kaili, nu kukulula yano yaonelwa.

Yakobo 2:5

Yachane yakundikwa, pulikisyini. Chene! Leesa atasolwile apina ya nsi i, yawe asavi ya usumilo na ya upyani wa wene uno wayalainye kuli yano yamkunda?

Mateo 21:14

Nga apofu na ya matenda yaya kunali un-ng'anda-nkulu-iyi-Leesa, ayaposha.

Yoane 10:38

Leelo ngi nduwomba, nanti mutantaile nene, tailini imilimo kwene iyo, ukuti mumanye nu kupulika fino Tata ali muti nene, nene ndi muli Tata.”

Yoane 10:25

Yesu wayanena, waati: “Nalimunenile, leelo mutakasi ukusumila. Imilimo iyo yino nduomba ukwisina li Tata, iyino ilungimikila.

Yoane 5:36

Leelo usyuta uno ndi nao nene, ulusile uwi Yoane; kuno imilimo ilye yino Tata Wampile kuti njiombe, imilimo kwene iyo yino nduomba, ilungimikila usyuta fino Tata wantumile.

Yoane 3:2

Wene waile. ushiku kunali, wannena, waati: “Labi, tumanyile fino we Kasambilisha wafuma kuli Leesa; kuno kusi untu wino angachita ifipeshamano fi fino uluchita wewe, ndi Leesa asi ponga nawe.”

Yoane 2:23

Nga pano wali uku Yelusalemu uku wanda ukulu uwa Pasaka, antu tupu yasumila ishina lyaakwe, pano yalola ifipesha-mano syaakwe, fino aluchita.

Malko 9:25

Yesu nawe pano walola iumba lyakongana zuwa, wachenzela ichiwa chiipe, waati: “We, chiwa chinunu na chipuli, nene ndukunena, fuma muliwi, utachi uwele kaili.”

Malko 7:37

Yazunguka nkani na nkani, yaati; “Wachita ningo ifintu vyonsi, yachipuli yalupulika na ya chinunu yavwanga.”

Mateo 10:8

Muposhe alwaale, mututulule afwi, muswefye aya ntana, wingini ifiwa; mwapiwa uwila, mufiime uku wiila.

Mateo 9:30

Amaaso yao yayulika. Nga Yesu ayaneena uku maka, ati: “Mulole niingo untu umwi atamanya!”

Mateo 5:3

“Inkata yao apina ya mweeso, kuna uweene-wa-mwiyulu uwao.

Milimo 2:22

“Mwe yatata ya mwiIslaeli, pulikisyini amaswi ya: Yesu wa ku Nazaleti, untu wino walangiziwe kuno muli na Leesa uku maka ni vipezya-mano ni vilangizyo, fino Leesa wachisile ukwikasa lyaakwe pano muli, ndi fino mwe yakola mumanyile.

Mateo 11:4

Yesu wayaneena, waati: “Yangini mkaneene Yoane ifiintu fino mulupulika na ukufilola:

Mateo 12:13

Apano waneena untu wiyo, waati: “Wolola ikasa lyaako.” Nawe wolola, lyapola, lyawa ipuma ndi fino ilya wuli.

Yoane 9:7

Wannena, waati: “Yanga ukafulale un-chifula cha Siloamu, (alikuti: wino atumilwe)” Nga wapita waya wafulala, wawela alulola.