Mateo 11:11 - UPANGANO UPYA

¹¹ uMweenemo ndumuneena: muli yano yafiilwe na ayaanachi, pasi umwi wino waloleka alusile Yoane Kabatisha, leelo wino unnoono um-weene-wa-mwiyulu, unkulu uukunnuta.

Mateo 11:11 Referans Kwoze

Luka 7:28

“Nene namunena, pali yano yafilwe nanachi, kushi wino alushile Yoane, leelo wino unnono um-wene wi Leesa, anndusile.”

Aefeso 3:8

Nemwi ne nnono nkani apa aswefiwe yoshi, napilwe inkumbi zi, ukusunda akulukuwa usavi wi Klisto, uno utangi ulingwe na chimwi,

Yoane 1:15

Yoane wannansile, awangula ukwiswi lyaakwe, wati: “Alawi uwino natasile amaswi yaakwe, wino alwisa uku chisila chane, waliko inkolelo yane.”

Mateo 5:19

Ichino untu weeshi wino waacha onoona isuunde lyoonga inoono pali yao nu kusambilisha aantu fiyo, alwiitwa unnoono nkaani um-weene-wa-mwiyulu; leelo wino aluyaoomba nu kuyasambilisha, wiyo alwiitwa uwikolo um-weene-wa-mwiyulu.

Mateo 3:11

Nemwi ndumubatisha na maasi uku kufipela, leelo wino alwiisa ichisila chane, wene ali na maka ukunduta neene, wino ntalingine nanti ukuseenda infwato shaakwe; wene alumubatisha uku Mweso Nswefu nu ku mooto.

Luka 9:48

Wayanena, waati: “Wensi wino wacha wapokelela umwanche wi ukwishina lyane, aluwa watampokelela nene; na wensi wino wampokelela nene, alumpokelela wino wantumile. Kuno wino unnono pali mwemwe mwensi, wiyo ali unkulu.”

1 Petlo 1:10

Apa ufyusi uo yakalausha yausitanga nu kulondosha ukunte, yano yalawishe inkumbu sino silumwisila mwemwe.

Aeblania 11:40

Kuno Leesa walile watangula ukutuwikila sweswe ichintu chisipe, ukuti ndasi sweswe, yao yatangi yayane.

1 Kolinto 15:9

Kuno nene nnono apa mitume, ntaine ukwitwa untume, kuno nasunyile ikongani lyi Leesa.

1 Kolinto 6:4

Ichino ngi muli ni ifintu fino viluputwilwa imilandu vya mikalo ya, Chene! mwayawika uli uku uputuzi nayo yano yasulwa umwi kanisa?

Yoane 10:41

Na antu tupu yaya kuno ali, yafwanga ukuti: “Umwenemo, Yoane atachili achita ichipesha-mano chimwi, leelo fyoshi fino wafwansile Yoane uku ifintu fi, fyali umwenemo.”

Yoane 3:30

Ichino fi ukuchimba kwane kukufika. Wene mpaka andushe, nene nchepe.”

Yoane 5:35

Uwino wali ikosho lilwaka nu kumesa, nemwe mwakasime ukuchimbila um-mwengelela waakwe ukufika pamwi.

Yoane 1:27

Uwino alwisa uku chisila chane, wino nene ntalingine ukutolompola imikowa ya nfwato shaakwe.”

Yoane 7:39

Ni iswi liyo walilandile uku Mweso Nswefu, wino yano yanzumile yalumpokelela uku chisila; kuno uMweso Nswefu walile uchili aise; kuno Yesu walile achili apiwe ukulu.

Aefeso 2:3

yano kali, swensi kwene twapitanga nayo, umumaifyo yitu, pano twaombanga fino umwili na melengushi filusita. Uku ntambi litu twawa yana ya chilakali wi yao anji.

2 Timoteo 1:10

Leelo apa kasalaka zyasweluka uku kuloleka kwi kafyusya witu Klisto Yesu, wino wononile amaka yanfwa, nu kulanga upuma nu kuntaola ukwiswi-zipe liyo.

Luka 1:15

Kuno aluwa unkulu apa maso ya Mwene, atalunwa amasi ya mizabibu nanti ivya kukoleka; alushula uMweso Nswefu ukufuma unda yi nyina.

Mateo 3:1

Um-manda yalye wisile Yoane kabatisha angalusuunda un-nyika ya Yudea, ati:

Mateo 11:10

Wiyo uwino waandikilwe ifiintu fi: ‘Lolini, ntumi ntumi yane, akukoleelele apa maaso yaako; wino alukuteyanyisisha iisila yaako inkolelo.’

Mateo 11:12

Ukufuma amaanda yi Yoane Kabatisha fika na li, uweene-wa-mwiyulu ululoleka uku maka na ya maka yaluupoka.