Mateo 10:28 - UPANGANO UPYA

²⁸ Mutachoopa yano yalumoola umwiili, yapootwa ukumoola umweeso; leelo moope wino angumola umwiili nu mweeso poonga un-chilinkwe cha moto.

Mateo 10:28 Referans Kwoze

Uswelulo 2:10

Utachopa machulo yano yankusana. Lolini, chiwa wiyo alumutela yamwi um-minyololo, kuti mwesiwe; nemwe mulusunyiwa amanda ikumi. Uwe nfumi wa chumi fika nu kufwa, nene ndukupa Inkata ya Upuma.

Yakobo 4:12

Kafima wa ntambi na wino akuputula ali wenga mpele, uli wino angakufyusya nu kukonona. Leelo wewe uwini, ukuluputwila untu unnina?

1 Petlo 3:14

Leelo ngi muluchula uku nnandu wa chumi, inkata ino. Mutachopa ukofya kwao, nanti ukusima.

Mateo 25:46

Na yao yalupita ukuyu wingila um-machuulo ya maanda ti leelo aya chuumi yaluya um-upuma wa maanda ti.”

Aeblania 10:31

Ichintu cha kusimya ukupona um-makasa yi Leesa wa upuma!

Mateo 10:26

Ichino mutayoopa; kuno kuusi chimwi chikuwe, chino chitalukululwa, naanti ichifise, chino chitaluwula ukumanyika.

Aeblania 11:35

Anachi yapokelile afwi yao yano yatutulwilwe. Yamwi yachusiwe nu kufwa, yakana ukutulwa, kuti yawe nu ututuluko wa mpomfu.

Milimo 21:13

Apano Paulo avwanga ati: “Muluchita chintu uli, ukulila nu kunfisya uku mweso? Kuno nemwi nzumile, asu kunyepwa sile, leelo nukufwa kwene, um-Yelusalemu uku nnandu wizina lya Mwene Yesu.”

Mateo 5:22

Leelo neemwi ndumuneena: fino uuntu ndi waloleela unniina ichilaakali, aputwilwe undaandu; nu ntu ndi watuka unnina, atwalwe apiteengo; nu ntu ndi waati: Chiwila, alutwalwa un-chilinkwe cha mooto.

Yoane 5:29

Nayo yalufuma, yaya yano yachisile ifisifu uku kusyuka kwa upuma, na yalye yano yachisile isiipe, uku kusyuka kwa kuputwilwa imilandu.