Mateo 10:22 - UPANGANO UPYA

²² Neemwe mulutuwiwa na aantu yooshi umwishiina lyane; leelo wino waacha wateeka umweeso nu kulemasya kufika ni chisila, uwino alufyuuka.

Mateo 10:22 Referans Kwoze

Mateo 24:13

Leelo wino alutekaana kufika ni chisila, uwino alufyuuka.

Yakobo 1:12

Inkata yaakwe untu wino aluzyansya um-mazosyo, kuno ngi wapota aluipokelela inkata ya upuma, yino Mwene walainye yano yamkunda.

Uswelulo 2:10

Utachopa machulo yano yankusana. Lolini, chiwa wiyo alumutela yamwi um-minyololo, kuti mwesiwe; nemwe mulusunyiwa amanda ikumi. Uwe nfumi wa chumi fika nu kufwa, nene ndukupa Inkata ya Upuma.

Malko 13:13

Nemwe mulutuwiwa na antu yoshi ukwizina lyane. Leelo uwacha walemasya fika ni chisila, uwino alufyuka.

Mateo 10:39

Wino wafyusha upuma waakwe, aluulofya; na wino walofya upuma waakwe ukwishiina lyaane, aluulola.

1 Yoane 3:13

Yachane mutachizunguka ngu kunzi kwamutuwa.

Mateo 24:9

Apa maanda yao yalumufiima ukuti mulole amachuulo nayo yalumumoola, neemwe mulutuwiwa na antu yooshi ukwishiina lyane.

Aloma 2:7

Yalye yano yakulule-masya ukuchita ivizipe nu kusita ukulu nu nchinzi nu kuntaononeka, yalupiwa upuma wa manda ti.

Aeblania 6:11

Neswe tulusita nkani chifa ntu alangishe unte ulye kwene, ukufikilila kwa utailo, fika ni chisila.

Yoane 17:14

Nene nayapa iswi lyako, nukunsi kwayatuwa, kuno yao asi ya kunsi, ndi fino nene asi ne wa kunsi.

Agalatia 6:9

Kaili tutachitonta uku-kuomba ivizipe, kuno tulukumbula pano chacha chafika, ndi tutaluzyenguka um-mweso.

Luka 6:22

Inkata yino mwemwi lino antu yacha yamutuwa nu kumupalula, nu kumutuka nu kusula amashina yino wiswi iipe, ukwishina lya Mwana-ntu.

2 Kolinto 4:11

Kuno swe yapuma, manda yoshi tulufimwa tufwe uku nnandu wi Yesu, ukuti upuma wi Yesu nao uloleke um-myili itu, ino ikululemeka ninfwa.

Mateo 5:11

“Inkata yino mweemwe yano mulutukwa nu kusunywa nu kumwifikisha chila iswii liyifu uku ufii, uku ndaandu waane.

Uswelulo 2:17

“Wino ali na makutwi, apulike iswi li lino Mweso alunena makongani. Wino wacha wapota, ndumwankanya imana iyo, ino yafiswa, nene ndumpa ifinga itiswe, na pifinga liyo pandikwe izina ipya lino umwi atalimanyile, siku wino alulipokelela.

Yoane 7:7

Ukunsi kutangi kumutuwe, leelo kuluntuwa nene, kuno ndukulanda fino imilimo yaakwe imiipe.

Luka 8:15

Na sha apa nsili uno wafunda, ali yaya yano ukuli yapulika iswi ni myenzo ya ningo, yalilema, nga yasêka ifisêke ukukuteka imyenso.

Uswelulo 3:21

“Wino wapota, nampa ukwikala ponga nene apa chisumbi chane icha ukulu, ndi fino nemwi napoteka, nikala ponga na Tata pa chisumbi chakwe cha ukulu.

Uswelulo 2:7

“Wino ali na makutwi, apulike iswili lino Mweso alunena amakongani. Wino wacha wapota, ndumpa ukulya ivisêke vya chiti cha upuma, chino chili apakasi ya Chialochi-Leesa.”

Aeblania 3:14

Kuno twati tuminkana na Klisto, ndi twalemasha uku maka intangulo ya utailo witu, fika ni chisila.

Uswelulo 2:26

“Wino wacha wapota, nu kuisunga imilimo yane fika ni chisila, ndumpa amaka apa akulukuwa.

Milimo 9:16

Kuno namnanga ifyafula fino vinnungime ukuchula ukwisina lyane.”

Uswelulo 2:3

Na kaili wali nunte nu kutekela uku nnandu wisina lyane, nanti utatana utonte.

Luka 21:17

Nemwe mulutuwiwa nantu yoshi uku nnandu wishina lyane.

Luka 21:19

Nemwe uku kusisimisha mulufyusha imyenzo yino.