Malko 5:7 - UPANGANO UPYA

⁷ Wangula ku maka, waati: “Ndi na chani newe, Yesu, Mwana wi Leesa alu mwiyulu. Nakulafya kuli Leesa utachi nchuzya.”

Malko 5:7 Referans Kwoze

Mateo 8:29

Nga lolini, yuma ichoongo, yati: “Tuli na chaani neewe, mwaana wi Leesa? Cheene! Uwishile ukwisu kutuchusha, amaanda yitu yachili yafike?”

Milimo 16:17

Alondela Paulo neswe angalwangula, ati: “Antu ya aomvi yi Leesa wa kwiyulu, yano yalumusunda inzila ya ufyusi.”

Yuda 1:6

Nayamalaika yano yataukosile akola, leelo yasya amikalo yao yano yayasipile, wayanyepa uku ng'anda-ya-minyololo manda ti uku chanda, ukulolela uwanda wa kuputula imilandu yao apa wanda ukulu.

Mateo 26:63

Leelo Yesu atusha. Kapela-nkulu wannena, waati: “Nakulafya kuli Leesa uwa upuma, utuneene ndi weewe uli Klisto umwaana wi Leesa.”

Uswelulo 12:12

Ichino chimbaini mwe mayulu, nemwe yano mutenzi mwenemo. Akalanda ka nsi na yemba kuno Chiwa wilye atiika kuno muli, ali ni chilakali nkani; amanyile fino manda yaakwe yali mache sile.”

Milimo 19:13

Ayudea yamwi, yakuma ya viwa, yano yalutangela, yesha ukulanda isina lya Mwene Yesu, kuli yano yalemwa ni fiwa ifiipe, yaati: “Ndumulafya kuli Yesu, wino alusundwa na Paulo.”

Luka 8:28

Pano walola Yesu, wauma ichongo, wapona panali, afwanga ukwiswi ikulu, wati: “Ndina chani Yesu, Mwana wi Leesa uwa mwiyulu? Napapata utachinchusha.”

Malko 3:11

Ni myenso ya chiwa, chila pano yannola, ipona pansi panali, ilila, iti: “Wewe uli Mwana wi Leesa.”

Mateo 4:3

Keesha wishile, waneena, waati: “Ndi we mwana wi Leesa, nena amafiinga ya yawe iishima.”

1 Yoane 3:8

Kachita wa maifyo uwi Chiwa, kuno Chiwa waifyanga kufuma uku ntangulo. Ichino fiyo Mwana wi Leesa walolike, kuti aonone imilimo yi Chiwa.

2 Petlo 2:4

Kino ndi Leesa atayalekile yamalaika yano yononile, leelo wayasumbile un-chilina, wayanyepa um-finyepelo fya chanda, yalulolela uputusi wa milandu,

Malko 1:24

waati: “Yesu wa ku Nasaleti, tuli na chani newe? Chene! uwisa ukwisa tonona? Nkumanyile wewe wini: Wenswefu wi Leesa.”

Mateo 16:16

Simoni Petlo wannena, waati: “Wewe uli Klisto, umwaana wi Leesa uwa upuma!”

Aeblania 7:1

Kuno Melkisedeki wiyo umwene wa ku Salemu, kapela wi Leesa wa mwiyulu, wino wakomengine na Ablahamu, pano wawelanga ukufuma ukwisumo, lino wumanga ayene yao, wampepelela.

Aeblania 2:14

Kuno ana yao yali ni myili nu wasi, fino nawe kwene watosile mwili, uli onga, ukuti ku nila ya nfwa amonone wino wali na maka ya nfwa, uli Chiwa,

Milimo 8:36

Yawa yalupita un-nzila, yafika apa manzi, ntungwi wiyo waati: “Lola, amasi ya; ichani chino chilundesya ntabatiziwa?” [

Yoane 20:31

Leelo vi vyandikwe ukuti mumanye fino Yesu i Klisto, Mwana wi Leesa, nu kukuzumila, muwe nu upuma ukwizina lyaakwe.

Luka 6:35

Leelo mukunde yasiluembu yino, chitini ifisipe, nu kukopisha mutachelengula ukulipwa, ni chilambu chino chiluwa ichikulu, nemwe muluwa ana yi Wa-Mwiyulu; kuno wene unsipe kuli yano yatalumsamalisha nuku yaipe.

Luka 4:34

waati: “Leka nga tuli na chani newe Yesu wa ku Nazaleti? Uwisile ukwisa tonona? Nkumanyile we weni: We Nswefu wi Leesa.”

Luka 1:32

Wene aluwa unkulu, alwitwa umwana waakwe Wa-Mwiyulu, nu Mwene Leesa alumpa ichisumbi-cha-wene ichi Daudi, isi wakwe.

Malko 14:61

Leelo atuzya, atavwanga chimwi. Kapela-nkulu wamtondosya kaili, waati: “Wewe uli Klisto, Mwana wa Mpepelelwa?”

Aloma 16:20

Nawe Leesa wa utekezyo alulyatilila Shetani zuwa apa mulu yino. Inkumbu zya Mwene witu Yesu Klisto ziwe ponga ne-mwe!

Malko 5:6

Nga pano wawine Yesu ukutali, wituka ulwilo, wamfukamila.

Malko 5:8

Kuno wannena, ukuti: “We, chiwa chiipe, fuma uku ntu wi!”

Yakobo 2:19

Wemwi uzumile fino Leesa ali wenga? Wachita ningo; ni viwa navyo kwene vizumile leelo nu kutetema.