Malko 3:27 - UPANGANO UPYA

²⁷ Kusi untu wino angingila un-ng'anda ya ntu wa maka nu kutola ifintu vyaakwe, mpaka atangula anyepe uwa maka, apano angatola ivya ng'anda.

Malko 3:27 Referans Kwoze

Mateo 12:29

Naanti, Cheene! untu angingila un-ng'anda ya ntu wa maka uli, nu kulema ifiintu fyaakwe, ngi atatangwiile anyepe untu wiyo uwa maka? Apano aluyilema ing'anda yaakwe.

1 Yoane 4:4

Mwe yana yanono, mwafumile kuli Leesa, nemwe mwayapota; kuno wino ali muno muli unkulu alusile wino ali un-nsi.

1 Yoane 3:8

Kachita wa maifyo uwi Chiwa, kuno Chiwa waifyanga kufuma uku ntangulo. Ichino fiyo Mwana wi Leesa walolike, kuti aonone imilimo yi Chiwa.

Akolosai 2:15

Apano wazula a maka nakulu na maka yao, wayalanga apatiswe fino yali cha nsoni, ayachimvya.

Yoane 12:31

Li kwene kwawa uputusi wa milandu ya nsi, li kwene unndâsi wa nsi i wawingwa.

Aeblania 2:14

Kuno ana yao yali ni myili nu wasi, fino nawe kwene watosile mwili, uli onga, ukuti ku nila ya nfwa amonone wino wali na maka ya nfwa, uli Chiwa,

Aloma 16:20

Nawe Leesa wa utekezyo alulyatilila Shetani zuwa apa mulu yino. Inkumbu zya Mwene witu Yesu Klisto ziwe ponga ne-mwe!