Malko 2:20 - UPANGANO UPYA

²⁰ Leelo amanda yalwiza yano siwinga wacha wawa asipo, apano yalusilisha wanda uo.

Malko 2:20 Referans Kwoze

Luka 17:22

Nga anena alondeshi yaakwe, wati: “Amanda yalwisa yano mulukunda ukulola uwanda umwi apa manda ya Mwana-ntu, mutaulola.

Uswelulo 21:9

Nga awiza wenga pali yamalaika yaye saba, yano yali na zilye ingeso saba, zyazyuzile ivilumbelo saba ivya kumalilila, nawe avwanga, ati: “Nguna ku, nene nankulanga nawinga wilye nka Mwana-nfwele.”

Uswelulo 19:7

Katuchimbe nu kuchimbila, tumpe ukulu wakwe, kuno uwinga wa Mwana-nfwele uwiza; nunchi watauteyanya.

2 Kolinto 11:27

Um-machulo nu kusamala maila tupu, ukuntalala maila tupu, ukuwaika ni nsala nu nsala, amaila tupu kuulilwa ifyakulya, uku nsusi nu kunsisha.

2 Kolinto 11:2

Kuno ndi nusuwa kuli mwemwe, usuwa wi Leesa, kuno namwimalisha uku monsi wenga, uli Klisto, kuti mtwale wa nsumgu wino atatana wonona uto wakwe.

1 Kolinto 7:5

Mutachikanana, shuko lino mwazumilizyanya uku makati yamwi, kuti muwe nu wasa wa kuiwika un-kupepa, nga kaili muwelelana, kuti Shetani atamwesha ku kuntapupusha kwino.

Milimo 14:23

Nga pano yayasolwela akombe um-makongani yoshi, nu kupepa ponga na kuuzilizya ichakulya, yayawika um-makasa ya Mwene, wino yamzumile.

Milimo 3:21

fino chalungime ukupokelelwa umwiyulu, fika na lino amanda yalwiza aya ifintu vyonsi ukuchitwa ivipya kaili, yano yatasilwe na Leesa uku milomo ya malau yaakwe aswepe, fuma lino insi yalenzilwe.

Milimo 1:9

Nga pano wavwanga amaswi yao, akatusiwa pano yali, lino yalulola, apokelelwa nipufi ukufuma apa maaso yao.

Yoane 17:13

Leelo kasalaka nisa kunuli, na maswi ya nduyafwanga un-nsi, ukuti ukuchimba kwane kushule um-myenzo yao.

Yoane 17:11

Nemwi nta-chili-mo kaili un-nsi, leelo ya yalimo un-nsi, nene nisa kunuli. Tata Nswefu, uyasunge ya ukwisina lyako lino wampile, ukuti yawe ali yonga ndi yino tuli,

Yoane 16:28

Nafumile kuli Tata, nene nisa kuno ukunsi; na kaili natina kuno ukunsi naya kuli Tata.”

Yoane 16:7

Leelo nemwe ndumunena icha chumi: chingamusipila mwemwe, nene ntine; kuno ngi ntatinile, uMwaswilisi wiyo atangi awise kuno muli, leelo ngi napita ndunneta kuno muli.

Yoane 13:33

Mwe yana yanono, nchili ndipo uche ponga nemwe, mulunsitai, ndi fino nanenile aYudea, ukuti: ‘Kuno nduya, mwemwi mutangi mukwise,’ ifino nemwe kwene namunena.

Yoane 3:29

Wino ali na nawinga ali siwinga; leelo chinsindi wi siwinga wino alwimilila nu kumpulika, aluchimbila nkani iswi li siwinga.

Mateo 26:31

Apano Yesu wayaneena, waati: Mwemwe mweeshi nene nanndeka muchituwe uushiku wu; kuno chaandikwe: Namuuma unchemi, nufyo wa fweele wansambaala.’

2 Kolinto 6:5

Numfyumo nu un-kunyepwa nu m-fitina na machulo, nu kuntalala nu kuntalya.

Yoane 12:8

Kuno apina yali ponga nemwe manda yoshi, leelo nemwi musi nene manda yoshi.”

Mateo 9:15

Yesu ayaneena, ati: “Yano yalalikwe uku wiinga, yangaloosha uli lino siwinga ali poonga nayo? Leelo amaanda yalwisa yano yalutisiwa siwiinga, apano yaluwushilisha.

Malko 2:19

Nawe Yesu wayanenile, waati: “Chene! Asindikile yangauzilisha na siwinga ali ponga nayo? Pano siwinga ali ponga nayo, yatangi yauzilizye.

Malko 2:21

Kusi untu akutela ichilaka cha mwenda umpya uku mwenda wa kali, ngalusuma; chichi chipya chino chatelwa chikulonona umwenda wa kali na pano palepuka pakulukula.

Luka 5:35

Leelo amanda yalwisa yano siwinga ataluwa ponga nayo; apano yaluiushilisha amanda yao.”