Malko 15:24 - UPANGANO UPYA

²⁴ Yamkonkomela apa nsalaba, yankanya ivizwalo vyaakwe, yachita ichimala-mpaka, kuti chila ntu atole chani.

Malko 15:24 Referans Kwoze

Luka 23:34

Nga Yesu avwanga, ati: “Tata, uyelele, kuno yatamanyile chino yaluchita.” Nga yachita ichimala mpaka, yankana ifiswalo fyaakwe.

1 Petlo 2:24

Unkola kwene wasesile amaifyo itu uku mwili waakwe apa nti, ukuti, ndi twawa yafwi uku maifyo, tuwe yapuma uku vya chumi; nu ku fyumo fyaakwe mwaposiwe.

Agalatia 3:13

Klisto watukulwile untipu ya Ntambi, kuno wachisilwe intipu uku nnandu witu. Kuno chaandikwe: “Watipwilwa untu wensi wino alukulikwa uku nti.”

2 Kolinto 5:21

Wino atamanyile iifyo, wamchisile iifyo uku nnandu witu, ukuti sweswe tuwe chumi chi Leesa muli wenewe.

Milimo 5:30

Leesa wi yatata itu watutulwile Yesu, wino mwemwe mwamumozile mwansamika uku chiti.

Milimo 2:23

Untu wi wafimilwe ndi fino Leesa wakasime nu kukumanya kwakwe fuma kali, nemwe mwamkonkomile apa nsalaba uku makasa ya antu yakulukuwa, mwamumola.