Malko 13:11 - UPANGANO UPYA

¹¹ Na pano yacha yamusenda nu kumusongelela, mutachelengula chino mwaulanda pao kwene, lyonsi lino mwacha mwanenwa lilandini, kuno asi mwemwe mululanda, leelo uMweso Nswefu.

Malko 13:11 Referans Kwoze

Milimo 6:10

Nga yatachili yapote amano nu Mweso uno wavwangaa nawe.

1 Petlo 1:12

Yaswelwilwa fino fisi kuli yao sile, leelo kuli mwemwe yaomfile ifintu fiyo, fino kasalaka filusundwa kuno muli na yano yalumusunda iswi-siipe uku Mweso Nswefu, wino watumilwe ukufuma umwiyulu. Ifintu fi na yamalaika kwene yalukumbuka ukuvilola.

1 Kolinto 2:13

Na tukuuvwanga, kusi ku maswi yano yalusambilishiwa na mano ya ntu, leelo yano yalusambilishiwa nu Mweso, angi tulusiula ifintu vyamweeso uku maswi yamweeso.

Yakobo 1:5

Leelo ndi umwi pali mwemwe waulwa mano, apepe kuli Leesa, wino akulupa antu yoshi uku wila, nanti kulandaula; nawe alupiwa.

Aefeso 3:5

amelengwe yao yatalangililwe antu ya kali, ndi fino imitume yaakwe aswefiwe yaswelwilwe ponga na malau apa manda ya, muli Mweso,

Milimo 4:31

Nga walangi yapepa Leesa, apantu pano yakonganile patentema; yoshi yazyula uMweso Nswefu, yavwanga iswi li Leesa uku chiposye.

Milimo 2:4

Yoshi yazyula uMweeso Nswefu, yatampa ukuvwanga uku mivwango minina, ndi fino Mweso Nswefu wayapile ukuvwanga.

Milimo 3:13

Leesa wi Ablahamu nu wi Isaka nu wi Yakobo, Leesa wi yatata itu, watakusha umuofi waakwe Yesu, wino mwamfimile mwemwe nu kumtaluka apa maaso yi Pilato, pano waputwile unnandu waakwe asapulwe.

Yoane 3:27

Yoane wayanena, waati: “Untu atangi apokelele chimwi, siko ndi wapiwa ukufuma umwiyulu.

Malko 13:9

“Nemwe chenjelini; kuno yalumutwala apa yakombe nu um-mang'anda yi Leesa yalumuma, nemwe mulutwalwa pali yano yamulâsile na yene ukwizina lyane, ukuwu syuta kuno yali.

Mateo 10:17

“Muchenjele unjaantu, kuno yalumutwaala um-mateengo, num-mang'anda yao iyi Leesa, yalumuuma.

Milimo 7:55

Leelo wene azyula Mweso Nswefu, asimpa amaso yaakwe umwiyulu, alola ukulu wi Leesa, na Yesu angi awimilile ukwikasa lya kwilunji li Leesa.

Milimo 6:15

Antu yoshi yano yateshi umwitengo liyo yankundwila maaso, yalola usyu waakwe ungati usyu wi malaika.

Malko 13:12

Nuntu alusongelela unnina, kuti yamumole, na isi alusongelela umwana, na ana yalukatukila avyazi yao nu kuyumola.

Luka 21:12

Leelo pano fichili filoleke ifintu fiyo, yalumulema nu kumusunya, yalumutwala un-ng'anda shi Leesa nu kumutwala uku minyololo; mulutwalwa apa ene na pa alâsi ukwishina lyane.