Malko 10:24 - UPANGANO UPYA

²⁴ Alondeshi yazunguka uku maswi yaakwe. Yesu ayanena kaili, ati: “Yanane, fino chatala ukwingila um-wene-wi-Leesa.

Malko 10:24 Referans Kwoze

Uswelulo 3:17

Kuno uluti: Nene nsavi, nausavya nga ntaulilwe chimwi. Newe utamanyile fino wewe nnanda, we wa kukumbukilwa, nupina, nupofu, uli tupu,

1 Timoteo 6:17

Asafi ya kuno kunshi kwa kasalaka, uyasunde yatachiuwanza, nanti yatachiutaila usavi uno ukusila zuwa, leelo yataile Leesa wino akutupa ifintu fyonshi uku winji, ukuti tuviombele uku kuchimba.

Luka 16:14

Nga aFaliseo yano yakunda impia, pano yapulika ifintu fiyo, yamsoweka.

1 Yoane 2:1

Yanane yanono, ndumwandikila ifintu fi, kuti mutachita amaifyo. Ngu ntu wachita iifyo, tuli nu Mwazwilizi pali Tata, Yesu Klisto uwa chumi.

Yoane 13:33

Mwe yana yanono, nchili ndipo uche ponga nemwe, mulunsitai, ndi fino nanenile aYudea, ukuti: ‘Kuno nduya, mwemwi mutangi mukwise,’ ifino nemwe kwene namunena.

1 Yoane 5:21

Yana yanono, chenjelini mutapepa imyao.

1 Yoane 4:4

Mwe yana yanono, mwafumile kuli Leesa, nemwe mwayapota; kuno wino ali muno muli unkulu alusile wino ali un-nsi.

Agalatia 4:19

Yanane yanono, indi umu-umbusa kaili, fika na lino Klisto aloleke muno muli.

Yoane 21:5

Nga Yesu wayanena, waati: “Yanane, muli ni nyenyi?” Yaati “Awe!”

Yoane 6:60

Nga antu tupu apa yalondeshi yaakwe pano yapulika, yalanda, yaati: “Iswi li lyakoma, uwini wino angalipulika?”

Mateo 19:25

Alondeshi pano yapulika, yasunguka nkaani, yalaanda yaati: “Uwini fwaandi, wino alufyuuka?”

Malko 1:27

Yasungwike yooshi nu kutondoshana, ukuti: “Ichani chi? Amasambilisho mapya kuno uku maka! Aluchensela imyenso ya chiwa, nayo impulika.”

Malko 10:23

Yesu alola konsi konsi, annena alondeshi yaakwe, ati: “Vino chilutala asavi ukwingila um-wene-wi-Leesa.”