Luka 5:8 - UPANGANO UPYA

⁸ Simoni Petlo pano walola ifintu fiyo, wapona pa mulu yi Yesu, wati: “Tina kunondi, kuno nene nentu wa maifyo, Mwene.”

Luka 5:8 Referans Kwoze

Uswelulo 1:17

Nene pano nannola, naponile pa mulu yaakwe wa ntu wino atafwa; wawika ikasa lyaakwe itya kwilunji pali nene, ati: “Utachopa; nene wa ntangulo nu kumalila.

Mateo 17:6

Nga alondeshi yao, pano yapulika, yaponile apaasi, yoopa nkaani.

Yoane 11:32

Nga pano Malia wafika pano Yesu ali, pano wannola, Wapona pa mulu yaakwe, wannena, waati: “Mwene, ngangi walipo pa ngali kalume wane atafwile.”

Mateo 8:8

Unkulu wa asalifi wiyo wannena, waati: “Mweene, ntaine kuti weewe ungiza uku ng'anda ukwaane, leelo laanda iswii lyoonga sile, nu momfi waane wampola.

Mateo 2:11

Yingila un-ng'anda, yalola umwaana poonga na Malia nyina, yapona yamfukamila. Nayo pano yasapula ififuunda fyao, yampa ifilongelelwa fyaao: Saabu, Ubani na Mane-mane.

1 Kolinto 13:12

Kuno kasalaka tululola ichiyeye un-chilole, leelo amakati ya chisila tululola na maaso ningo. Apa kasalaka manyile uche, wene lili ndumanyikisya nkani, ndi fino nene manyike nkani.

Luka 5:7

Yakapilisha anina yano yali um-wato wa uwili, yise ukuyaswa. Nayo yisa, yasusha mato yoshi yaili, yashita nu kutuwila.

Luka 5:9

Kuno wazungwike ponga na yoshi yano yali ponga nawe, ku wingi wa inswi shino yalemile.