Luka 11:2 - UPANGANO UPYA

² Nga wayanena, wati: “Pano mulupepa, muti: ‘Tata witu ishina lyako liswepe; uwene wako wise; (fino ukasi viombeke pano apansi ndi fino umwiyulu).

Luka 11:2 Referans Kwoze

Uswelulo 15:4

Uwini wino atalukopa nanti ukulumbanya izina lyako? Kuno wewe wenga uli Nswepe. Kuno antu yoshi yalwiza panuli nu kukufukamila, kuno imilimo yako iya chumi yamanyika.”

Uswelulo 20:4

Apano nalola ivisumbi-vya-ukulu, kwali na antu yano yavikalile, nayo yapiwe amaka ya kuputula imilandu. Nene nalola imyenzo yi yano yaputwilwe imitwe uku nnandu wa usyuta wi Yesu, nu ku nnandu wiswi li Leesa, na yano yatafukamile inkala nanti ichilui chakwe, yano yatatana yapokelela akamanyililo kalye apa mpuma zyao, nanti uku makasa yao; nayo yawa apuma, yalâsa ponga na Klisto imyaka imyanda ikumi.

1 Tesalonike 1:3

Twelengula manda yoshi imilimo ino iya kusumila, na machulo yino aya lukundo, nu nte wino uwa utailo, uno uli um-Mwene witu Yesu Klisto, apa maaso yi Leesa Tata witu.

Afilipi 4:20

Li kwene atensiwe Leesa, Tata witu, manda ti na ti. Chiwe fiyo kwene!

Afilipi 1:2

Inkumbu ziwe kuno muli nu welezyo fino vilufuma kuli Leesa Tata witu, nu ku Mwene Yesu Klisto.

Aefeso 1:2

Inkumbu siwe kuno muli nu welezyo fino vilufuma kuli Leesa Tata witu nu ku Mwene Yesu Klisto.

2 Kolinto 1:2

Inkumbu siwe kuno muli nu welesho, fino fifumile kuli Leesa, Tata witu, nu ku Mwene witu Yesu Klisto.

1 Kolinto 1:3

Inkumbu siwe kuno muli nutekano, zino zifumile kuli Leesa Tata witu nu ku Mwene Yesu Klisto.

Uswelulo 19:6

Nga napulika iswi, wiswi kulu ilya maumba makulu, na wiswi lya manzi tupu, na wiswi lya nunkumo wa maka, angi liluti; “Aleluya! Kuno Mwene, Leesa witu, uwa Maka-yonsi watalâsa.

Uswelulo 11:15

Apano malaika wa saba uma ipenga. Kwawa maswi makulu umwiyulu, angi yaluti: “Uwene wansi iuwa uwene wa Mwene witu na Klisto wakwe, uwino wannâsa manda ti na ti.”

1 Tesalonike 1:1

Paulo na Silvano na Timoteo ukwi kanisa ilya ku Tesalonike, lino lili muli Leesa Tata num-Mwene witu Yesu Klisto. Inkumbu nu welesho viwe nemwe.

2 Tesalonike 2:16

Nu Mwene witu Yesu Klisto unkola, na Leesa Tata witu, wino watukunda nu kututeka imyeso manda ti nutailo nsipe uku nkumbu,

Akolosai 1:2

uku aswefiwa, achitu yano yazumila muli Klisto, yano yali uku Kolosai. Inkumbu ziwe kuno muli nu welezyo fino vifumile kuli Leesa Tata witu.

Aloma 8:15

Kuno mutapokelile umweso-wa-usha, uno uku-leta kaili ngofi; leelo mwapokelile uMweso wa kuchitwa ana, kuli weneo tulwita: Aba, kuli kuti: Tata.

Mateo 10:32

Ichino untu weeshi uwacha wantaka apa yaantu, neene nduntaka apa maaso yi Taata uwa mwiyulu.

Mateo 5:16

Ifino nu mwengelela wino kweene uswefezye aantu, yalole imilimo yino imisiifu, yalumbaanye So wino wa mwiyulu.

Mateo 3:2

“Fipelini, kuno uweene-wamwiyulu uwupalamila.”

Agalatia 1:4

Wino waufimile upuma waakwe uku nnandu wa maifyo itu, ukuti atukulule unsi ii njiipe ino ilipo kasalaka, ndi fino wakasime Leesa Tata witu.

Aloma 1:7

Kuli yoshi yano yali uku Loma, akundikwe na Leesa, yano yisilwe ukuwa aswepe ya mweso: Inkumbu siwe nemwe nu welesho ukufuma kuli Leesa Tata witu nu ku Mwene Yesu Klisto.

Luka 11:1

Walangi lino wali pamwi alupepa, lino wata, wenga apa alondeshi yaakwe annena, yati: “Mwene, utusambilishe ukupepa, ndi fino Yoane wasambilisha alondeshi yaakwe.”