Afilipi 1:7 - UPANGANO UPYA

⁷ Fiyo kwene ndi fino chindungime nene ukwelengula ala-vi pali mwemwe mwensi, kuno mwemwe muli um-mweso wane; kuno un-kunyepwa kwane ni milimo ya kuliwalila iswi-zipe nu kulikomya, nemwe mwensi muminkana nene un-nkumbu zi.

Afilipi 1:7 Referans Kwoze

2 Kolinto 7:3

Ntalufwanga iswi li kuti immuputwile mwemwe; kuno natangwile ukumunena fino mwemwe muli um-myeso itu, nanti ukufwa ichaponga nanti ukwikala um-upuma ichaponga.

Afilipi 1:5

Uku nnandu wa wuminkano wino uku kulimvya iswi-zipe, ukufuma uwanda wa ntangulo kufika nilelo.

2 Timoteo 2:9

Nene kuli lyenelyo nachuziwa nu kunyepwa wa ntu njipe. Leelo iswi lyi Leesa lisunyepwa.

Akolosai 4:18

Nene Paulo ndumulaula ukwikasa lyane nenkola. Mutalatila ukunyepwa kwane. Inkumbu siwe ponga nemwe.

Afilipi 4:14

Leelo mwachisile ningo, pano muminkine nene um-machulo yane.

Aefeso 6:20

Ichino kuli lyenelyo nene ntumi um-nyololo; imbwe ni chiposye muli lye nelyo ukuvwanga fino chinjile.

Aefeso 3:1

Ichino nemwi ne Paulo ne nyepwa wi Klisto Yesu uku nnandu wino mwe yakulukuwa.

Milimo 20:23

Leelo uMweso Nswefu alungimikila chila nzi fino ukunyepwa na machulo vilundolela.

1 Yoane 3:14

Swemwi tumanyile fino twapita ukufuma kunfwa, twingila um-upuma, kuno twakunda achitu. Wino atakunda achakwe, atenzi un-nfwa.

2 Petlo 1:13

Nene ndulola fino chasipa lino ndipo un-nsaka ii ya mwili, ukumulansha uku kumwelengusha,

1 Petlo 4:13

Leelo ndi fino muminkine um-machulo yi Klisto, chimbai, ukuti apa kusweluka kwa ukulu waakwe muchimbe uku nsânsa.

Aeblania 3:1

Ichino yachane yaswefiwa, yano mwisilwe kufuma mwiyulu wi sweswe kwene, mulolekesye nkani Untume na Kapela-nkulu wa usumilo witu, ali Yesu.

2 Timoteo 1:8

Ichino utalolela insoni usyuta wa Mwene witu, nanti kuli nene ne nnyepwa wakwe, leelo uteke umweso um-machulo ponga nene ukwiswi-zipe, ukuyana na maka yi Leesa,

1 Tesalonike 5:5

Kuno mwensi mwawa yana ya mwengelela, ayana ya nsanya. Swemwi tusi ya usiku, nanti aya chanda.

Akolosai 4:3

Angi mulutulombela neswe kwene, ukuti Leesa atuyulile unnyango kwiswi lyaakwe, tulande amelengwe yi Klisto, yano nanyepelwa-ko.

Aefeso 4:1

Ichino ndumupapata, nemwi ne nnyepwa um-Mwene, imiele ino iwe ndi fino mwisilwe.

Agalatia 5:6

Kuno muli Klisto Yesu ukuchitwa ichibalu kutaile chimwi, nanti ukuntachitwa ichibalu, leelo Usumilo uno uluomba uku lukundo.

2 Kolinto 3:2

Mwemwe muli mbaluwa itu, ino yaandikwe um-myeso itu, imanyika nu kusomwa na antu yoshi.

1 Kolinto 13:7

Lukumyalazya muli vyonsi, lukuluzumila vyonsi, lukulutaila vyonsi, lukuteka umweso muli, vyonsi.

1 Kolinto 9:23

Nene nduomba ifintu vi vyonsi uku nnandu wiswi-zipe, ukuti tuminkane ponga.

Milimo 21:33

Apano Unkulu-wa-asalifi apalamila, annema, alanda kuti anyepwe ni minyololo yili, atondosya, ati: “Uwini wi? Nga watachita chani?”

1 Petlo 5:1

Ndukonkomesha ayikolo yano yali kuno muli, nene ne wikolo nachao na shuta wa machulo yi Klisto, nu muminkani kwene uwa ukulu uno uluswelulwa:

Afilipi 1:12

Leelo yachane, ndusita mumanye, fino ifintu vyonsi fino vyanzana, vyaombike uku kulimvya iswi-zipe.

Afilipi 1:13

Kuno apa Mboma ponsi nu ku yanji kwene ukunyepwa kwane kumanyike, fino nyefilwe uku nnandu wi Klisto.

Afilipi 1:14

Na achane tupu yano yali um-Mwene, pano yasimpa imyenzo yao apa nnandu wa kunyepwa kwane, yalusya nkani kulanda iswi lya Mwene nanti ngofi.

Afilipi 2:22

Leelo mumanyile kutailwa kwakwe, fino waomba ponga nene uku nnandu wiswi-zipe ndi fino mwana nisi.

Afilipi 4:3

Endita, ndupapata newe kwene, wachane wa kutailwa, uyazwe anachi yao; kuno yalwilile ponga nene umwiswi-zipe na Klementi kwene, na yalye anji yano yaomvile unnimo ponga nene, yano amazina yao yali un-chitabu cha upuma.

Afilipi 4:15

Nemwe kwene, mwe yakola mumanyile, mwe yaFilipi, fino apa ntangulo yiswi-zipe, pano nafumile uku Masedonia, kutali ikongani limwi, lino lyuminkine nene um-maswi ya aya kufima nu kupokela, siku mwemwe sile.

Filemoni 1:13

Wino nemwi nakasime inneme awikale kunondi, kuti angaswilizye, pano usipo, un-kunyepwa kwane kwiswi-sipe.