Aefeso 4:3 - UPANGANO UPYA

³ Mulemasha ukusunga uuminkano wa Mweso un-chinyepelo cha uwelesho.

Aefeso 4:3 Referans Kwoze

1 Kolinto 1:10

Ichino ndumusunda yachane, ukwishina lya Mwene witu Yesu Klisto, ukuti mwensi muvwange ichili chonga, kutachiwa ukutana; leelo kuti muwe ichilichonga numweeso onga.

Aeblania 12:14

Musite ukunte ukuweleshanya na antu yoshi, nu uswefu uo, uno kusi untu wino angalola Mwene ngasi nao.

Yoane 13:34

“Ichilangaso chipya namupa: mukundane; ndi fino namukunda mwemwe, nemwe kwene ifino mukundane.

2 Kolinto 13:11

Apa kumalila, yachane, chimbini, muyane, musundane, muwe nu mweso onga, muweleshane; na Leesa wa lukundo nu kuweleshana aluwa ponga nemwe.

1 Tesalonike 5:13

Muyachindike nkani uku lukundo uku nnandu wa milimo yao. Muweleshanye mwe akola na akola.

Aefeso 4:4

uMwili onga nu Mweso wenga, ndi fino mwisilwe um-utailo onga uwa lwito lwino.

Aefeso 4:13

Fika na lino neswe twacha twafikilila uuminkano wa usumilo nu kummanyikisya nkani uMwana wi Leesa, fika nu kuwa ntu wino aile, nu kufikilila uku ukulu wa chimo cha kuzyula kwi Klisto,

Malko 3:24

Nga ndu wene waipalunkanya wonga, uwene ungashala wimilile?