23 muchitwe upya um-melenguzi ya myenzo ino.
Leelo mutachiukolanya ni miele ya kuno kunzi, leelo musenuke muwe ya melenguzi mapya, kuti mumanyikisye ningo fino Leesa akasi, vizipe ni vya kunzipila nu kuyana.
Kuno ukwelengula ivya mwili kukuleta infwa, leelo ukwelengula ivya Mweso kukuleta upuma nutekano.
Mwazwala uuntu-upya, uno uluchitwa upya, kuti mumanyikisye ningo ukukolana kwakwe wino wamuumvile.
Ichino mswale sileme um-myeso ino, mutekane nu kutaila ningo nkumbu sino mululetelwa uku kusweluka kwi Yesu Klisto.
Nanti usu ku milimo ya chumi, yino twaombanga sweswe, leelo uku kukumbukilwa, uku kufulwa kwa kuvyalwa ilya uwili nu kuchitwa upya nu Mweso Nswefu,
Kuno swe milimo yaakwe, twaumvilwe muli Klisto Yesu, tuombe imilimo mizipe, yino fuma kali Leesa waiteinye, kuti tulondele mwenemo.
Ichino twazyisilwe ponga nawe uku nzila ya lubatizyo un-nfwa yaakwe, ukuti ndi fino Klisto watutulwike uku yafwi uku ukulu wi Tata, ifino neswe kwene tupite um-upuma upya.
