Aefeso 4:14 - UPANGANO UPYA

¹⁴ kuti tutawa ana acheche kaili nu kusumbwa kuo na kuo, nu kusendwa nunza wonsi uwa masambilizyo ya antu, yano yalusenoka-senoka, uku uchenjezu wao, nu kulondela inzila zya mazosyo.

Aefeso 4:14 Referans Kwoze

Aeblania 13:9

Mutachikweswa na masambilisho ya misango yinji, iya eni; kuno chisifile umweso ukomiwe uku nkumbu, leelo asi ku fyakulya; yao yano yafilondile yatachili yapate chimwi.

1 Kolinto 14:20

Yachane, mutawa na mano ya chanche, leelo uku viipe muwe wa anche; leelo muwe yikolo uku mano.

1 Yoane 4:1

Yakundikwa, mutazumila imyenzo yoshi, leelo mwezye imyenzo iyo, ngifumile kuli Leesa; kuno yakalauzya ainji aya ufi yatunka kuno ukunzi.

2 Kolinto 2:17

Kuno swemwi tusi wa inji yano yakuluchulusha iswi lyi Leesa, leelo uku uswepe wa mweso ndi fino ukufuma kuli Leesa, apa maaso yi Leesa, tuluvwanga muli Klisto.

Yakobo 1:6

Leelo alombe uku usumilo nanti kusisita, kuno wino alusisita, akoline niwimbi lya muli yemba, lino lisensilwe nunsa, nu kutenkelwa eku na kuo.

Aefeso 6:11

Zwalini ivyanzo vyonsi ivyi Leesa, ukuti muwe na maka nu kupota imityo yoshi iyi Shetani.

Mateo 24:24

Kuno yalukatuka yaklisto-ya-ufi na malau yaufi, nayo yaluchita ifilangisho ifikulu ni ifintu fya kuzunguka, ukuti yamulovye na asolole kwene ndi chawela.

2 Timoteo 4:3

Kuno kulwiza amakati yano yalukana masambilizyo ya upuma. Nga yaluusitila yakasambilizya tupu kuyana fino yakunda, yano yalusambilizya ifintu fino viluya um-makutwi yao.

Yuda 1:12

Antu ya yali mala maipe um-fimulo fino ifya lukundo, pano yalulya ponga nemwe, angi yalulya nanti nchisi yali wa amapufi yano yasi na masi, nayo yalusendwa nusa; yali wa fiti fino fitakuseka pa makati yaakwe; fino fyafwilikanya nu kukumpulwa.

Uswelulo 19:20

Inkala iyo yalemwa ponga na kalauzya wilye uwa ufi, wilye wino wachisile ivilangizyo vilye apa maaso yaakwe, fino kuli wenewe wazosya antu yalye, yano kuli wenewe yapokelile akamanyililo ka nkala iyo, na yano yafukamile ichilui chakwe. Yao yaili yasumbwa yachili apuma muli yemba wa moto, wino alwaka uku sanku.

Agalatia 3:1

Mwee! Yagalatia yano mutakwite amano; uwini wino wamuvina, mwe yano Yesu Klisto wawisilwe apatiswe apa maaso ino, fino wakonkomilwe?

Mateo 24:11

Na malau tupu aya ufi yaluloleka nu kusosha ainji.

1 Yoane 2:26

Namwandikila ifintu fi uku unndandu wa yantu yano yalusita ukumulofya.

2 Timoteo 3:13

Leelo antu yaipe aya mazosyo yaluwapo nu kuipisya, angi yalulovya nu kulowana.

2 Kolinto 4:2

Leelo twati tukana ifintu fyoshi fya nsoni ififisime, kuno tutalupita um-uchenjesu nanti ukuminkanya iswi li Leesa nufi, leelo fino tululanda ivya chumi apatiswe, myeso ya antu yoshi yamanye, fino tuli apa maaso yi Leesa.

Mateo 11:7

Nga pano yao yapita, Yesu ataampa ukuneena amaumba ifiintu fya pali Yoane, ati: “Mwayiile uku nyika ukuyulola chaani? Isote lilutelengana nunsa?

1 Kolinto 12:2

Mumanyile fino lino mwali yantu yakulukuwa, mwapulwilwe ukulondela ivilui fino visuvwanga, ndi fino mwakolelilwe.

Milimo 23:21

Ichino wemwi utachi yazumila, kuno antu kuluta amakumi yani iyamtekamila, iyalapila yatachilya nanti ukunwa fika na lino yacha yamumola; li kwene iyateyanya yalulolela, kuti wewe uyazumile.”

1 Yoane 2:19

Yafumile kuno tuli, leelo yatali aya kumwitu. Kuno ngi yali yawe aya kumwitu, yali yikalane ponga neswe. Leelo yafumile, kuti yasweluliwe fino yoshi yasi ya kumwitu.

2 Petlo 2:18

Kuno yakuluvwanga amaswi ya chiwele-wele aya chilumba, yakulusosha antu un-tama sha mwili nu ku unyamfi, antu yano yachitampa ukuituka yano yali un-kulowa kwao.

Yakobo 3:4

Kaili mulole ni meli kwene, nanti fino yakula nkani wa chani nu kusendwa nunza unkomu, ikusenulwa ni chipisizyo chinono nkani, konsi konsi kuno kapisya akasime ukuya.

1 Timoteo 3:6

Atachiwa untu wino wachifyusiwa pipi kwene, atiza mbutensya nu kuponela um-uputushi wi Chiwa.

2 Timoteo 1:15

Umanyile ichintu chi, fino yoshi ya mu Asia yantalwike, pali yeneyo pali Figelo na Elmogene.

1 Kolinto 3:19

Kuno amano ya nsi yi apa manso yi Leesa uwele-wele. Kuno chaandikwe: “Wene uwino akululema aya mano uku uchenjezu wa mana yao.”