Aefeso 3:19 - UPANGANO UPYA

¹⁹ nu kumanya ulukundo lwi Klisto, luno lutangi lumanyike uku kuvulizya kwakwe, kuti muzyule uku kuzyula konsi ukwi Leesa.

Aefeso 3:19 Referans Kwoze

Aefeso 1:23

lino uli mwili wakwe, ukuyana kwakwe wino wayanya vyonsi muli fyonsi.

Akolosai 1:10

mupitae ndi fino chimuile uku Mwene, munzipile nkani, musêke ivisêke uku nnimo onsi unzipe, mulusye nkani ukumanyikisya kuli Leesa.

2 Kolinto 5:14

Kuno ulukundo lwi Klisto lulutusunkilisha, kimo twaputula fi ukuti, wenga wafwilile yoshi. Ichino yafwile Yoshi.

Yoane 1:16

Kuno uku winji wa nkumbu shaakwe, sweswe swensi twapokelile inkumbu apa nkumbu.

Afilipi 4:7

Nu welesho wi Leesa uno ulusile amano yoshi, ulusunga imyenso yino na melengusi ino muli Klisto Yesu.

Agalatia 2:20

Nakonkomilwe ponga na Klisto, leelo nene mpuma, leelo asi nene kaili, leelo Klisto umpuma muli nene; nu upuma uno ndi nao li kwene um-mwili, ndi nao umusumilo wa Mwana wi Leesa, wino wankunda, waufima upuma wakwe uku nnandu wane.

Aefeso 5:2

mupitae undukundo, ndi fino Klisto nawe wamukunda mwemwe, na kaili waufimile uku nnandu witu ukuwa uwila ni chipelo kuli Leesa, ukuwa ununkilo wa manukato.

Aefeso 3:18

ukuti mumanye ponga na swefiwa yoshi, fino usalazu uli nutali ni chimo nu kuzika,

2 Petlo 3:18

Leelo mukule unnkumbu nu kummanya uMwene witu na Katula Yesu Klisto. Ukulu uli nawe, kasalaka na manda ti.

Yoane 17:3

Nupuma wa manda yoshi uli u, yakumanye we Leesa wenga uwa chumi na Yesu Klisto wino watumile.

Mateo 5:6

“Inkata yao a ansala nu unsala uku chumi, kuno weene yalwikuta.

Aefeso 5:25

Mwe yoshi, mukunde achi ino, fino na Klisto nawe wakunda ikongani nu kuufima uku nnandu wi lyenelyo

Afilipi 1:7

Fiyo kwene ndi fino chindungime nene ukwelengula ala-vi pali mwemwe mwensi, kuno mwemwe muli um-mweso wane; kuno un-kunyepwa kwane ni milimo ya kuliwalila iswi-zipe nu kulikomya, nemwe mwensi muminkana nene un-nkumbu zi.

Aloma 8:35

Uwini wino alutupalula undukundo lwi Klisto? Chene! Amalanda nanti ukuulilwa, nanti amachulo nanti insala, nanti ukuswalupa, nanti kusanswa, nanti lungawa lupanga.

Aloma 8:39

nanti fino fili umwiyulu, nanti fino vili apansi, nanti chi-lengwa chimwi chonsi, chitangi chitupalushe nu lukundo lwi Leesa, luno luli muli Klisto Yesu Mwene witu.

1 Petlo 1:8

Wino mwakunda nanti fino mutachili munnole; wino, nanti fino mutalunnola li kwene, mumsumile, nu kuchimba nkani uku kuchimba kukulu kuno kutangi kulandikwe.