Aefeso 2:18 - UPANGANO UPYA

¹⁸ Kuno swensi twawa ni nzila kuli Wenewe iya kupalamila kuli Tata, muli Mweso wenga.

Aefeso 2:18 Referans Kwoze

Aefeso 3:12

Muli wenewe tuli ni chiposye na maka ya kupalamila um-utailo uku nsila ya kuzumila.

1 Kolinto 12:13

Kuno muli Mweso wenga, swensi kwene twabatiziwe ukuwa umwili onga, ngi swe aYudea nanti swe aGliki, ngi swe yazya nanti swe yakauwele; swensi twanwesiwa uMweeso wenga.

Aloma 5:2

Muli wiyo twapiwa ukwingila ku nzila ya usumilo, uku nkumbu zi zino twimilile mwenemo, nu kuchimba um-utailo wa ukulu wi Leesa.

Aefeso 4:4

uMwili onga nu Mweso wenga, ndi fino mwisilwe um-utailo onga uwa lwito lwino.

Yoane 14:6

Yesu wannena, waati: “Nene ndi nsila, ni chumi, nu upuma; untu atalwisa kuli Tata, ngi atapitile kuli nene.

Yoane 10:9

Nene ndi unnyango; untu ndi wingilila kuli nene, alufyuka. Alwingila nu kufuma, nawe alupiwa ni fyakulya.

Yoane 10:7

Nga Yesu wayanenile kaili, waati. “Umwenemo, umwenemo, ndumunena: nene ndi unnyango wa nfwele.

Akolosai 1:12

angi mulusamalizya Tata, wino wamuyanya ukupokelela upyani uwa aswefiwa um-mwengelela.

Agalatia 4:6

Na kuno mwemwe mwawa yana, Leesa watumile Mweso wa Mwanakwe um-myeso itu, wino alulila, ati: “Aba;” alikuti: “Tata,”

Aloma 8:15

Kuno mutapokelile umweso-wa-usha, uno uku-leta kaili ngofi; leelo mwapokelile uMweso wa kuchitwa ana, kuli weneo tulwita: Aba, kuli kuti: Tata.

1 Petlo 3:18

Kuno na Klisto kwene wachusile lyonga uku nnandu wa maifyo, uWa-chumi uku nnandu wa yantu yasi ya chumi, ukuti atutwale kuli Leesa; umolwa uku mwili, leelo uku Mweso wapiwe upuma.

Aefeso 6:18

Uku mapepo yoshi nu kupapata muwe nunte wa kupepa muli Mweso, nu kuchesya uku chintu chiyo nu kukonka um-kupepela aswefiwa yoshi.

1 Kolinto 8:6

leelo swemwi kuno tuli Leesa ali wenga mpela, nawe i Tata, wino ifintu vyonsi vyafumile kunali, neswe tutenzi kuli wenewe, kaili kuli nu Mwene wenga, Yesu Klisto, wino ifintu vyonsi vyaombike kuli wenewe, neswe kuli wenewe.

Aeblania 7:19

Kuno Masunde yalye yatalesile ifya mpomvu, Leelo kasalaka tuli ni nsila ya utailo uno wasipa nkani, uno kuli weneo tulupalamila Leesa.

Aefeso 3:14

Ichino ndufukamila Tata,

Yuda 1:20

Leelo mwemwi yakundikwa, muukule apa usumilo wino uno waswepesha, nu kupepa muli Mweso Nswefu,

1 Petlo 1:21

yano kuli wenewe mwawa yakusumila Leesa, wino wamtutulwile uku yafwi, ampa ukulu, kuti usumilo wino nutailo wino uwe kuli Leesa.

1 Petlo 1:17

Ngangi mulumwita we Tata, wino akuputula imilandu ya antu nanti usolosi, ukuyana nu nnimo wi chila wenga, muwe ni chopo apa manda ino ayakwikala kuno wa yeni.

Mateo 28:19

Ichino yangini mukachite antu yooshi ukuwa alondeshi yaane, muyabatishe ukwiishiina li Taata ni lya Mwaana ni lya Mweeso Nsweefu.

Yakobo 3:9

Kuli lwenelo tukulupepa Leesa Tata witu, na kuli lwenelo tukuluyaatipa antu yano yaumvilwe uku kukolana na Leesa.