Aefeso 2:15 - UPANGANO UPYA

¹⁵ Nawe pano waatisya uluembu luo uku mwili wakwe, uli ntambi ya masunde matumilizye, ukuti achite yao yaili yawe untu mpya wenga, ayawelezya.

Aefeso 2:15 Referans Kwoze

Akolosai 2:14

Pano wazimya ichimanyisyo chilye, chino chaandikwa amaswi ya kutusongelela uku uputuzi waakwe uwa milandu, chino chali uanisi kuli sweswe; wachitisya chitachiloleka kaili, wachikonkomela apa nsalaba.

Agalatia 3:10

Kuno yalye yoshi yano yikalile Masunde, yali unntipu, kuno chaandikwe: “Watipwilwa untu wensi wino atakonkowizye muli vyonsi fino vyandikwe un-chitabu cha Ntambi, aviombe.”

Aeblania 8:13

Apa kutaka ukuti: Upangano upya, wauchisile ulye uwa ntangulo ukulupe; leelo ichintu chino chatalika ukukulupa nti kukota, chili upipi nu kusila.

Akolosai 3:10

Mwazwala uuntu-upya, uno uluchitwa upya, kuti mumanyikisye ningo ukukolana kwakwe wino wamuumvile.

Akolosai 2:20

Ichino ngi mwafwa ponga na Klisto, mwakululwa kufuma ku maka ya ulâsi wa viwa kuno ukunzi, uku chani kaili ukuwingizya un-vilangaso ungati muchili ya kuno ukinzi:

Agalatia 6:15

Kuno ukuchitwa ichibalu chisi chimwi, nanti kuntachitwa ichibalu chisi chimwi, leelo kuwa chilengwa chipya.

Agalatia 3:28

Kusi mYudea, nanti mGliki. Kusi unzya nanti kauwele. Kusi untu umonsi nanti untu umwanachi. Kuno mwemwi mwensi muminkana muli Klisto Yesu.

Aefeso 4:16

Muli wenewe umwili wonsi ulimbikana nu kulemana ukukwazwana kwa vyai vyonsi, ukuyana nu kuomba kwa chila chai chonga chonga vikulukuzya umwili undukundo.

2 Kolinto 5:17

Ichino ngu ntu umwi ali muli Klisto, wawa ichilengwa chipya: ifya kali fyoshi fyasila; lola fyoshi fyawa ifipya.

Aeblania 7:16

wino asi kapela uku ntambi yisimde lya mwili, leelo uku maka ya upuma imo ususila.

Aeblania 9:23

Ichino chaile ukolanyo wa ifintu fya mwiyulu vifulwe kuli weneo; leelo ifintu fya mwiyulu ifikola fifulwe ni vipelo fino fyasipa ukuluta fiyo.

Aefeso 2:10

Kuno swe milimo yaakwe, twaumvilwe muli Klisto Yesu, tuombe imilimo mizipe, yino fuma kali Leesa waiteinye, kuti tulondele mwenemo.

Aefeso 2:14

Kuno wene ali Uwelezyo witu, wino watuchisile swensi yano twali yaili, ukuwa untu wenga: apomola ichiumba cha pakasi chino chatutanya.

Aefeso 2:16

Ayapulikanya yoshi yaili na Leesa um-mwili onga, uku nzila ya nsalaba, pano umola uluembu luo uku nsalaba uo.

Akolosai 3:11

Penepo kusi icha mGliki nanti mYudea, ukuchitwa-ichibalu nanti kusi-kuchitwa-ichibalu, umweni nanti umwila, unzya nanti umwana-wa-ng'anda; leelo Klisto ali wensi muli vyonsi.

Akolosai 3:15

Nutekezyo wi Klisto wangalile imyenzo ino, uno mwitilwe uku mwili onga; na kaili muwe yantu ya nsamalizyo.