Aefeso 1:4 - UPANGANO UPYA

⁴ Ndi fino watusolwile muli Wenewe intangulo ya kulengwa kwa nsi, ukuti tuwe yaswepe, antu yano yasi ni ndema apa maaso yaakwe undukundo.

Aefeso 1:4 Referans Kwoze

2 Timoteo 1:9

wino watufyusizye, watwita umwito nswepe, asi ku milimo yitu sweswe, leelo ukuyana na fino akasi unkola, uku nkumbu zyaakwe. Inkumbu ziyo twapilwe muli Klisto Yesu ukufuma kali kali.

Aefeso 2:10

Kuno swe milimo yaakwe, twaumvilwe muli Klisto Yesu, tuombe imilimo mizipe, yino fuma kali Leesa waiteinye, kuti tulondele mwenemo.

Mateo 25:34

Apano uMwene aluneena yaalye yano yali ukwikasa lyaakwe ilya kwilunji: ‘Nguni, yano mwapepelelwa na Taata, pyanini uweene uno mwawikilwe kali ukufuma ukulengwa kwaasi.

Yakobo 2:5

Yachane yakundikwa, pulikisyini. Chene! Leesa atasolwile apina ya nsi i, yawe asavi ya usumilo na ya upyani wa wene uno wayalainye kuli yano yamkunda?

1 Petlo 2:9

Leelo mwemwi mwe luko lusolole, ukapela wa wene, antu yaswepe, antu ya wene wi Leesa; kuti mume imbila ya milimo ikulu yaakwe, wino wamwisile kuti mufume un-chanda, mukingile um-mwengelela waakwe uwa kusunguka.

Uswelulo 13:8

Na antu yoshi akuno kunzi yalumfukamila, untu wensi wino izina lyaakwe litaandikwe un-chitabu icha upuma icha Mwana-nfwele, wino wafyuzilwe, fuma ukuwikwa chiimbili cha nsi.

Yoane 15:16

Asi mwemwe mwansolwile, leelo inene namusolwile mwemwe, nene namuwika muye mukasêke ifisêke, ni fisêke fino fikale, ukuti chonsi chino mwalomba Tata ukwisina lyane, amupe.

1 Petlo 1:2

kuyana nu kumanya inkolelo kwi Leesa Tata, nu kuswefiwa nu Mweso, kuti muchindike nu kukontolelwa uwasi wi Yesu Klisto. Inkumbu nutekano sifule kuno muli.

1 Petlo 1:20

Wino wamanyike fuma kali, lino insi ichili yalengwa, leelo waswelwilwe uku manda ya chisila uku nnandu wino,

Akolosai 3:12

Ichino fino mwasololwa na Leesa, aswefiwa yano mwakundikwa, muwe nu mweso wa nkumbu, wa untu, wa kuuchefya, wa kuvyalika, wa chelelezi.

Akolosai 1:22

uku mwili waakwe uwa untu, uku kufwa kwakwe, ukuti amulete mwemwe panali yano mwaswepa, yano musi nu ui nanti kutakilwa iviipe.

Aefeso 5:27

ukuti autolele ikongani lya ukulu ilisi ni lyala nanti mikunya nanti chimwi ichikoline na fiyo, leelo lino lyaswefiwa ilisi ni ndema imwi.

Uswelulo 17:8

Inkala iyo yino uwine yaliko, leelo apa kasalaka itachilipo, leelo ilufuma kaili ukwazimu, iye uku ononi; na yano yatenzi ukunzi, yano yataandikwe amazina yao un-chitabu cha upuma fuma ukulengwa kwa nsi, yaluzunguka pano yalola inkala iyo ino kali yalipo nga itachilipo, nga yasya yaloleka kaili.

Milimo 13:48

Akulukuwa pano yapulika ifintu vi, yachimba, yatensya iswi lya Mwene; na yoshi yano yateyanyiwa upuma wa manda ti, yasumila.

Yoane 17:24

“Tata, yao yano wampile, ndusita yawe ponga nene ponsi panondi, ukuti yalole ukulu wane uno wampa, kuno wankunda fuma inkolelo ya kulengwa kwansi.

1 Tesalonike 4:7

Kuno Leesa atatwiitle utakati, leelo tuwe nuswepe.

Afilipi 2:15

Kuti muwe yana yi Leesa yano yataluvwangilwa iviipe, aya kapanga, yasi ni ndema njipe, apa mpanda uipe uno watûkana, yano pali yeneyo mululoleka mwawa wa myengelela yansi,

2 Timoteo 2:19

Leelo ichiimbili chi Leesa, chino chili na maka, chimisye, chili na kamanyililo ka: “uMwene amanyile ali yaakwe.” Na kaili: “Wensi wino alutaka izina lya Mwene, atane nuipe.”

Milimo 18:10

Kuno inene ndi ponga newe, kuno kusi umwi wino akukukatukila nu kukuchisa, kuno inene ndi na antu tupu umunzi u.”

2 Timoteo 2:10

Chaleka natekamweeso um-ifintu vyonsi, uku nnandu wa yasololwa, ukuti nayo kwene yazane ufyusi ulye uno uli muli Klisto Yesu, ponga nutensyo wa manda ti.

Aefeso 4:2

Uku kuuchefya konsi nu kuvyalika ni cheleleshi, nu kutontelana undukundo,

1 Kolinto 1:8

Wino alumukomya fika ni mpelelekezyo, kuti mutasumbikilwa apa wanda wa kwiza kwa Mwene witu Yesu Klisto.

Mateo 24:31

Nawe alutuma yamalaika yaakwe poonga nu nndilo unkulu wipeenga, nayo yalukongaanya yano wasolola ukufuma isansa shini, ukufuma uku lusansa lu lwa mwiyulu, nu kufika ku lusansa lu.

Aefeso 5:2

mupitae undukundo, ndi fino Klisto nawe wamukunda mwemwe, na kaili waufimile uku nnandu witu ukuwa uwila ni chipelo kuli Leesa, ukuwa ununkilo wa manukato.

Yoane 10:16

Ni nfwele sinina nasho, sisi sha un-chipa chi; nasho kwene ishakuti nsilete, niswi lyane silupulika; apano kuluwa ufyo wonga nu nchemi wenga.

1 Tesalonike 3:12

Nu Mwene amuvuzye nu kumuvuzizya ulukundo chila wenga uku nnina nu ku yantu yoshi, ndi fino neswe tuli kuno muli,

Aefeso 3:17

Klisto awikale um-myenzo yino uku usumilo. Muwe nisinda ni chiimbili undukundo,

Agalatia 5:13

Kuno umwemwe yachane, mwisilwe muwe yakauwele; leelo ukauwele wino utawa uwa kulondela fino umwili ulusita. Leelo muombelanae uku lukundo.

Aloma 8:33

Uwini wino aluyasongelela asololwa yi Leesa? Leesa ali wino aluyalila ichumi;

Mateo 24:24

Kuno yalukatuka yaklisto-ya-ufi na malau yaufi, nayo yaluchita ifilangisho ifikulu ni ifintu fya kuzunguka, ukuti yamulovye na asolole kwene ndi chawela.

Mateo 24:22

Na amaanda yao ngi yatali yaputukisiwe, atali afyuuke untu naanti umwi; leelo ku nndandu wi yano yasololwa, yaluputukisiwa.

1 Yoane 4:16

Neswe tumanyile ulukundo luno Leesa ali nalo kuno tuli nu kuluzumila. Leesa ulukundo, na wino atesi un-dukundo atenzi muli Leesa, na Leesa muli wenewe.

2 Petlo 3:14

Ichino yakunde, fino mululolela ifintu vi, chitini unte, kuti muloleke um-utekano fino musi na mala yikwi nanti insoni apa maaso yaakwe.

Akolosai 2:2

Kuti yasungulwe imyenzo yao, yuminkanywe undukundo, yapate usafi onsi uwa kumanyikisha, kuti yamanye ningo amelengwe yi Leesa, yano ali Klisto,

Agalatia 5:22

Leelo ichisêke cha Mweso ulukundo, ukuchimba, uwelezyo, ichelelezi, uuntu, uzipe, ukutailwa,

Agalatia 5:6

Kuno muli Klisto Yesu ukuchitwa ichibalu kutaile chimwi, nanti ukuntachitwa ichibalu, leelo Usumilo uno uluomba uku lukundo.

Milimo 15:18

Avwanzile uMwene wino aluchita ifintu fiyo fino wavimanyisya fuma kali.’