Aefeso 1:13 - UPANGANO UPYA

¹³ Nemwe kwene muli Wenewe, mwati mulipulika iswi lya chumi, iswi-zipe ilya ufyusi wino; na kaili mwati mumzumila Wenewe, nu kutelwa akamanyililo ki Mweso Nswefu wilye uwa ulanyo.

Aefeso 1:13 Referans Kwoze

2 Kolinto 1:22

Uli wino watutelile akamanyililo, pano watupile uMweso awe unnahani um-myeso itu.

Aefeso 4:30

Mutachisusuwalika Mweso Nswefu uwi Leesa, wino kuli wenewe mwatelwa akamanyililo kufika nu wanda wa ukuluzi.

2 Timoteo 2:19

Leelo ichiimbili chi Leesa, chino chili na maka, chimisye, chili na kamanyililo ka: “uMwene amanyile ali yaakwe.” Na kaili: “Wensi wino alutaka izina lya Mwene, atane nuipe.”

1 Tesalonike 2:13

Ichino neswe tulusamalisha Leesa nanti kuta, kuno pano mwapokelile iswi lya mbila ilyi Leesa lino mwapulika kuno tuli, mutalipokelile wiswi lya antu, leelo wiswi li Leesa, ichumi ifino lili, lino liluomba unnimo unkasi ino, mwe yano mwasumila.

Aloma 4:11

Nawe wapokelile ichilangizyo chi ichakuchitwa ichibalu, ukuwa chima-nyililo cha chumi ku nzila ya usumilo, uno wali nao pano achili achitwe ichibalu; kuti awe isi wao yoshi yano yazumila nanti yatachisilwe ichibalu, ukuti nayo kwene yalilwe ichumi.

Tito 2:11

Kuno inkumbu shi Leesa, Sino sikutula antu yoshi, shaloleka.

Agalatia 3:14

Ukuti upepelelo wi Ablaamu uyafikile ayakulukuwa muli Klisto Yesu, kuti tupokelele ulanyo wa Mweso uku Usumilo.

Aloma 1:16

Kuno ntalulola insoni ukwiswi-sipe; kuno amaka yi Leesa, yano yaluleta ufyusi kuli wensi wino wasumila, intangula uku aYudea na ku aGliki kwene.

Milimo 2:33

Nga pano wakweziwa afika ukwikasa ilya kwilunji ili Leesa, nu kupokelela kuli Tata ulanyo ulye wa Mweso Nswefu, atîta ichintu chi, chino mululola nu kuchipulika.

Yoane 14:26

Leelo uMwaswilisi wiyo, uMweso Nswefu, wino Tata aluntuma ukwisina lyane, alumusambilisha fyoshi nu kumwelengusha fyoshi fino namunenile.

Yoane 1:17

Kuno Ntambi yafimilwe uku makasa yi Mose, leelo inkumbu ni chumi sisile ukwikasa li Yesu Klisto.

Luka 24:49

Nga lolini namuletela ulanyo wi Tata. Leelo mwikale um-nsi mu, kufika na lino mulupiwa amaka ukufuma mwiyulu.”

1 Petlo 2:10

Mwemwi mutali yantu yaakwe intangulo, leelo kasalaka mwemwe yantu yi Leesa; yano mutakumbukile limwi, leelo apa kasalaka mwakumbukilwa.

Aloma 6:17

Leelo Leesa asamaliziwe, kuno mwali yazya ya maifyo, leelo mwayezile uku myenzo yino, mwalema amasambilizyo yalye yano mwapokelile.

Milimo 1:4

Na lino wakonganile nayo, ayakomenkesha ukuti, yatachifuma um-Yelusalemu; “Lelo mulolele ulanyo wi Tata uno mwapulike amaswi yaakwe kuli nene.

Yoane 15:26

“Lelo uMwaswilisi wiyo pano wacha wisa, wino ndutuma ukufuma kuli Tata, uo uMweso wa chumi ufumile kuli Tata, wiyo alungimikila.

Milimo 13:26

“Yachane, ana yikwata li Ablaamu, nemwe yano mwachindika Leesa, iswi lya ufyusi lyatumilwe ukwiza kuno tuli sweswe.

Yoane 6:27

Mutachiombela unnimo ichulya chino chilusila, leelo ichulya chino chilwikala fika um-upuma wa manda ti, chino Mwana-ntu alumupa; kuno wene uwino watelwa akamanyililo na Tata ali Leesa.”

Luka 11:13

Ali ngi mwemwe yaipa mwamanya ukupa ana yino uwila nsipe, Chene? Tata uwa mwiyulu atalulusha nkani ukuyapa Mweso Nswefu yano yalunnomba?”

Uswelulo 7:2

Apano nalola malaika unji, alukwela ukufuma ku kafumandaka, angi ali na kamanyililo ki Leesa uwa upuma. Alaizya ukwiswi yalye yamalaika yani, yano yapilwe konona insi na yemba.

Yakobo 1:18

Uku kukunda kwakwe unkola watuvile sweswe ukwiswi lya chumi, kuti tuwe ya ntomolo ya vilengwa vyaakwe.

Aeblania 2:3

nganeswe, Chene! tulufyuka uli, ngi twasula ufyusi unkulu ndukuti u? Uno intangulo wafwansilwe nu Mwene, ichisila ukonkomesiwe kuli sweswe na yano yapulike.

2 Timoteo 3:15

Na fino ukufuma uwanche umanyile amaandiko mazipe, yano yangakupa amano ku kupata ufyusi, uku usumilo uno uli muli Klisto Yesu.

2 Timoteo 2:15

Kalambana uku ulanga fino wazumilwa na Leesa, umuofi asi na chimwi icha kukulwa untwe, kuno wayanya ningo iswi lya chumi.

Aefeso 4:21

ali ngi mwapulika nu kusambilishiwa muli Wenewe, ndi fino ichumi chili muli Klisto,

2 Kolinto 6:7

Nu kukusunda kwa chumi nu um-maka yi Leesa; nu ku fyanzo fya chumi mwikasa lya kwi lunji nu mwikasa li kamani.

Yoane 3:33

Wino wasumila amaswi yaakwe, watela akamanyililo fino Leesa uwa chumi.

Yakobo 1:21

Ichino sumbilini ukutali unyamvi nuipe wonsi, nu kupokelela uku utonsu iswi lilye, lino lyapezilwe muno muli, lino lingafyusya imyenzo ino.