Aeblania 1:2 - UPANGANO UPYA

² num-manda ya chisila aluvwanga neswe uku Mwana, wino wamwisile awe umpyani wi fyoshi, kaili kuli wiyo waumfile insi.

Aeblania 1:2 Referans Kwoze

1 Kolinto 8:6

leelo swemwi kuno tuli Leesa ali wenga mpela, nawe i Tata, wino ifintu vyonsi vyafumile kunali, neswe tutenzi kuli wenewe, kaili kuli nu Mwene wenga, Yesu Klisto, wino ifintu vyonsi vyaombike kuli wenewe, neswe kuli wenewe.

Yoane 1:3

Fyoshi fyaombike kuli wiyo na apasi wiyo chitali chiombeke chimwi chino chaombeka.

Yoane 1:14

Nalyo Iswi lyaombike umwili, likala kuno tuli, neswe twaulola ukulu wakwe, ukulu ndi kuti uMwana wenga wino afumile kuli Tata, uwa nkumbu ni chumi.

1 Petlo 1:20

Wino wamanyike fuma kali, lino insi ichili yalengwa, leelo waswelwilwe uku manda ya chisila uku nnandu wino,

Mateo 28:18

Nga Yesu awiisa kuno yali, afwaanga nayo, ayanena aati: “Napiwa amaka yooshi umwiyulu na paasi.

Yoane 13:3

Na Yesu wamanile fino Tata wampa fyoshi um-makasa yaakwe, na fino wafumile kuli Leesa nawe ayile kuli Leesa.

Mateo 17:5

Nga pano achili alufwaanga, lola, ipuufi litiswe lyayachitila ichisau, nga lolini, iswii lyafuma umwipufi liyo, lyaati: “Alawi uMwaanane wino nakuunda, wino wansipila neene; mpulikini wiyo.”

Aeblania 11:3

Uku usumilo tumanyile fino iyulu ninsi fyalensilwe ukwiswi lyi Leesa, ni ifintu fino filuloleka fitachisilwe uku ifintu fino fili apatiswe.

Aloma 8:17

Leelo ngi swe yana, swe yapyani: apyani yi Leesa, apyani ponga na Klisto; kuno ngi tulu-chusiwa ponga nawe, tutensiwe ponga nawe kwene.

Yoane 3:16

Kuno yiyo Leesa wakundile aya munsi, ichaleka wafima uMwana waakwe wafilwe wenga, ukuti chila ntu wino wamsumila, atalowa, leelo awe nupuma wa manda ti.

Mateo 26:63

Leelo Yesu atusha. Kapela-nkulu wannena, waati: “Nakulafya kuli Leesa uwa upuma, utuneene ndi weewe uli Klisto umwaana wi Leesa.”

Mateo 21:38

Leelo alimi pano yalola umwaana wiyo, yaamba atupu, yaati: ‘Alawi umpyaani, tumumoole, tutoole upyaani waakwe.’

Aeblania 5:8

Nanti fino walu Mwana, wasambilile ukusumila ku nsila ya machulo.

Aefeso 1:10

ali kuti, wali uwa kufiomba ifintu fiyo, pano makati yafikilila, ayakuminkanya ifintu fyonsi muli Klisto, ifintu vya mwiyulu ni ifintu vya pansi kwene.

Aeblania 7:3

Asi nisi nanti nyina, asi nu mpanda, asi ni ntangulo ya manda yaakwe nanti ukusila kwa upuma wakwe, leelo wakolenkanyiwa nu Mwana wi Leesa, wene wamwikala ukapela manda ti.

Aeblania 2:3

nganeswe, Chene! tulufyuka uli, ngi twasula ufyusi unkulu ndukuti u? Uno intangulo wafwansilwe nu Mwene, ichisila ukonkomesiwe kuli sweswe na yano yapulike.

Aeblania 1:5

Kuno uwini pali yamalaika, wino watana wanenwa nanti limwi, ukuti: “Wewe uli mwanane; nene ilelo nakufyala?” Na kaili: “Inene namwa isi wakwe; nawe wamwa kuli nene umwana?”

Aefeso 3:9

nu kuyaswefesha antu yoshi, yamanyikisye amaka ya melengwe yao, yano fuma kali kali yafisime muli Leesa, wino waumvile ifintu vyonsi.

Agalatia 4:4

Leelo lino amakati yafikilila, Leesa watumile uMwanakwe, wino wavilwe nu mwanachi, wavilwe apa Ntambi.

Milimo 10:36

kuyana niswi liyo lino watwalile ana ya Islaeli, angi alusunda iswi-zipe ilya kuwelezyana muli Yesu Klisto. Alu Mwene wa antu yoshi.

Yoane 15:15

Ntalumwita yazya kaili, kuno unzya atamanile chino umwene waakwe aluomba; leelo mwemwi namwita yakatane, kuno fyoshi fino napulika kuli Tata namumanyisha.

Yuda 1:18

Fino yamunenile, ukuti: “Amanda ya chisila yaluwako antu ya misowe, yano yalondile itama shao akola isha kulofya.”

Aloma 1:4

Nu kumanyishwa uku maka yaakwe fino umwana wi Leesa, ukukolana nu mweso wa uswepe, uku kututuluka kwa yafwi, Yesu Klisto, Mwene witu.

Milimo 2:17

Leesa ati: ‘Chiluwa uku manda ya chisila, ndwitila antu yoshi Mweso wane, na ana ino ayachonsi na ya chanachi yalulauzya, na alumendo ino yalulola malele, na ayikolo ino yalulota iviloto.

Yoane 17:2

Ndi fino wampile amaka uku yantu yoshi, ukuti yoshi yano wampa, ayape upuma wa manda ti.

Yoane 16:15

Na fyoshi fino Tata ali nafyo, ifyane. Ichino fwansile ukuti alutola um-vyane nu kumumanyisha.

Malko 12:6

Nga asyala wenga, umwana nkundikwa; wiyo nawe ichisila amtuma kuno yali, avwanga, ati: ‘Yamchindika umwanane.’

Malko 1:1

Intangulo yi iswi-sifu li Yesu Klisto, uMwana wi Leesa.

2 Petlo 3:3

Mutangule ukumanya iswi li, fino uku manda ya mpejelekesho yalwisa antu ya misowe aya kusoweka, yano yalulondela tama shao akola.

Aeblania 1:8

Leelo pa Mwana avwanzile, ukuti: “Ichisumbi chako icha ukulu, we Leesa, icha manda ti na ti. Ni isumo lya uwene wako isumo lya ololosu.

Aeblania 9:26

Ndi chili fiyo, chali chiyane achule maila tupu fuma ukuwikwa. ifiimbili fya nsi; leelo li kwene waloleka lyonga kwene um-ufikililo wa manda, atisye amaifyo uku chipelo chakwe.

Yoane 3:25

Nga yumanya ulupaka alondeshi yi Yoane nu mYudea wenga uku nnandu wa kufulala,

Mateo 3:17

Nga lola, iswi ukufuma umwiyulu, lyaati: “Alawi uMwanaane, unkundikwa waane, wino wansiipila.”

Mateo 13:39

Siluweembu uwino wapesile uwiwi Chiwa; ukusakata apa mpelelekezyo yaasi; na lusakaata ayamalaika.

Malko 12:7

Leelo alimi yao yanenana, yaati: ‘Umpyani wi; tumumole, ngu upyani wusyale uwitu.’

Yoane 1:10

Iswi lyeliko kuno ukushi, nukushi kwene kwaliko kuno lili, leelo akusi yatammanyile.

Yoane 5:26

Ndi kuti fino Tata ali kafumo ka upuma, ifiyo kwene ifino wapile nu Mwana ukuwa kafumo ka upuma;

Yoane 5:27

Nawe wampa amaka ya kuputula imilandu, kuno uMwana-ntu.

Yoane 9:29

Swemwi tumanyile fino Leesa wafwanga na Mose, leelo wiyo tutamanile kuno afumile.”

1 Kolinto 2:7

Leelo tulufwanga ainano yi Leesa um-melengwe, amano yalye yano yafisama, yano Leesa wakasime fuma kali, uku ukulu witu.

Aeblania 3:6

Leelo Klisto, wa mwana, apa ng'anda yaakwe. Ni ng'anda yaakwe isweswe, ngi twalema nkani uposye nu kulu wa utailo witu, fika ni chisila.

Aeblania 4:14

Ichino kuno tuli-nawe Kapela-nkulu wino wingile umwiyulu, Yesu Mwana wi Leesa, tulemasye nkani usyuta witu.

Aeblania 7:28

Kuno Ntambi iluwika antu yano yatakwite maka, yawe ayakapela-akulu, leelo iswi liyo ilya chilapo, chino chisile ichisila cha ntambi, lyawika uMwana uwa kapanga, manda ti.

Yoane 13:32

Ngi Leesa nawe watensiwa muli wenewe, Leesa aluntensha munali umwisikikulu, nawe wamtensha liyo kwene.