1 Timoteo 4:3 - UPANGANO UPYA

³ Yalulesya antu yatachipindula, nu kuizilizya ivyakulya, fino Leesa walenzile vipokelelwe uku nsamalizyo na yano yali nusumilo, yano yamanyile ichumi chiyo.

1 Timoteo 4:3 Referans Kwoze

1 Timoteo 4:4

Kuno chila chilengwa na Leesa chazipa, nga kusi icha kukanika ndi chapokelelwa uku nsamalizyo.

Aeblania 13:4

Kufumalila kuchindikwe na antu yoshi, ni chitala chitachichilwa; kuno apundu ya yano yakunda anachi, Leesa aluyaputwila imilandu fino ayononi.

Aloma 14:6

Wino alulema uwanda umwi aluulema uku Mwene, na wino alulya, alulya uku Mwene, kuno alusamalizya Leesa; na wino atalulya, atalulya uku Mwene, kuno nawe kwene alusamalizya Leesa.

Akolosai 2:16

Ichino umwi atamuputwila imilandu uku vyakulya, nanti ivyakunwa, nanti uku uwanda ikulu, nanti ndoleka ya mwezi, nanti sabato.

1 Kolinto 8:8

Leelo ifyakulya vitakututwala pali Leesa; kuno nanti tutalile, tutaulilwe chimwi, nanti twalya, tutalungiliziwa chimwi.

Akolosai 3:17

Na chonsi chino mungaomba ukwiswi nanti unnimo, muombe vyonsi umwizina lya Mwene Yesu, angi mulusamalizya Leesa Tata kuli Wenewe.

1 Kolinto 7:28

Leelo nanti wapindula, utaifizye; nanti ndi wapindukwa, ataifizye. Leelo antu ndi yao yangawa na machulo um-myili. Nene ndusita ukumufyusya kuli vyenevyo.

Aloma 14:3

Wino alulya atachisula wino atalulya, nanti wino atalulya atachipingula wino alulya; kuno Leesa wampokelela.

Aeblania 13:9

Mutachikweswa na masambilisho ya misango yinji, iya eni; kuno chisifile umweso ukomiwe uku nkumbu, leelo asi ku fyakulya; yao yano yafilondile yatachili yapate chimwi.

1 Timoteo 2:4

Wino alusita antu yoshi yafyuke nu kwiza uku kumanyikisya ivya chumi.

1 Kolinto 6:13

Ivyakulya ivyanda, ninda iya vyakulya, leelo Leesa aluvyonona vyonsi viyili, inda ni vyakulya; leelo umwili usi wa kuchita ivya upundu, leelo uwa Mwene, nu Mwene uwa mwili.

Aloma 14:17

Kuno wene wi Leesa asi ukulya nanti ukunwa, leelo ichumi nutekano nu kuchi-mba muli Mweso Nswefu.

Mateo 15:36

Atoola ilye imikaate saba ninswi shiyo, asamalisha, akunyoola, apa alondeshi yaakwe, nayo alondeshi yapa maumba.

Mateo 14:19

Wayaneena amaumba yikale apa masote, atola mikate yisaano ni nswi shiyili, walolekesha umwiyulu, wapepelela, wakunyoola wapaaloo alondeshi, nalondeshi yaapa amaumba.

Milimo 27:35

Walangi wavwangwa amaswi ya, atola unkate, asamalizya Leesa apa maaso yao yoshi, akunyola atampa ukulya.

Yoane 6:23

Leelo yisa mato manina ukufuma uku Tibelia, yaya pipi napano yalile imikate pano uMwene wasamalishe,

Luka 24:30

Nga chali pano watensi nayo apa chakulya, watoshile unkate aupepelela, aukunyola nga ayapa.

Mateo 15:11

“Pulikini mumanye, asi chikulwingila un-nndomo chingalyikisha untu, leelo ichikufuma unu nndomo ichikulyikisha untu.”

1 Timoteo 5:14

Ichino ndusita afwilwa, yano achili yakomile, yasakwe, yavyala ana, yalela ningo ing'anda zyao, ukuti yatampa ummwembu uwasa wa kuifikizya.