Zakariya 9:6 - Kifuliiru

⁶ Mu kaaya keꞌHashidoodi, ibinyamahanga byo bigayiji katuula mwo. Kwokwo, kwo Nahano agaamala ubwikangaate bwaꞌBafirisiti.

Zakariya 9:6 Referans Kwoze

Hamoosi 1:8

Abahashidoodi nabo, ngabazimiiza kuguma na mwami weꞌHashikelooni. Na mbuli hindukiraga akaaya keꞌHekurooni, na ngateere. Ee! Abafirisiti booshi ábagaaba basigiiri, bagaminikwa ngana-ngana!» Kwokwo, kwo Rurema Nahamwitu adesiri.

1 Peturu 5:5

Na niinyu mweꞌmisore, mukizi simbaha abashaaja. Mweshi, mukizi ba batuudu mwenyene kwa mwenyene. Mukuba, «Ikyanya abandu bali mu yiheemya, Rurema ali mu batindimaza. Si abatuudu boohe, ali mu bagashaanira.»

Sefaniya 2:10

Yabo Bamohabu, naꞌBahamooni, si bâli kizi yikangaata. Kyanatuma bagaahanwa nga kwo byâli bakwaniini. Bâli kizi shekeereza abandu ba Nahano woꞌbushobozi bwoshi.

Hisaaya 28:1

Yayewe imwaꞌkaaya keꞌSamariya! Si abatuulaga baamwo, Abahifurahimu, balyagagi balalwe! Banagweti bagayihaya, mbu kalimbiri ngoꞌlushembe, na mbu ho kayubasirwi, hayinamusiri mu ndekeera íri mweꞌnagiira. Kundu kwokwo, kakola ngoꞌtwaso útukoli yumagusiri. Yako kaaya koonyene, yubwo bulalwe bwo bugakatindimaza.

Hisaaya 23:9

Úwashungika kwoku, ali Nahano woꞌbushobozi bwoshi. Yaba bandu, kundu bâli kizi yikangaata, haliko Rurema analooza ukubatindimaza. Na kundu bâli gweti bagashaagwa, halikago anashungika ukubateeza ishoni.

Mwigiriza 6:2

Bandu baguma, Rurema ali mu baheereza ubugale bwingi, anabagingike. Mu byoshi byo bali mu yifwija, ndaabyo babuziri. Kundu kwokwo, Rurema atali mu baleka mbu babishambaalire. Si ikinyamahanga kyo kiri mu yiji bishambaalira. Aaho! Yibyo nabyo, si biryagagi bya busha-busha! Liri mu vuniisa abandu imitima.

Yeremiya 47:1

Ikyanya mwami weꞌMiisiri atâli zaazi teera akaaya keꞌGaza, Nahano anabwira Yeremiya hiꞌgulu lyaꞌBafirisiti kwokuno:

Sefaniya 2:4

Akaaya keꞌGaza, naꞌkeꞌHashikelooni, twombi tugaasigwa mushaka. Abatuulaga beꞌHashidoodi bagayimulwa kalenge-renge, naꞌbeꞌHekurooni, nabo bagayami hongolwa.

Zakariya 9:5

Abandu beꞌHashikelooni, mango babonaga ngiisi kweꞌTiiro yashereera, bagayami kanguka neꞌkyoba. Kiri naꞌbandu beꞌGaza, naꞌbeꞌHekurooni, nabo bagayoboha, banateere umulangaaliro. Mwami weꞌGaza, agayami yitwa. Na mu kaaya keꞌHashikelooni, ndaaye mundu úgasigalaga mwo.

Zakariya 9:7

Inyama zeꞌbitugwa byo baniga, ngazinyugutula mu tunwa twabo, kiri na íbikatangwa imweꞌmigisi. Ngiisi ábagafuuka mu kati kaabo, bagayiji baꞌbandu baani, nga kwaꞌBayuda nabo bali beꞌmwani. Abafirisiti beꞌHekurooni, bagayibiika ku bandu baani, nga kwo balya Bayebuusi bakagira.