Zakariya 9:10 - Kifuliiru

¹⁰ Ngamúshaagiza amagaare giꞌzibo, kuguma neꞌfwarasi zoꞌkugakulula, halinde bitaki bonekage mu kihugo kya Hifurahimu, kandi iri mu Yerusaleemu. Kiri neꞌmiheto yiꞌzibo, ngagivuna-vuna. Umwami winyu, aganywaniisa ibinyamahanga byoshi kuguma, mu kati koꞌmutuula. Ubwami bwage, bugalyokera ku nyaaja nguma, halinde ku gindi, bunalyokere ku lwiji Hefuraati, halinde ukuhisa heꞌkihugo kihekiiri.

Zakariya 9:10 Referans Kwoze

Hosheya 2:18

Nahano adetaga kwokuno: «Yulwo lusiku, ugambuuza “Yibanie”. Si utâye ki shubi mbuuza “Baali witu”.

Hosheya 1:7

Haliko Abayuda boohe, ngaaba mbakuuziri, na mbakize mu bagoma baabo. Si kutagaaba ku miheto yaꞌbasirikaani, kandi iri ku ngooti, kandi iri mu kukoleesa ifwarasi, kandi iri ábali mu zigendera kwo. Haliko nienyene, nie Rurema Nahamwabo, nie gabakiza.»

Bwigule 11:15

Umuganda wa kalinda anadihiriza ikibuga kyage. Lyeryo, mwiꞌgulu mwanayuvwikana amazu mahamu, ganadetaga: «Ubwami bwa kino kihugo, Nahano ye kola mwene bwo, bo noꞌlya Kirisito wage. Aganayama atwaziri imyaka neꞌmyakuula!»

Mika 5:4

anakizi bileeta mwoꞌmutuula. Abahasuriya bagayiji teera ikihugo kiitu, banakizi libata ku nyumba ziitu mbamu. Kinatume tugabiika abatwali balinda, bakizi tulanga. Ee! Ibirongoozi munaana, byo bigaturongoora.

Hisaaya 60:12

Mu ngiisi bwami na ngiisi butwali, ngiisi ábagalahira mbu batamùkolere, bagayami zimiizibwa. Yugwo mulala gugaminikwa lwoshi-lwoshi!

Hisaaya 49:6

Nahano akambwira kwokuno: «Uli noꞌmukolwa gwoꞌkungalulira Abahisiraheeri. Ee! Ngiisi ábasigala, we gabagalula. Kutanali kwokwo naaho. Ngakubiika ube mulengeerwe na mu binyamahanga, halinde balya booshi, ubayereke injira yo bangakizibwa mwo.»

2 Bakorindo 5:20

Tuli bandu bo Kirisito yenyene akatuma. Neꞌkyanya tuli mu mùyinginga, ali nga Rurema yenyene ye mu deta mu kati kiitu. Kwokwo, twamùyinginga kwiꞌziina lya Kirisito, kwo munywane na Rurema!

2 Bakorindo 5:18

Yibyo bihyahya byoshi, biri mu lyoka imwa Rurema, bwo keera akayinywaniisa na nyiitu, ku njira ya Kirisito. Na nyiitu kwakundi, anatubiika ku mukolwa gwoꞌkukizi múnywaniisa naꞌbandi.

Mikolezi 10:36

Lyeryo igambo, lyo Rurema keera akatumira Abahisiraheeri. Mukuba, nabo, akabamenyeesa Imyazi Miija kwo bangalonga umutuula mu kati ka Yesu Kirisito. Uyo Yesu, ye na Nahano waꞌbandu booshi.

Hagayi 2:22

Abaami ba mu kihugo, ngola ngabanyanyaga haashi. Yabo baami, ngola ngabamala imisi. Amagaare gaabo giꞌzibo, ngagakunangulira haashi. Ngakabulira na ábali mu gagendera kwo. Ifwarasi zaabo, zigayami fwa. Na ábali mu zigendera kwo, bagayitana ku ngooti.

Hisaaya 11:10

Ku yikyo kyanya, umwami muhyahya wa mu mbaga ya Yese agayimuka, ali ngiꞌrembera mu bandu baꞌmahanga. Yabo booshi, bagamúkumanira. Na ngiisi ho agaaba atuuziri, hagalangashana bweneene.

Zaburi 72:17

Mwami akizi yama alumbuusiri isiku zooshi. Anakizi kengeerwa, halinde ku kyanya izuuba ligaaba likiri ho. Aba mu mahanga gooshi, bakizi gashaanirwa hiꞌgulu lyage, halinde nabo banakizi múgashaanira.

Zaburi 72:3

Ku migazi kukizi yera ibyokulya bingi. Bikizi yera kiri na ku tugangazi.

Bukengeeze 11:24

«Ngiisi ho mugaafina, hagaaba ha mwinyu. Ikihugo kiinyu, imbibi zaakyo zo zeezi: Ikisaka kigatondeerera kwiꞌshamba. Neꞌmbembe, kigahekera ku migazi yeꞌLebanooni. Neꞌsheere kigatondeerera ku lwiji luhamu Hefuraati, kinagenderere uluhande lweꞌmuga, kinahekere ku Nyaaja Mediterane.

Zaburi 85:8

E Nahano, urukundo lwawe lutali neꞌmbeka. Aaho! Utuyereke lwo, maashi, unatukize.

Hisaaya 2:4

Yibyo binyamahanga, Nahano agakizi bihambuula, halinde banatuule mu kati koꞌmutuula. Ingooti zaabyo, zigaatulwa mweꞌfuka zoꞌkuhinga. Kiri naꞌmatumu, gagaatulwa mweꞌmigushu. Ndaagwo mulala úgugaki gendi lwisa ugwabo, batanâye ki yikomereze kwiꞌzibo.

Mika 4:8

Na naawe, e mugazi gweꞌYerusaleemu, we mu laliira abandu, ugashubi longa ubwami nga kwokulya kwa kare. Unashubi twala hiꞌgulu lyaꞌbandu.»

Zaburi 89:26

Ngamúyushuulira ubutwali bwage, ukulyokera ku nyaaja Mediterane, halinde ku lwiji Hefuraati.

Hosheya 2:20

Ku yulwo lusiku, tuganywana ikihango neꞌnyamiishwa, kiri noꞌtunyuni twa mu kyanyaanya, na byoshi íbiri mu yibulula, gira bitaki shubi mùteera. Ngamùsaagiza kiri noꞌmuheto, neꞌngooti, neꞌzindi siribo ziꞌzibo, lyo mulonga ukuramba mu mutuula.

Mika 5:9

Nahano adetaga kwokuno: «Ku yikyo kyanya, ngashereeza ifwarasi ziinyu, kuguma naꞌmagaare giinyu giꞌzibo.