Zakariya 8:23 - Kifuliiru

²³ Nahano woꞌbushobozi bwoshi, adetaga kwokuno: «Mu yizo siku, ibinyamahanga ikumi, bigagwatira Umuyuda muguma ku byambalwa. Yabo booshi, banamúbwire, ti: “Keera tukayuvwa kwo Rurema mutuliinwi. Aahago! Leka tukizi mùkulikira!”»

Zakariya 8:23 Referans Kwoze

Hisaaya 60:3

Yugwo mulengeerwe gwinyu, ibinyamahanga bikola bigaguyijira. Kiri naꞌbaami bagayiji bona ngiisi kwo gwamùtunduukira.

Hisaaya 55:5

Yibyo binyamahanga, kundu utabiyiji, ikyanya ugabitumira, binakuyitabe. Ee! Bigayija ngana, bwo Nahano keera akakugingika. Ye Rurema wawe, anali Mutaluule waꞌBahisiraheeri.

1 Bakorindo 14:25

Uyo mundu, iri angaba abishiri ubumbishwa, yubwo buleevi bunabubishuule, halinde anafukame, anayikumbe Rurema, iri anadeta: «Ku kasiisa Rurema ali mu kati kiinyu!»

Hisaaya 45:14

Nahano adetaga kwokuno: «Abamiisiri bagaaba bandu baawe, kuguma naꞌBahendyopiya, naꞌBasheeba. Ibindu byabo, we bigayegukira. Bagakizi yija bakushalagiiri nga mbohe ízishwesirwi neꞌmigufu, banakizi kufukamira, iri banadeta: “Ku kasiisa mutuliinwi na Rurema. Ndaanaye gundi úli ho.”»

Hisaaya 66:18

«Byoshi byaꞌbandu bagweti bagaakola, mbiyiji-yiji. Nyiji kiri neꞌnzaliro zaabo. Buno, ngola mu kuumania abandu beꞌmilala yoshi, naꞌbeꞌndeto zooshi, gira babone ubulangashane bwani.

Ndondeko 31:7

Halikago, keera andeba mu kuhindurania ikihembo kyani ubugira kali ikumi. Kundu kwokwo, Rurema atakamúhanguula kwo angomeerese.

Mikolezi 19:12

Kiri neꞌbihunika, noꞌtundi tulondo, ikyanya bâli kizi bihisagya ku magala gaage, binatwalirwe abalwazi, banayami kira. Neꞌbisigo kwakundi, byâli kizi balyoka mwo.

Hisaaya 4:1

Hâye ki be ulusiku, abakazi balinda bagakizi fyedekania umushosi muguma, ti: «Ewe! Ibyokulya neꞌbyambalwa, byohe, tugakizi biyigulira twengwa. Si byo tuloziizagi naaho, utuyange, maashi! Utushaagize ishoni, we kongwa we!»

Hisaaya 3:6

Ku yikyo kyanya, umundu agakizi bwira mwene wabo ye babutanwa: «Si we ki hiiti ibyambalwa. Aahago! Ube we gaaba mutwali witu. Bino biguuka, we kolaga ugabiyimangira!»

Mwigiriza 11:2

Yibyo bindu, ubigabule mu bandu balinda, kiri noꞌmunaana. Mukuba, hano mu kihugo, utayiji ngiisi íbigahomba.

Hayubu 19:3

Si keera ukandukiiriza ubugira kali ikumi! Aaho! Ka mutayuvwiti ishoni mu kundeera kwoku?

1 Kutondobola 12:18

Iri Dahudi akahuluka, gira abayakiire, anababwira: «Iri kwangaba mwanyijira nga biira mu kuyiji ndabaala, lyoki ngamùyakiira noꞌmutima úgushenguusiri. Haliko, iri mwanyijira, gira mukandange mu bagoma baani, ndaanago mabi gooshi ngoziri, Rurema wa bashokuluza biitu amùbonage, anamùhane.»

2 Baami 2:6

Hiriya anashubi bwira Hirisha: «Usigalage hano. Nahano anduma, mbu ngende i Yorodaani.» Haliko, Hirisha anashiikiza, ti: «Nga kwo Nahano ayamiri ho, na nga kwo uyamiri ho, ndagakusiga.» Kwokwo, banagendanwa.

Mika 5:5

Yabo batwali, bagaminika Abahasuriya ku ngooti zaabo. Bagagwata ikihugo kyeꞌHasuriya mbira ku ngooti zaabo nyomole. Kwokwo, ikyanya yabo Bahasuriya bagayiji lenga ku mbibi ziitu, gira bayiji tuteera mu kihugo kiitu, yabo batwali bagatukiza mu maboko gaabo.

Ndondeko 31:41

Nꞌgahisa imyaka makumi gabiri nduuziri mu mwawe. Nꞌgatee kukolera imyaka ikumi niꞌna, mu kugonda banyere baawe bombi. Neꞌmyaka ndatu, ndi mungere weꞌbitugwa byawe. Kundu kwokwo, ukahindurania ibihembo byani ubugira kali ikumi.

Luka 8:44

Uyo mukazi anayija luto-luto ha nyuma lya Yesu. Neꞌri akahuma kwiꞌkano lyoꞌmulondo gwa Yesu, lyeryo, gulya mududu gwage gwanayami kama!

Muharuuro 14:22

ndaaye kiri noꞌmuguma wabo úgayingira mu kiriira kihugo. Yabo bandu, si keera bakabona ubulangashane bwani, na ngiisi kwo nâli kizi gira ibisoomeza mu Miisiri, kiri na mwiꞌshamba. Kundu kwokwo, bagenderiiri ukukizi ngayiriza, iri banangeza ubugira kingi.

Yoshwa 8:35

Ngiisi byoshi byo Musa akayandika, Yoshwa anabisoma. Na yaho, hâli kumaniri abashosi, naꞌbakazi, naꞌbaana, kiri neꞌbinyamahanga.

Hisaaya 45:24

Abandu bagaadeta hiꞌgulu lyani kwokuno: “Nahano naaho, ye mu gira íbikwaniini, ye na mwene ubushobozi.”» Haliko, ngiisi ábakamúrakarira, boohe, bagakizi múyijira bali jabati-jabati, banateezibwe ishoni.

Hisaaya 60:14

Abagoma biinyu, kundu bâli kizi mùlibuza, halikago, bagakizi yija bagosiri imbere liinyu. Ee! Ngiisi ábâli kizi mùneguraga, leero bagakizi mùfukamira. Bagakizi mùbuuza Kaaya ka Nahano, banamùbuuze Sayuni, kaaya koꞌMutaluule waꞌBahisiraheeri.

Sefaniya 3:19

Abandu booshi ábâli gweti bagakizi mùvindagaza, ku yikyo kyanya, ngabahana ngana! Ee! Ngiisi ábalemahiri, ngabakiza. Na ábakayimulwa, ngashubi bakuumania. Na ngiisi ábâli teziibwi ishoni, ngabagingika, halinde ubwivuge bwabo bunalumbuuke mu bihugo byoshi.

2 Kutondobola 15:9

Haaho, anakuumania Abayuda, na beene Binyamiini, kiri naꞌBahisiraheeri ábâli lyosiri mu mulala gwa Hifurahimu, na mu gwa Manaasi, na mu gwa Simyoni. Bingi baabo, ikyanya bakabona ngiisi kwo Nahano Rurema ali kuguma na Hasa, banayiji múyibiika kwo.

Hesiteeri 8:17

Kwokwo, mu ngiisi poroveesi, na mu ngiisi kaaya, ngiisi ho bâli kizi soma yago maruba, banashagaluka ku bushambaale, banagira ulusiku lukulu, banalya bweneene. Abandu beꞌgindi milala, banagwatwa neꞌkyoba kingi hiꞌgulu lyabo, kyanatuma bagayiji bayibiika kwo ku bwingi.