Zakariya 7:12 - Kifuliiru

¹² Emwe! Ikyanya âli mali baheereza Umutima gwage ku njira yaꞌbaleevi, banakizi yumuusa imitima yabo, banaba mindagabika. Batanalooza ukuyigirizibwa na Nahano woꞌbushobozi bwoshi! Kyo kikatuma agabarakarira.

Zakariya 7:12 Referans Kwoze

Hezekyeri 11:19

«Kundu mwâli kizi ba neꞌmitima mikayu íri ngiꞌbuye, ngagilyosa, ninamùbiike mwoꞌmutima munovu gwoꞌkukizi nzimbaha.

2 Kutondobola 36:16

Kundu kwokwo, iri balya bahanuuzi bakabakengula, balya bandu banakizi bashekeereza, ti honyo! Kiri naꞌbaleevi baage, banakizi batuka. Iri hakatama, Nahano anabarakarira. Na bulya buraakari bwage, ndaaye mundu úwangahasha ukubuhoohya.

Mikolezi 28:27

Yaba bandu, keera bakayumuusa imitima yabo. Banakoli ba babitwitwi, banakoli ba bandabona. Nga bitangabiiri kwokwo, amasu gaabo gangabwini. Naꞌmatwiri gaabo, gangayuvwiti. Neꞌmitima yabo, yangasobanukiirwi, halinde bangangalukiiri, na mbakize.”»

Hezekyeri 36:26

Ngamùheereza umutima muhyahya, naꞌmenge mahyahya. Imitima yinyu, kundu ikiri ngiꞌbuye, inali mindagabika, ngagilyosa, ninamùheereze imitima minovu, inabe iri mu simbahana.

Zaburi 50:17

Si ikyanya bagweti bagakuyerekeza, uli mu banegura! Unali mu shemya amagambo gaani ha butambi.

Mariko 4:12

“Ukulola, bagakizi lola. Haliko, batâye bone! Ukuyuvwa, bagakizi yuvwa. Haliko, batâye sobanukirwe! Nga bitangabiiri kwokwo, bangagalukiiri Rurema, banakogwe!”»

Mataayo 13:15

Yaba bandu, keera bakayumuusa imitima yabo. Banakoli ba babitwitwi, banakoli ba bandabona. Nga bitangabiiri kwokwo, amasu gaabo gangabwini. Naꞌmatwiri gaabo, gangayuvwiti. Neꞌmitima yabo, yangasobanukiirwi, halinde bangangalukiiri, na mbakize.”

Hezekyeri 2:4

Banali mindagabika, batanzimbahiri. «Ku yukwo, nakutuma imwabo, gira ukizi gendi babwira ngiisi kwo ngakubwira, iri unadeta kwokuno: “Kwokwo, kwo Rurema Nahamwitu adesiri.”

Hisaaya 6:10

Yaba bandu, ukizi yumuusa imitima yabo! Naꞌmatwiri gaabo, ukizi gaziba. Naꞌmasu gaabo, ukizi gabwikira. Buzira kwokwo, hali ikyanya amasu gaabo gangalonga ukubona. Naꞌmatwiri gaabo ganalonge ukuyuvwa. Naꞌmenge gaabo ganalonge ukusobanukirwa. Kwokwo, lyo bangangalukira, mbu balongage ukukira.»

2 Peturu 1:21

Ndaanabwo úbukayija ku bulooze bwoꞌmundu. Si abandu, ikyanya bâli kizi rongoorwa noꞌMutima Mweru, banakizi deta amagambo ga Rurema yenyene.

Luka 8:12

Zirya mbuto nguma, ikyanya zikatwa ku butambi bweꞌnjira, biyerekiini umugani gwa ábali mu yuvwa Igambo lya Rurema. Haaho-haaho, Shetaani anayiji lijobola mu mitima yabo. Kwokwo, batanaki liyemeere, batanakizibwe.

Zakariya 7:7

Si ukulyokera kishangi, abaleevi bâli kizi mùkanukira kwiꞌziina lya Nahano. Ku yikyo kyanya, abatuulaga beꞌYerusaleemu, naꞌba mu twaya útubazungulusiri, bâli tuuziri mu butoge. Kiri neꞌkihugo kya mwiꞌshamba, noꞌtugangazi tweꞌBuyuda, byâli yijwiri abandu bingi.

Yeremiya 26:19

«Aahago! Ulya muleevi Mika, mwami Hezekiya, bo naꞌBayuda booshi, batanamúyita. Si Hezekiya akayoboha Nahano, anamúhuuna amúkoge. Kwokwo ikihano kyo Nahano âli mali bashungikira, atanaki kikwiza. Kwokwo, uno mundu, iri twangamúhana, tugaaba twayikululira ubuhanya bweneene!»

Yeremiya 17:1

Nahano adetaga kwokuno: «Abayuda, ibyaha byabo, bitangahotolwa. Yibyo byaha, keera bikahokoororwa mu mitima yabo naꞌkalamu keꞌkyuma. Bikoli yandisirwi kiri na ku tugongo twoꞌtutanda two bali mu tangira imizimu kwaꞌmatuulo.

Yeremiya 5:3

E Nahano, ka utayamiri uli mu looza íbiri byoꞌkuli? Kundu ukahimbula abandu beꞌBuyuda, si batababiiri. Na kundu ugweti ugabafuta-futa, mu kubayerekeza, si batakusimbahiri. Bakola mindagabika, banakoli yumuusiri ngiꞌbuye. Keera bakashiikiza lwoshi, kwo batangaki kugalukira.

Hisaaya 48:4

Kundu kwokwo, nâli mùyiji-yiji kwo muli mindagabika. Amagosi giinyu, gatigaliiri nga kyuma. Naꞌmatwe giinyu, gali makomu nga mulinga.

Hayubu 9:4

Rurema ali mwitegeereza wa bweneene, anali kikalage. Aaho! Nyandagi ye bakahagana bo naye, atanakomeresibwa?

2 Kutondobola 36:13

Uyo mwami Nebukandeneza akabwira Zedekiya kwo amúbiikirage indahiro kwiꞌziina lya Rurema kwo atâye hune imbere lyage. Kundu kwokwo, ulya Zedekiya anagira mbu ahune. Anayami yumya umutima gwage, analahira ukugalukira Nahano Rurema waꞌBahisiraheeri.

Hisaaya 46:12

Si mwehe muli mindagabika! Munakoli yidulumbisiri mu bitali nga byo. Kundu kwokwo, munyuvwirize.

Hezekyeri 14:5

«“Ha nyuma, abandu baani Abahisiraheeri, kundu bakanjanda, mbu bakizi yikumba imigisi, haliko, nie Nahano ngabashimya, halinde bashubi ngalukira.”

Kulyoka 7:13

Ulya mwami, anagenderera ukuyumuusa umutima gwage, atanabatwaza, nga kwo Nahano âli mali gwanwa adeta.

Hisaaya 65:12

«Yayebe! Ngolaga ngamùyitiisa neꞌngooti. Kwokwo mweshi, mugagooka, bakabuli mùtongeera. Mukuba, ikyanya nꞌgamùhamagala, mutananyitaba. Ikyanya nꞌgadetaga, mutanandwaza. Mwanakizi yilala mu bitalaalwe imbere lyani. Ee! Mukayitoolera ukukizi gira ibyagaza.

Yeremiya 7:20

Rurema Nahamwitu, adetaga kwokuno: «Yaka kaaya, ngakayonera mwoꞌburaakari bwani. Nganabuyonera ku bandu, na ku bitugwa, kiri na ku biti, na ku mimbu. Yubwo buraakari bwani, bugayaka nga muliro, ndaanaye úwangabuhoohya.»

Yeremiya 17:23

Si boohe, batakanyuvwa, batananzimbaha. Bâli riiri mindagabika. Na kundu nâli kizi bahana, batanandwaza.”

Yeremiya 42:21

Aahago! Zeene byo anduma kwo nimùbwire, mutaki bisimbahiri.

Zakariya 1:2

«Nꞌgarakarira bweneene bashokuluza biinyu. Ku yukwo, ugendi bwira Abahisiraheeri kwokuno: “Nie Nahano woꞌbushobozi bwoshi! Aaho! Mungalukirage, gira naani nimùgalukire.”