Zakariya 7:10 - Kifuliiru

¹⁰ Mutakizi libuza banamufwiri, kandi iri fuuvi, kandi iri binyamahanga, kandi iri abakeni. Mutanakizi shungika ukugirirana buligo.»

Zakariya 7:10 Referans Kwoze

Yeremiya 5:28

Bakoli jeziri, naꞌmagala gakoli shogahiri. Ibitalaalwe byabo, bitahiiti ho byangahekera. Batali mu bulanira ifuuvi ku njira yoꞌkuli. Naꞌbakeni, bali mu bayima ukuli kwabo.»

1 Yohana 3:15

Umundu, iri angaba ashombiri mwene wabo, iri alyagagi mwitani. Munayiji kwo ndaaye mwitani úgalama imyaka neꞌmyakuula.

Yakobo 5:4

Yuvwagwi ngiisi kwaꞌbakozi biinyu bagweti bagayamiza! Keera bakakola mu ndalo ziinyu, mutanabahemba. Neꞌkyanya bali mu mùyimbulira imimbu, nabo ukuyamiza kwabo keera kwayuvwikana mu matwiri ga Nahano woꞌbushobozi bwoshi!

Hisaaya 1:23

Abatwali baawe, si keera bahuna imbere lyani, banakola biira baꞌbazimba! Bakoli gweti bagayakiira imbuli, mbu bagire íbitali nga byo, banali mu tulirwa. Batakiri mu bulanira ifuuvi, batanakiri mu hahala banamufwiri.

Zaburi 72:4

E Rurema, utabaale mwami halinde akizi bulanira abakeni. Kiri naꞌbaana baabo, akizi bakiza. Haliko, ngiisi ábagayiji balibuza, boohe, anabafutagule.

Zaburi 21:11

Yabo bagoma, ugabaminika, kuguma naꞌbaana baabo booshi, hatanasigale kiri noꞌmuguma wabo.

1 Bakorindo 6:10

Ndaanabo bazimba ábagabufina mwo, kandi iri bazizi beꞌbindu, kandi iri balalwe, kandi iri bagambani, kandi iri ingunge.

Mataayo 23:13

«Yayewe imwinyu, mwe bigiriza beꞌmaaja naꞌBafarisaayo! Si mulyagagi balyalya! Umulyango gwoꞌkuyingira mu bwami bwa mwiꞌgulu, mugweti mugaguyigalira abandu! Mwenyene, mutali mu buyingira mwo. Neꞌkyanya abandi bagweti bagaagira mbu bayingire mwo, muli mu bahangirira. [

Malaki 3:5

Nahano woꞌbushobozi bwoshi, adetaga kwokuno: «Ha nyuma, ngayiji mùhana. Ngayami yiji lega abanamaleere, naꞌbashule, naꞌbanabinyoma, na ábagweti bagagunga imbembo yaꞌbakozi, na ábali mu kizi libuza banamufwiri neꞌfuuvi, na ábali mu nyima ibinyamahanga ukuli kwabyo, na ngiisi ábatali mu ndwaza.

Zakariya 8:17

Mutanakizi shungikirana amabi, kandi iri kukizi biika indahiro zeꞌbibeesha. Si yago mabi gooshi, ngashombiragi bweneene! Kwokwo, kwo nie Nahano ndesiri.»

Hamoosi 4:1

E bakazi beꞌSamariya! Munyuvwirize bwija! Si mujeziri ngana nga ngaavu zeꞌBashaani! Munagweti mugakizi vindagaza ábagoozirwi, kiri naꞌbakeni. Mugweti mugakizi bwira bayibalo: «Mutuleterage idivaayi, tunywe!»

Hezekyeri 22:29

Kiri naꞌbagunda bagweti bagakizi gungana, iri banazimbana. Bagweti bagakizi nyukula ibya bakeni ábatashobwiri. Banagweti bagagunga kiri neꞌbinyamahanga, buzira kuyiyubaara.

Hezekyeri 22:12

«Baguma biinyu bagweti bagakizi yitana, lyo bahaabwe imbuli. Banali mu kizi haana umwenda, mu kulooza ubunguke bwingi! Banagweti bagakizi nyaga ibya beene mu kugungana. Balya bandu, keera banyibagira lwoshi! Kwokwo, kwo nie Rurema Nahamwinyu ndesiri.

Hezekyeri 22:7

Abandu baawe bashombiri bayishe na banyina. Ibinyamahanga íbikutuuziri mwo, biri mu kizi libuzibwa. Kiri na banamufwiri neꞌfuuvi, bali mu kizi hubirwa.

Yeremiya 18:18

Iri hakatama, abandu baguma banahanuusania, ti: «Tugirage igambi libi hiꞌgulu lya Yeremiya. Si tuhiiti abagingi, kiri naꞌbitegeereza boꞌkukizi tuhanuula, naꞌbaleevi boꞌkutumenyeesa ngiisi byo Rurema adesiri! Aahago! Galya magambo gaage, tutagatwaziizi. Muyije, tugendi múbangira ibinyoma.»

Migani 6:18

noꞌmutima úguli mu shungika amabi, naꞌmagulu ágali mu tyambajukira iwa kugira amabi,

Migani 3:29

Utakizi shungikira umutuulani wawe amabi. Si mutuliinwi mu kuyemeerana!

Zaburi 140:2

E Nahano, ungize mu banangora-mabi. Si bagweti bagakomeresania! Aaho! Ukizi ndanga, maashi!

Bukengeeze 27:19

«Umundu, iri angaba atali mu twaza ibinyamahanga íbimùtuuziri mwo, kiri neꞌfuuvi, na banamufwiri, adaakwe. Mukuba, atali mu twaza imaaja ízidesiri hiꞌgulu lyabo. Abandu booshi banashuvye, ti: “Ee! Bikizi ba kwokwo.”

Kulyoka 23:9

«Mutakizi libuza ikinyamahanga. Si muyiji-yiji amagoorwa gaakyo, bwo niinyu mwâli riiri binyamahanga mu kihugo kyeꞌMiisiri.

Zaburi 36:4

Byo bali mu deta, gali mabi naaho, gira bakizi henderezania. Keera bakajandirira ubwitegeereze, batanali mu gira amiija.

Yeremiya 7:6

Hatanagire úgakizi libuza ibinyamahanga, kandi iri ifuuvi, kandi iri banamufwiri. Mutanakizi yitana. Neꞌngingwe, mutakizi yita abandu bazira buhube. Mutanakizi yikumba imizimu. Si iri mu mùleetera gobwe-gobwe naaho!

Yeremiya 49:11

Mundekere ifuuvi ízimùtuuziri mwo, naani, ngakizi zikuya-kuya. Kiri na banamufwiri biinyu, mbe nie bagakizi langaalira.»

Hezekyeri 18:12

Anabe agweti agalibuza abakeni na ábatashobwiri. Anabe ali mu zimba. Anabe atali mu galula ingwati. Anabe ali mu tabaaza imigisi. Anabe agweti agaagira ibitalaalwe, kundu biri kyagaza imwani.