Zakariya 5:4 - Kifuliiru

⁴ «Nahano woꞌbushobozi bwoshi, adetaga kwokuno: “Yiryo idaaki, ngalilungika mu nyumba ya ngiisi muzimba, na mu ya ngiisi úgweti úgakizi koleesa iziina lyani, mu kubiika indahiro zeꞌbibeesha. Lirya idaaki, ligabeera mwomwo, halinde iyo nyumba, linagijigiivye lwoshi-lwoshi, ukutondeerera ku miganda yayo, halinde ukuhisa ku mabuye gaayo.”»

Zakariya 5:4 Referans Kwoze

Migani 3:33

Ikyanya abandu bali mu gira íbitali nga byo, Nahano ali mu badaaka. Si ngiisi ábali mu gira íbikwaniini boohe, ali mu kizi bagashaanira.

Malaki 3:5

Nahano woꞌbushobozi bwoshi, adetaga kwokuno: «Ha nyuma, ngayiji mùhana. Ngayami yiji lega abanamaleere, naꞌbashule, naꞌbanabinyoma, na ábagweti bagagunga imbembo yaꞌbakozi, na ábali mu kizi libuza banamufwiri neꞌfuuvi, na ábali mu nyima ibinyamahanga ukuli kwabyo, na ngiisi ábatali mu ndwaza.

Hayubu 18:15

Inyumba zaabo, zikola zigajigiivibwa. Umuliro gwaꞌmakala, gugaziyaka kwo.

Bukengeeze 7:26

«Mutakolwe kwo mwabiika ibyagaza mu nyumba ziinyu. Kútali kwokwo, mugayami shereezibwa, haguma neꞌyo migisi. Birya byagaza, muyame mubigayiri lwoshi. Bikizi shereezibwa ngana-ngana.»

Hayubu 20:26

«Ubugale bwabo, bugakabulirwa mu kihulu namudidi. Umuliro gunabujigiivye. Na íbiki sigiiri mu nyumba zaabo, bigasiriira.

Hisaaya 24:6

Kyo kitumiri ikihugo kikoli daasirwi. Na ábakituuziri mwo, keera bakatwirwa ulubaaja kwo bahuba. Yohoo! Bakola mu singooka! Na ábakoli sigiiri bali bagerwa naaho.

Yeremiya 2:26

Umuzimba, iri bangamùbirigisha, ali mu teteerwa. Kwo na kwokwo niinyu mwe Bahisiraheeri, mwâye teteerwe. Kiri naꞌbaami biinyu, bagateteerwa ngana, kuguma naꞌbatwali baabo, naꞌbagingi baabo, naꞌbaleevi baabo.

Hosheya 4:2

Si mugweti mugadaakana, iri munabeesherana, noꞌkukizi yitana, noꞌkuyifunda mu bushule. Mutakiri mu yihangirira, mugenderiiri naaho noꞌkukizi yitana.

Hosheya 4:3

Kyo kitumiri ikihugo kiinyu kikoli yumagusiri. Ngiisi ábakituuziri mwo, bakola mu fwa. Kiri neꞌnyamiishwa, zikola mu hera, kuguma noꞌtunyuni, neꞌfwi.»

Hamoosi 3:10

Nahano adetaga kwokuno: «Abandu baani, bataki yiji ngiisi kwo bangagira íbikwaniini! Inyumba zaabo ngomu, si ziyijwiragi mweꞌbindu byo bakanyaga!»

Zakariya 5:3

Ulya muganda, ti: «Mu kiriira kitaabo, muyandisirwi idaaki írigatibukira mu kihugo kyoshi. Yikyo kitaabo, ku luhande luguma kuyandisirwi kwaꞌbazimba booshi bagayimulwa mu kihugo. Na ku lundi luhande, kuyandisirwi kwo booshi ábagweti bagabiika indahiro zeꞌbibeesha, nabo bagayimulwa mwo.

Zakariya 8:17

Mutanakizi shungikirana amabi, kandi iri kukizi biika indahiro zeꞌbibeesha. Si yago mabi gooshi, ngashombiragi bweneene! Kwokwo, kwo nie Nahano ndesiri.»

Bukengeeze 28:16

«Mugadaakwa mu twaya, kiri na mu mbingiro.

Yoshwa 9:20

Tubalekage bayame ho, gira tutayiji kengeera twahanwa. Neꞌyo ndahiro yo keera tukabiika, tutangaki gihongola. Si byo tugabahuuna naaho, byo byebi:

Hayubu 8:15

Ee! Yizo nuzi, zigatwika ngana. Kundu bangazigwatirira, haliko zoonyene zitakaniri.

Hayubu 8:22

Kundu abagoma bangaba bakushombiri, si bagaki teezibwa ishoni. Yabo banangora-mabi, inyumba zaabo zigaashaka ngana-ngana.»