Zakariya 3:8 - Kifuliiru

⁸ «E Yoshwa, ulyagagi mugingi mukulu. Na niinyu mwe baabo bagingi! Yuvwirizi! Si mwe muyerekiini íbiki gweti bigayija. Ngolaga ngaleeta umukozi wani, ulya úli mu buuzibwa Ishibwe.

Zakariya 3:8 Referans Kwoze

Yeremiya 23:5

«Mu siku ízigayija, mu kibusi kya Dahudi, ngameza mweꞌshibwe liija. Uyo, ye gayima, anabe mwami mwija, anabe ali mwitegeereza. Yeki, agatwala ikihugo ku njira íkwaniini, na mu kati koꞌkuli. Kwokwo kwo nie Nahano nadeta.

Hisaaya 11:1

Mu naludakwe weꞌkiti, mwo muli mu lyoka ishibwe. Kwo na kwokwo, na mwiꞌkondo lya Yese, mwo mugalyoka umwami muhyahya.

Zakariya 6:12

Unamúbwire kwo Nahano woꞌbushobozi bwoshi, adetaga kwokuno: “Hano, halyagagi umundu, úli mu buuzibwa Ishibwe. Uyo mundu, halya ho atuuziri, agahagangaala, anayiji yubakulula inyumba yani.

Yeremiya 33:15

Mu yizo siku, mu kibusi kya Dahudi, ngayimika mwoꞌmundu, libe ishibwe liija. Uyo mundu, agatwala ikihugo ku njira íkwaniini, na mu kati koꞌkuli.

Hisaaya 53:2

Umukozi wa Nahano âli kizi kula imbere lyage ngiꞌshibwe, anaba naaho ngoꞌmuzi úguli mu kula mwiꞌdaho írihangalusiri. Ulya mukozi atâli buyahiri, atanâli kizi gingikwa, mbu lyaꞌbandu bamúsiima. Ikyanya twâli kizi múlola kwo, ndaabyo twangamúsimiiri kwo.

Hisaaya 42:1

Lolagi! Uyu, keera nꞌgamútoola, anali ye mukozi wani. Keera nꞌgamúkania umutima, ananzimisiizi bweneene. Ngamúbiika mwoꞌmutima gwani, gira amenyeese ibinyamahanga ngiisi íbikwaniini imbere lyani.

Hisaaya 20:3

Mu gwogwo mwaka, Nahano anashubi deta: «Umukozi wani Hisaaya keera ahisagya imyaka ishatu ali bukondwe, iri anagenda buzira biraato. Bwo akagira kwokwo, kali kalangikizo koꞌkumenyeesa i Miisiri neꞌHendyopiya, kwo byâye yogogozibwe.

Hisaaya 4:2

Ku yikyo kyanya, mu kihugo, Nahano agaameza mweꞌshibwe liija, linabe lyoꞌbulangashane. Ee! Abahisiraheeri ábagaaba basigiiri, bagakizi siima ibitumbwe byalyo, banabiyihayire.

Hezekyeri 12:11

Ubabwire kwo ngiisi kwo wagira, kali kalangikizo imwabo. Mukuba nabo, bakola bagagwatwa imbira, banatwalwe i mahanga.

Hisaaya 53:11

«Umukozi wani, kundu ali mwija ngana, haliko agalibuuka bweneene, mu kubetula ibyaha byaꞌbandu bingi, halinde banabe bakoli kwaniini imbere lya Rurema. Kwokwo, akabuli yiji shambaala.

Hisaaya 52:13

Rurema adetaga kwokuno: «Lolagi! Umukozi wani agakizi kola ku bwitegeereze. Kinatume abandu bagakizi múhuuza.

Hisaaya 49:5

Ikyanya ndazi butwa, Nahano akandoola kwo nimúkolere, halinde nimúgalulire Abahisiraheeri. Ee! Nahano akoli ngingisiri, keera anambeereza imisi.

Hisaaya 8:18

Ndi hano, twe naꞌbaana bo Nahano akambeereza. Twehe, tulyagagi tulangikizo twa Nahano woꞌBushobozi bwoshi, anali ye bwatiiri ku mugazi Sayuni. Ee! Twe tuli mu kukizi kengula Abahisiraheeri.

Luka 1:78

Rurema witu atuyuvwitiiri indengeerwa bweneene! Ku lukogo lwage luhamu, agatutunduukira ukulyoka mwiꞌgulu.

Hezekyeri 37:24

«Umukozi wani Dahudi ye gaaba mwami wabo, banabe bahiiti umungere muguma naaho. Bagakizi simbaha imaaja zaani, iri banatuula nga ngiisi kwo nꞌgababwira.

Hezekyeri 34:29

Bigamenyeekana hooshi, ngiisi kweꞌndalo zaabo zikoli yeziri bweneene! Kwokwo, abandu baani batâye ki shubi minikwa noꞌmwena. Batanâye ki honyolezibwe neꞌbinyamahanga.

Hezekyeri 24:24

Hezekyeri agaaba mugani gwo mugayigira kwo. Ngiisi kwo agaagira, kube kwo na niinyu mugaagira. Yago gooshi, mango gakolekaga, lyo mugaamenya ku kasiisa kwo nie Rurema Nahamwinyu.”»

Hisaaya 49:3

Anambwira: «E Muhisiraheeri, ulyagagi mukozi wani. Ngakuyerekana mwoꞌbulangashane bwani.»

Zaburi 71:7

We kambeereza ubushobozi, we nali mu njuutira. Kwokwo, abandu bingi bakola mu nyigira kwoꞌmugani.

Hezekyeri 12:6

«Neꞌkyanya bagaaba bakiri mu kuhenekera, unayibetuze umuteekerwa gwawe ku kitugo, unaguhulukane mu bushigi. Ku yikyo kyanya, ugabwikira amalanga gaawe, gira utabone ikihugo kyo ugagenda mwo. Mukuba, balya Bahisiraheeri, ndoziizi kwo ube kalangikizo mu kati kaabo.»